今朝瞓到11 點幾 , 拿拿聲起身打去診所掛號先 ~
瞓醒成身汗 .. 原本想沖個涼先去 ~
不過要趕住o係人地食晏前睇 , 都係換件衫算喇 ..
琴日大眼妹又話今日會陪我睇醫生 .. 不過算啦 ~ 都係唔打俾佢喇
去到診所又成身汗喇 .. 但係又發冷唔吹得風 ... 冇計 ..
探熱先知原來未退燒 .. 仲要帶番個口罩添 ..
睇完埋單成三舊水呀 ...  又破財喇 ...
之後上左阿羊屋企坐左陣 , 就同佢屋企人一齊出去食野 ~
食完o係上水行左陣 , 大眼妹先瞓醒打黎話同我睇醫生 ~
大早睇完啦 ~ 不過佢有咁既心我已經好開心喇 ~
行多陣之後就返屋企休息嚕 ...

今日應承左幫韓生做野 , 仲要帶埋個o靚仔一齊做 ..
最衰琴晚唔知做咩突然間發燒 ... 又搵唔到人幫我頂 ..
搞到今日病緊都要局住開工 ...
初時仲以為好似韓生咁講好易做 , 但係完全唔係囉 ....
一來自己本身唔舒服 , 二來帶住條唔多掂既o靚仔做 ... 唉 ~
早知係咁就唔應承啦 ~ 返番阿榮度好過 ....
好彩本身都有兩個人幫手 , 唔係佢地既話我諗我帶條o靚仔都死得 ..
由朝早9 點做到晏晝5 點 , 幾經辛苦先捱過呢幾個鐘 ...
成個人攰到就黎死咁 , 拿拿聲返屋企沖個涼瞓陣好過 ~
唔舒服搞到乜野都唔想食 , 連踢波都冇去到 ...
唉 .. 好辛苦呀 ! 自己一個冇人理 ........

琴晚同佢地幾個上左去玩 , 不過好少人囉 ~
連838 都少人 ~ 完全唔似平時既星期六 ~
初時仲以為早 , 所以先冇乜人 ~ 就同阿俊去左打波先 ~
上次打都未嬴過 , 今次要努力ｄ先 ~
打左4 局之後局數都係平手 ~ 都算有番少少交代 ~
之後番過838 , 都係冇咩人囉 ... 勁悶 ~
到3 點幾連文嘉豪佢地都走埋 , 得番我地幾個 ...
玩到朝早走 , 去左茶餐廳坐左陣 ~
玩完都唔係咁想返香港 , 初時諗住過去阿俊話師兄度瞓既 ~
講講下連阿堂同埋肥仔佢地都留o係度 ~ 所以就一齊去左湘帝揼骨 ~
都好耐冇去過湘帝喇 ~ 都冇咩點變過 ~
不過俾西人俊嘈到我瞓唔到囉 ~ ｄ鼻寒大聲到丫 ...
肥仔同佢條女就瞓到扭左一團 ~ 場面極度嘔心XDDDDDD
瞓醒5 點幾 , 去東門行左陣食埋野 , 肥仔佢地就走左嚕 ~
得番我同阿俊 ~ 到夜晚成10 點幾先返黎 ~

今日又唔洗返工添 ~ o係屋企鬼死咁悶 ...
仲以為今日要返工 , 早知係咁琴晚就唔咁早瞓啦 ...=.=
見咁悶 , 今晚都係同佢地返上去玩下先 ~

今朝一早起身去左踢波 ~ 嘩 .. 曬到死 !
不過曬黑ｄ都冇所謂啦 ~ 健康就得喇 ~
最近同佢地踢都係自己人打自己人 .. 冇咩意思 ....
當係操下自己ｄ狀態同體能啦 ... ~
到下晝同趙倫熊仔出左去沙田睇戲 ~ 睇 < 龍咁威2 >
話就話下晝出 .. 點知都搞到成5 點幾6 點先出 ..
套戲都幾好笑 , 可以笑餐飽 ~
睇完冇咩地方去 .. 行左陣就返左屋企嚕 ...