請大家為我爺爺個手術祈禱，我80歲既爺爺會係3月18日入瑪麗醫院預備做手術換腳軟骨，

而個手術3月19日中午12點就會開始！

請大家祈禱保守我爺爺個手術順利完成，並且減低佢既痛楚，同我地一家既信心！

卓桓上

今日有好多第一次用速成打日記，第一次用咁耐去打一篇日記，第一次出糧，超開心

雖然篇日記好短，不過我用左好多心血去打架！

今朝去左基小畢業禮，下午就準備聽日3D成長系列既物資同開會，

跟住同汪哥、彭彭、澤成、呀然去左金橋度食午餐(做到成三點)。

之後上媽家度換返衫就上左爸家度打機，因為大伯、姑丈、姑媽、小張(表弟)都上左爸家度打牌，

打到7點半就返落去爺爺嫲嫲家同爺爺、嫲嫲、忠叔一齊食Pizza，五盒燒味飯，幾盒炒粉麵同蛋糕！

哈哈，今年係第一年生日收到大伯既「利是」今年爺爺嫲嫲、姑媽、爸爸都有比利是我！

而忠叔就請我食個Pizza(多謝忠叔成$200既Pizza餐，多謝爺爺嫲嫲、大伯、姑媽、爸爸既利是)

哈哈，真開心！印象中今次好似係第一次全家人同我慶祝生日，雖然今晚午夜我先正式踏入生日，

但係我都好滿足，多謝各位同我慶祝生日，而聽日正日媽媽先同我慶祝生日，詳情留意慶祝生日2。

註：相方面就等過埋聽日先一次過post出黎。

今日係我地中五級既謝師宴，為左謝師宴買左新衫出席仲剪埋頭髮tim！

六點三我同呀然一齊坐的士去海逸酒店(係家維邨上車)好快就到左，之後發現已經有唔少人到左，

好彩冇聽呀然講七點先到姐去到先係大堂傾左陣計，人齊之後行樓梯去一樓，

跟住簽個大名就同呀祝影相，之後就一齊入左去囉。

跟住揀左最尾張枱坐，雖然面向台係最尾，不過面向食物既話就係最頭啦

本來以為今次係食中菜，點知原來係食自助餐喎我當然揀個好位啦！

之後不停咁影相，影到開始謝師宴。開始既時候由cecilia唱歌正式開始，

食野之前有抽獎(用電話number黎抽)，抽左幾個之後，MC話下一個電話number係6字頭1字尾，

我立刻諗係咪我呢點知我電話響左...表示「中左」！攞獎時有好多獎聲，都有人大叫大俠= ="，

非常開心！抽到一對耳機，不過最後同葉子換左鍵盤，

因為屋企有好多耳機，反而冇後備鍵盤，所以同佢換左。

之後食野，食左兩碟三文魚刺身、三隻生蠔、半碟壽司、仲有好多好多都食左，飽左！

之後又不停影相同傾計，跟住又抽獎(下半部)。大獎有兩份係 PSP 同 i - pod！不過與我冇緣。

抽完獎後就睇片，睇完片又不停影相同傾計，之後就完左囉！

原本諗住就咁就走架啦，不過突然間又覺得好唔捨得，所以走返轉頭，同D fd say埋bye bye先走，

諗住叫呀然同我一齊走，點知佢話要等人，之後等等下都係唔等啦，反正冇必要，

所以一個人慢慢行返媽屋企，途中諗左好多野，諗下諗下...行下行下...就返到屋企囉！

後記：呢五年朋友唔多，不過每一個我都唔會忘記，因為我地係真朋友而且係一家人！

One Family , Walks Together！

加左新相2009-06-25謝師宴

今日，係我地中華基督教會基道中學2008-2009年度第六屆畢業典禮及綵排日，

我今日好早就返左去準備身心，雖然霸到個靚位，不過最後比人調左>3<。

今次個畢業禮都幾有feel，雖然今年冇合唱團作表演，但係個氣氛同過程冇想像中咁悶，已經難得。

今年有畢業班既班主任唱歌，實在太感動啦！

今年係畢業禮冇咩點影相，希望係謝師宴可以影多D相啦。

畢業禮就等於我既一個人生階段既結束，同時都代表我既另一個人生階段既開始，

所以真係喜憂參半。

時間過得真係好快，想起五年前先過左小學畢業禮，如今又再一次畢業啦！

我有好多人生既第一次都係比左基道中學，例如：第一次做正&副班長、第一次做輔導領袖生、

第一次做資訊科技領袖生、第一次係校外攞獎、第一次參加水運會、第一次做後台總指揮、

第一次上台獨唱、第一次坐LAND ROVER返學&放學、第一次係學校既課室打Play station、

第一次去步操、第一次做工作人員、第一次擔任主帥、第一次拍片、第一次有同學記得我生日、

第一次收到生日禮物、第一次比人重視、第一次聽到老師同同學都話冇左我唔得、

第一次係學校BBQ、第一次返教會、第一次去佈道會、第一次祈禱、第一次比人圍同比人兇、

第一次比人叫「大俠」，仲有好多好多係第一次，數都數唔曬！

回看哩五年，都總算冇浪費到，有D野唔係單單一張成績表可以話比人知我係呢五年既進步架！