今日係屋企做左D功課，睇左陣電視，上左陣網，

夜晚入左大埔練車，期間大伯話肚餓，我攞左包餅出黎大家食，

食完我去掉垃圾，掉完行返去停車場，後面有人踏單車，

我咪行埋D比佢過佢，跟住唔知前面有暗斜，對鞋又濕喎。

跟住滑倒(所謂既PK)，屁股落地，雙手跟住落地，之後滑落去，

見到前面係水渠就用手急停，結果......屁股超痛，左手擦傷左。

唉~~~真係:千年道行一朝喪！

12/7                                                                                                                       

返左團契，不過唔知改左兩點開始，所以一點已經返左去(早左成個鐘)

不過好彩有PSP陪我，一點半團契D人返左黎，所以大家一齊傾計同玩

團契尾聲既時候(我地係101室)，無嗱嗱有人掟雞蛋，奶婷頭髮中左招，

之後我地見到幾個𡃁仔不停咁偷看，我地睇到佢地既時候就不停咁走，

唔洗問兇手一定係佢地啦！真無奈，咩世界呀！

連學校都夠膽襲擊，真係膽大包天呀！

之後美珠話想行返屋企，順便行下街喎。

因為順路，所以佢陪我去到巴士站，傾左兩句就有車囉，

跟住佢返屋企；我去觀塘找爸之後由觀塘去左Mage Box睇街頭超人！

13/7                                                                                                                        

好悶既一日，上網找一D補習既資料，悶悶咁過左一日！

14/7                                                                                                                                 

今日返去攞成績表，成績有好有唔好，之後訂書跟住返歸！返得一個鐘！

夜晚，爸同我傾左D野，最後大家都冇答案，佢就走左！

呢個答案我諗左好耐，最後，我既答案係...

我既成績冇需要向所有人交待，我只需要向自己交待，

我都唔會對所有人作出無謂既承諾，我只會對自己作出承諾，

仲有我唔出聲唔代表我逃避，因為我根本唔識去逃避，我只係識去面對！

今日係課外活動大匯演，所以7:30就返到去練歌(好早呀)，

每年既課外活動大匯演我都係表演唱歌，今年都唔例外。

今年除左同合唱團表演唱歌之外，

仲同老sir、樹林、呀然、肥譚一齊唱歌，上一次合作既時候係F.2，

今年我已經係F.4啦，下年已經冇得係課外活動大匯演表演啦！

所以我地特證上台唱返兩首歌送比教導我地既老師。

而我地今次唱左朋友同真的愛你(敬師版)，我地改左少少歌詞。

今次果兩首歌真的愛你(敬師版)唱得ok；朋友唱得唔係咁好，

因為佢地琴日先決定唱咩歌，所以唔夠時間準備。

雖然我唱朋友既時候一開始唔記得左歌詞，但係我馬上加D歌詞落去，

勉勉強強過到關真的愛你(敬師版)因為熟就ok左

之後放小息，但係我又要返合唱團練歌，

因為小息完左就到合唱團表演囉，所以冇時間休息

合唱團小組表演反而ok喎，可能因為琴日件事掛，

不過全體合唱團表演都ok，唱完之後落返去睇其他表演。

睇完之後上左去401室度交中文科D分，跟住落返音樂室，

點知得返明同珊未走，所以一齊去左加太賀度食lunch，

食完之後送左明同珊去踏5C，跟住我先返屋企。

今日真係好累呀！聽日又要結業禮，一個字【悶】

今日係我小學既結校日，今日開放時間係1:30，所以我1:30已經返左去，

一入到去就見到雄哥(校工)，雄哥居然仲認得我喎。

琴日放學好累，望左一望個天，原來個天真係好靚架！

今日一返到學校買完野食，明、文生、yan送左生日禮物比我，

真係好多年都冇同學(朋友)送生日禮物比我啦，多謝你地呀！

都多謝今年有同我講生日快樂既人呀！今日我好開心呀，THX！

今日返學淨聽講座，聽左成兩個半鐘，

又【悶】，又要攪埋D爛gag，真係無聊呀！

聽日我有個地方要去，希望一切都咁美好啦！