今日係星期五，由上星期一開始我地班獨唱的男仔先開始加緊練習，

咁當然進度好差啦，聽日就比賽啦，我地班男仔仲係比人捉唱錯字

不過，我自問可以做得更好，不過今年唔知做咩成日都力不從心咁，

唔知係咪我又打回原形呢？當然我唔希望係咁啦！

呢兩個星期，日日死練爛練其實已經進步左(不過，我覺得好少)，

希望聽日正式比賽的時侯可以發揮到全力啦，輸贏已經唔再重要，

最重要的係可以拋開一切，盡情咁比賽！希望大家幫我祈禱啦！

打返之前D野先，曄!想一想上次打日記，都係差唔多成個月前的事黎囉。

考試期間:覺得好辛苦，因為天氣又凍又要坐門口果行，耐力少D都唔得呀

新年期間:周圍𢭃利是啦，今年D利是比上年多左呀

今日係:家長日=攞成績表的日子，去之前我已經同我爸講左我今次考得唔好，叫佢有心理準備，

因為我今次係我中學階段裹面考得最差的一次，之前知道曬D卷的成績之後，我真係喊左出黎，

所以都做左前所未有的心理同生理準備，今次係miss黃見我同我爸，miss比張成績表我的時候，

我真係唔敢相信我雙眼，我睇到總成績果行冇括弧，我果時真係呆左，我居然全部合格

miss話我D成績係岩岩好，全班排23全級排9十幾，全級一百八十幾人排岩岩中間，

我真係覺得好開心，唔怕話比你地聽我係中學階段都未試過全部合格，你地可能話我前後矛盾，

其實原來仲有平時分呢一項，因為平時分我先可以全部合格咋，我最差果份卷的平時分係最高的，

所以我先可以拉返高D成績咋。

反省:今次的成績都係好彩先攞得到，今次我係要靠自己的努力去攞高分。

我相信今次我唔會三分鐘熱度，我唔要做失敗者，我一做就要做最強果個。

琴日放學練完合唱團，之後去左淘大度打邊爐，今次都係同我爸LAND ROVER果D同事一齊食，

當然我爸都有去啦!之後我飲左三罐百事，我爸就飲左兩罐橙汁汽水同一杯啤酒，

而我爸D同事就不停咁飲啤酒，佢地D酒量好勁呀，飲極都唔醉!期間，佢地襯住我爸唔係度，

叫我試下飲酒，咁我當然唔肯啦，因為我今日都仲要返學架嘛，醉左點算喎

今日放學練完合唱團，之後係學校等我爸同克斯叔叔，克斯叔叔仲揸左佢新買果架MINI黎天

之後我地去左荷里活廣場的元綠壽司度食野，今日食左好多魚生同壽司，

我仲飲左兩支波子汽水，我仲攞埋D波子做戰利品天

上次飲波子汽水都唔記得係幾多N年前的事黎囉

最後，我地仲去左M記的cafe shop食cheese cake天

今年真係好有口福呀

你地好嗎我好耐冇打日記啦，有冇掛住我呀

打返之前D野先，因為事隔太耐啦，所以只係輕輕帶過

之前睇左異獸戰2，有D唔明，明明上一集有N咁多隻鐵血戰士，點知呢集就得返兩隻鐵血戰士

之後仲好笑有隻鐵血戰士係自己星球收到訊號，要自己下載資料，之後又要自己坐太空船去地球，

真係O曬嘴囉，攪到個星球得自己一個咁，佢影果時個星球係一隻鐵血戰士都冇架囉=="

有D時間仲第一身去拍，個畫面仲要掟黎掟去，攪我頭都暈埋=="

之前同媽咪去左睇投名狀，好好睇不過個結局就個個都死曬

之後第二日我就病左，不停咁肚痛又要不停咁呵水攪到我就黎虛脫真係好辛苦，第一晚仲要發噩夢

之後燒到100度，跟住睇左兩次醫生，第一個醫生D藥都唔得的

之後過左一個多星期就考試，原本做功課同溫書的時間，就病左啦!攪到那一個多星期趕到我死!

跟住考試之前比人激起我的鬥智，之後重拾返讀書的樂趣，因為由唔識到識係有好大的滿足感

只怪平時冇去溫，想追都追唔到!依家後悔已經太遲，我唯一可以做的就係更加努力追返D成績

今日去左身體檢查，今年我隻左眼居然連第二行都睇唔到，我上年仲可以睇到四行

醫生要我去眼科，不過要排期排到九月我唔想戴眼鏡呀

今日同我爸一齊去左荷里活廣場度睇戲，好開心呀，好耐都冇試過同我爸一齊睇戲啦

我地去到買完飛之後因為仲未夠鐘所以我地去左行商場，去到商場中心的時候，

我發現到有一個超級巨型的黑武士頭盔，我仲發現到有好多好多的星球大戰產品，

然後我抬起頭一望見到寫住星球大戰30週年博覽(STAR WARS EXPO)

真係估唔到係荷里活廣場會有星球大戰的博覽會，之後我同我爸就入左去睇，

我地仲見到一個好高的黑武士(Darth Vader)天，跟着我地睇左超多模型同玩具，

我最鐘意的係激光劍最後影左幾幅相就走左睇戲。果套戲都幾刺激，

不過唔知點解一有D嚇人的場面後面果幾個16-18歲的男仔就震一震，震果下仲踢左我地張椅

我係度諗驚就唔好睇啦，又要驚又要睇，仲要騷擾到人，真係多此一舉!

難聽D講句我都未驚啦，你地驚唔係呀嗎不過套戲又真係幾多嚇人位的

我新增左相片集啦!