今日放左學就同關sir,miss黄,其他IT Prefect一齊去理工大學度參觀，

去到先知今次參觀既係理大電子計算學系，我地一開始就參觀智能家居，

間房既設備大部份都可以用電腦控制，而且仲有得用"聲控"天

開始控制之前要講:hi,computer!之後電腦會答返你，

咁就可以發出一個指令比電腦，關sir講:hi,computer!跟着等電腦答返關sir，

答左，之後關sir話:開門，之後對門自己開左喎

咁我地玩左一陣就去左Game room度睇短片同埋聽介紹，呢個有D悶

聽完之後去左人體生物特徵識別研究中心(Biometrics Research Centre)

我地睇左好多識別系統，之後關sir試脈象診斷系統，試黎試去都測唔到，

之後我地試都唔得，但係介紹果位姐姐又得喎唔知點解呢

跟住填問卷就走囉。跟住我帶梁國權返紅磡火車站踏車，

我地踏21號巴士，因為我要去媽度；佢要返學校打波，所以一齊踏車。

我都係第一次帶男仔去踏車，我教佢沿返頭先黎條路返去，

佢同我講唔識喎好彩我記得D路姐遲D上載今次參觀既相比你地睇呀

今日第四堂既時候上數學，我地學校參加左3.13齊關燈既活動，

所以同一時間關燈，咁王sir係度同我地傾計，傾傾下何副校有宣佈喎，

王sir同我地都一齊歡呼，因為今日我上第一堂既時候係何副校既物理堂，

點知遲左成十分鐘呀，原本以為何副校冇返，點知佢黎到既時候，

同我地講佢頭先同校長開會，仲以為佢地冇咁快傾好，

點知第四堂就宣佈啦，王sir同我地都以為有得放假，

點知何副校係宣佈D近期既注意事項咋，王sir同我地都「唓」左一聲，

真係「一場歡喜;一場空」&「希望愈大;失望愈大」，

之後放學前校工入黎派體溫表，唉~~~以後朝朝都要量體溫，「煩」。

今日有好多既功課呀英文、數學、生物、化學聽日都要交功課，

每一科既份量都唔少，依家努力中，希望可以快D做曬啦

今日返到學校我面對左琴日果一件事，我本來好驚，

不過神真係賜比我有出人意表既平安，真係非常感謝神係我身上作既功，

為着呢件事我非常感恩。

今日既我可以作證:祈禱真係有用架，如果你地有唔知點做的事，

試下祈禱啦。

不過，大家禱告之後記得講:「奉主耶穌基督聖名求，阿門！」

主先收到架

今日返學上左四堂:一堂中文、一堂基教、兩堂P.E.。

今日P.E.堂跑九分鐘，今次一次過跑左18個圈冇停過，比上次多左三個圈

上完P.E.堂就去左合唱團度練歌之後成班合唱團係音樂室食午餐，

搞到音樂室變左飯堂咁跟住出發去香港大會堂，

我地果段時間D比賽隊伍唔係太勁，不過其他時段就唔知啦

不過，今日的表現都幾好，我覺得有進步已經可以接受。

咁當然想攞證書啦

我今日犯左一個強者的大忌:太大意估唔到我都會有咁係一日

我終於明白到一子錯滿盤皆落索的意思啦

希望神賜出人意表的平安比我啦希望大家都幫我祈禱啦

今日同我爸和表弟一齊去左荷里活廣場度睇公元前10000年，

套野冇咩大驚喜比到我地，反而仲有少少失望，

因為由頭到尾個故事都冇咩邏輯既，睇完都唔係咁知佢想講咩= ="

隻劍齒虎就好型啦，不過劇情就......唉~