呢排唔知點解懶左好多 , 連續幾日都冇打過日記 ~
好多野諗咁樣 .. 煩喇 ~ 都唔知想點 ....
早幾日阿豪生日 , 夜晚出左去食飯 ~ 仲叫埋大眼妹一齊黎添 ~
見到佢ｄ感覺好怪 .. 好唔知點咁樣 ... 到夜晚又send左個sms俾我
睇完我都唔知點覆佢 ... 唉 ~ 真係唔知佢諗乜 .... 好煩呀 !!
唔理咁多喇 ~ 佢鍾意點就點啦 ....

琴晚收左工 , 返屋企沖完涼就去左肥仔度剪頭髮喇 ~
整完都9 點幾喇 , 之後就同阿俊佢地成班上左去玩 ~
今次都幾齊人啵 ! 唯獨係欠左文嘉豪 ...
o係838 玩左陣 , 就過左去class玩 ~ 連colour都o係度添 ~
o係class留左唔夠半個鐘就返過838 喇 ~
坐左o係7 仔出面 , 見到toby ~ 見佢個樣睇黎佢未爆喎 !
原來佢都係岩岩黎到 , 唔怪之得啦 ~ 第一次見佢咁清醒同我講野 ~ 哈 !
不過隔左一陣再見返佢 , 佢已經 ... 爆到九彩喇 ~ XDDDDDDDDDD
見佢咁既樣我真係忍唔住 ~ 即場笑到收唔到聲 ~ 哈哈哈 ...
玩到4 點幾 , 走既走 , 繼續玩既都係得返我地幾個 ~
到6 點幾就走嚕 , 過左茶餐廳坐左陣 ~ 個個都話返香港 ~
但阿豪又唔想走 ~ 俾佢捉住左添 ... 之後過左去下沙搵阿羊揼骨
竟然連佢都會一齊去都有既 .. 有ｄ意外 ~

夜晚成11 點先返到黎 , 唉 .. 又用多左錢 ~
下次都唔會再陪阿豪留o係上面架喇 !

過左幾日終於開工嚕 ~ 初時又係以為唔洗開添 ~
10 點幾阿榮打黎先話開工 , 嚇得我丫 ...
唔知係咪幾日冇做過野 , 有ｄ呆滯添 ~
不過唔緊要啦 ~ 做番野就唔會架喇 ! 哈哈 ......

收工返到屋企勁無聊 .. 阿媽又o係度 .. 都係等佢走左先打機 !
點知等到食完飯8 點幾先走 .. 都好 ~ 煮埋飯我食 ~
打打下機先醒起要打返俾個舊同學 --- 鄧啟文
佢約晒成班舊同學下星期一晚食飯 , 呵呵 ! 咁耐冇見唔知大家變成點呢 ..
同佢傾左陣就收線繼續打機 , 一邊諗唔知o個晚會點呢 ??
不過都係唔諗喇 ~ 到時咪知囉 .. 都係早ｄ沖涼瞓覺啦 ~

唉 ~ 計埋今日已經休左3 日喇 .. o係屋企悶到死 !
部電腦又中左毒喎 ~ 岩先搞番掂咋 ...
不過仲係好慢囉 ~ 唉 ! 我諗都係要搵人上黎再整一整架喇 ...

今日唔洗返工 , 瞓到9 點幾就醒左 ...
見咁早冇野做 ~ 打下機先 ~ !
唉 ~ 打左成朝有ｄ悶添 ... 都係上網搵人傾下計好過 !
一開部電腦 .. 又黎喇 .... 又唔知咩事喇 ! 個桌面係咁眨下眨下 ...
我諗真係中左毒喇 ...唔理住喇 ~ 玩到就玩住先啦 !
等阿羊返黎先幫我搞番掂佢啦 ~

到夜晚肥仔打黎話今晚去玩 , 都好喎 ! 好耐冇去咁喇 ..
加上話去新場玩 , 橫掂又未去過 ~ 去睇下都好o者 ~

琴晚踢完波又夜瞓 , 今日都唔願起身 ...
點知今日係阿豪打黎叫我起身 ~ 原來佢又跟埋我地車 ~
都好 ! 橫掂今日咁趕時間 , 多個人幫手唔洗咁攰 ~

做做下條友又話要去拎糧 , 搞到失晒預算 .. 要自己做返晒 !
好彩到最後o個櫃佢都有返黎幫手 ~ 唔係一定屌死佢 !
5 點幾收工去左大圍食野 , 大眼妹就打黎喇 ~
講兩講又唔知發咩神經 .. o係度發脾氣仲cut埋線添 ....
都唔知佢搞乜 ! 唉 ~ 唔理喇 !

心情唔好冇野想講