琴日，係第一日的成長營，我被編入綠組之後想組名，最後選左我的提議叫海軍"綠"戰隊!

不過，一開始D男組員都唔係咁落力咁參與活動，但係隨住玩的活動多左，組員開始投入咁比賽，

琴晚三點幾先訓，然後又醒左幾次，之後好辛苦先訓到，因為D人好嘈都唔訓>3<

由其係野外定向果個活動同埋今日果個拯救鴨仔的活動大家都非常投入!

最後，我果組攞左亞軍，好開心又有野食^^

今日係聖誕聯歡，因為琴日同D合唱團幹事嘈左，所以都唔知去唔去好!

不過，我最後都去左，因為琴晚想想下都覺得自己有唔岩!

在此向你地講聲對唔住，我唔應該發咁大脾氣，希望你地會原諒我的衝動啦!

講返今日，合唱團的表演都ok啦!今年的聖誕聯歡會好似返到去F.1咁，因為個個都唔熟，

不過今年有黃sir同miss黃做班主任，搞到日日都笑餐死的^^

今年的聖誕敬拜氣氛非常好，好多老師都上左台唱歌，由其係miss黃，佢把聲真係好正，

唔做歌星真係浪費!今日終於見返喬sir啦，真係超開心，因為喬sir係唯一一個老師係同我岩頻導。

不過佢消瘦左好多，希望佢可以快D好返啦!

今日上化學堂的時候，CC張比我地用拍低實驗的過程，今日試左鈣，估唔到鈣係爆得咁勁=="

今日G.P.的活動係畫畫，D畫好辛苦先做好大部份，下星期要繼續畫!!!

今日係香港葛福臨佈道大會，今日有四萬人黎聽佈道會，場面好壯觀。

同埋，今次係我第一次去大球場。不過，今日我地要坐山頂位，仲要差唔多係最早到同最遲走。

不過，走果時真係等左好耐>3<好彩都仲有歌聽^^

今日有好多人決志信耶穌，好多人都企左係度，真係估唔到!

我上傳左D相架啦，大家去睇下啦!!!