焗左兩日終於落出雨喇 ~ 有風吹埋黎幾舒服 ~
咁既天氣阿豪肯定又唔洗做啦 ~ 哈哈 ! 呢ｄ工邊度搵呀 ~
阿榮叫左佢出黎開工  , 多個人舒服ｄ~ 唔洗咁辛苦 !
不過其實阿榮都係至在叫佢出黎打波o者 ~ 嘿嘿

收左工就去左土瓜灣篤波 ~ 簡直係殘忍呀 ! 哈哈哈哈 ...
阿豪不斷被嗺殘 , 打到都冇晒心機咯 ~ 陰公
夾夾埋埋輸百幾度 ! 仲要打5 蚊度 ...  死得好慘啊 ~~~
原本諗住走架喇 , 不過阿賢又話過黎 ~ 咪同佢打兩局先走囉 ~
打完都成9 點嚕 ~ 都係早ｄ返去啦 ~
睇阿豪個樣就真係搞笑 , 一臉無耐 ~ 冇晒聲出
我諗佢下次都唔敢出黎陪我地打波喇 ~ 哈哈哈哈 ........

都唔知今日做乜鬼 , 朝早7 點幾就起左身 ... 痴線 !
又瞓唔返添 ~ 唯有打陣機等一陣去踢波啦 ~
差唔多8 點 , 阿恆竟然打黎話去踢波 ~ 嘩 ! 出奇呀 ~
連阿恆都會話去既 , 都係打埋俾阿賢叫埋佢先去 ~

養傷兩星期之後 , 雖然隻腳都仲係有ｄ痛 ...
不過都頂得順既 , 整體黎講今日既表現都唔錯 ~
有助攻同埋有一球進賬 ~ 哈 ! 仲要係勁射入網添
開始重拾射門鞋嚕 ~ 等再好返ｄ既時候就可以踢好ｄ喇 ~

返到屋企攰到死 ... 又冇地方去 ~
都係繼續打機啦 ~

今日係嘉儀生日 ~ 大個女喇 ~
阿哥祝你生日快樂 !!

今日朝早7 點就要起身返工喇 ~ 勁眼瞓  !
返左公司拎埋d貨就要趕去中環做野嚕 ~
去到又要等人開柆 , 阿榮又唔一早打電話叫人開喎 !
搞到我係咁o係度遊柆河 ~ 頂丫  ....
好彩座大廈ｄ人都幫我開 ~ 唔係就真係唔知要遊幾耐喇 ...
上到去仲諗住拿拿聲整完就走得 , 點知又爆鑊 ...
ｄ門都唔岩位 , 搞左好耐都係唔得 , 要拎番走 .. 唉 !
今次又衰 , 即係下次又要去過啦 ~ 真係麻煩 !
既然搞唔掂 , 又可以收工嚕 ~ 真係好似冇做過野咁
咁又賺一日人工喇 ~ 哈哈 !

晏晝約左邱邱出旺角行街 , 嘩 ! 好耐冇咁樣出去喇 ~
真係好似大鄉里出城咁 ~ 又勁多人 ! 迫到死
行左陣買左兩件衫 , 之後又買左條波褲 ~
睇岩就買 ~ 幾咁爽 !
到4 點幾趙倫又出埋黎 , 不過都係唔知去邊好 ~
o係條街度周圍行 , 行到鬼死咁攰 ...
到6 點鐘趙倫話走喇 , 邱邱就話去搵ｆｄ , 送左佢搭車之後我地都走喇

返到屋企食完飯都係8 點幾9 點 , 都唔知去邊好 ~
問阿豪阿賢又話冇野搞 , 阿俊就上去飲酒 ~ 唉 !
睇黎今晚都係留o係屋企瞓覺吧啦 ...