今日正式完左中五既課程，我果班都差唔多返齊，今日帶左相機同D朋友影相，

原本諗住去合唱團探下D成員，但係好可惜今日改左上星期五既堂，所以冇合唱團。

午餐同左媽咪食pizza box，食完我就返左屋企。

原本今日想同D棋友痛快咁捉返局既，可惜佢地都冇返，所以就告吹左囉。

多謝各位曾經關心過我既人，有你地既陪伴，我呢五年都過得好開心，

雖然中間會有嘈交、鬧交甚至打交既事發生，

但係我唔會擺係心度，因為已成過去！

記得同你地一齊笑過、玩過、被讚過、被獎過、喊過、痛過、悲過、打過、

被鬧過、被罰過......好多好多！

好多謝你地比左我一段咁寶貴既回憶我，

我係唔會忘記你地架，希望你地都唔好忘記我啦！

有機會既話，下年見啦！

又好耐冇打日記啦，岩岩上星期考完畢業試。

而上星期四又病左，依家差唔多好返曬啦。

比你地玩個無獎遊戲呀！

「估下有幾多個人頭」

資料來源：Last day lunch time 成班出去食飯過馬路果時影架

「多人嗎？」

加左新相！

Hi ! 各位，好耐冇見，我因為呢排考緊試，所以冇打日記。

琴日同爺爺、爸爸、叔叔出左去兜風，我地去左西沙同馬騮山，真係超多馬騮，好壯觀！

今日就多左嫲嫲同我地出去兜風，我地去左馬騮山，屯門黃金海岸同屯門碼頭！

好耐都冇返過屯門啦！特別係黃金海岸，黃昏既時候真係好靚，夜晚去左屯門碼頭度食飯，

之後行左海邊一陣就坐車返屋企囉！跟住四個字左右返到屋企囉(超快 =.="全程80公里)，

爸爸話：再快D都仲得呀！(wow「強」)差唔多返到屋企既時候，同架的士鬥快，不過差D輸>3<

個的士司機偷步既，加上我地架車弱，所以要用最大馬力先贏到=3="

比着平時坐LAND ROVER...真係差天共地！

平時坐LAND ROVER一起步已經帶頭啦，開到100公里都仲得呀！

如今...唉！

新增左相片！

這些相型嗎？

各位，好耐冇見啦！今日8點起身，跟住由屋企坐21號到紅磡火車站同巾姐食M記早餐，

之後同巾姐係巴士站等呀然坐果班171巴士去老sir屋企，去到老sir屋企下面call老sir接我地，

上到去真係睇到海洋公園架，間屋都幾大架，仲好靚天！之後同老sir傾左一陣計，

老sir就開左生化危機(3)比我地睇(睇過N次)，跟住因為巾姐驚驚，所以轉睇鐵甲奇俠(戲院睇左)，

之後我發現呀然同巾姐原來未睇過呢兩套戲架！睇完之後老sir帶我地去左平台度參觀，

之後我地(我、老sir、呀然同巾姐)去左個遊樂場度玩，

我同巾姐玩曬成個遊樂場而我、呀然同巾姐係玩滑梯時仲影低左天！

之後我地去左會所個餐廳度食野仲傾左好多野，跟住老sir繼續帶我地參觀個會所，

個會所真係好大，之後我地發現左一樣野，原來凡有得睇外景既玻璃一定可以睇到個海架！

之後老sir同我地打左場桌球，等攞場時要等一陣，所以我地坐左係大堂傾計，

其實我地都有一路行一路個，嘩！估唔到打一場會打左咁耐，有冇成個鐘呢 ^^"？

打完之後我地就坐返171出九龍，期間我地又一停咁傾計(今日真係不停咁傾計 ^^")，

之後我係女拔個站同佢地分別，跟住行過對面馬路係西九裁判署坐26號巴士返屋企。

估唔到返到屋企都差唔多5點囉，嘻嘻...玩左成日天

依家上傳D相先，仲有架！不過唔係我度。