今朝早有升國旗的儀式，雖然以前個個月都會升國旗，但係今次有D唔同，

因為今次可以睇到全世界最大的巨無霸空中巴士A380係自己的眼前飛過

可能對你地黎講根本冇咩特別，但係對我黎講就有一種啟示的感覺，

因為我有一種展翅高飛的感覺，係一種似鷹展翅高飛的感覺，我覺得神已經回應左我

因為由暑假開始我不斷有機會去打返好D根基，令我明白到我應該要發力去讀好D書，

因為我平時做人的態度就係:退一步，海闊天空

但係我遇到一D事唔可以退的話就會:盡力而為咁去做應該要去做的事

因為我唔想將來回憶過去的時侯，自己的人生又多一件遺憾的事

因為就算有一件遺憾的事，都已經太多！因為讀書係唔可以退的，所以我會盡力而為

其實我一開始都有D猶豫，因為自己就係選擇理科;但興趣可能係文科，所以好煩惱

但係想深一層，依家入咩科已經決定左，我唔應再停留係埋怨的階段，

因為自我埋怨係冇結果的，咁不如盡力而為做好佢，所以我無論遇到咩困難都唔會怕

呢一個星期唔知點解自己會出返黎學校捉棋，那當然大獲全勝啦

估唔到我依家都仲有一對九至十幾個棋手的能力，意思係一局棋應該一對一，

但係唔知點解其他的棋手都會幫我的對手，攪到成日都好似世界大戰咁，

但又唔係以眾敵眾，而係要我以「寡」敵眾，真係唔明以前係咁點解依家都係咁

不過，好彩都贏到，但......在贏的同時，我......再一次感覺到一種感覺，

呢種感覺，是我久違左的，但又對我自己絕對唔陌生的感覺──天下無敵的感覺

我感覺到一派傲視蒼生的氣度係我的體內再出現，呢種感覺就如一個無人可擋的巨浪，

再次以鋪天蓋地的氣勢重現世間!而我就會用呢種感覺去盡力做好我應該要做的事

今日係English camp的Last day，今日冇教書反而由頭玩到落尾，真係好開心

食完lunch之後係結業禮，班班都派D代表上台講D野同送紀念品俾自己班的導師，

不過，好似得我果班唔知有哩件事，所以忽然好忙之後仲話唱返琴日果首My Love，

但係到左最後都係冇唱，因為覺得唔好同埋會比人誤會抄橋，所以最後都係冇唱到

最後同所有miss同阿sir講再見雖然只係識左一個月，但真係好唔捨得

今日係English camp尾2的日子今日有天才表演的節目當大家都煩緊表演D咩果陣

我忽然記得自己都有幾首的英文歌係電話度所以比左D同學聽結果佢地選擇左......

我果首westlife-My Love真係估唔到有機會係學校度表演哩首歌見到D同學不停咁練習，

真係好開心呀估唔到可以一班同學一齊表演哩首歌到左表演果時唔知點解得自己一個獨唱

明明講好左兩人一組，我同oscar一組係一齊唱架嘛點知佢居然企左係隔離組，要我獨唱

之後D音樂比預期細聲左好多搞到我都唔知點算好，咁咪為有盡量記返D拍子同唱得似D囉

不過，到左過門oscar請Miss Lisa上黎台度果時個氣氛好好，最後都順利唱完首歌

雖然，今次自己有走音(因為自己未唱到果個音)、甩歌詞(因為自己唔夠氣，接唔到下一句)、

咬字唔清楚(因為自己太緊張啦)、仲有......成身係咁震，不過第一次都算做得唔錯架啦

希望自己下次會做得更好啦

仲有，多謝今日有份同我一齊上台表演的同學，多謝你地咁比心機去練習呀