呢兩日返工都冇咩特別 , 仲有ｄ悶添 ~
但係兩日矮妹都有打俾我 ..
唔知點解佢打親黎 , 俾我話到佢喊都唔會收線 ~
係咪驚再係咁落去連我都唔理佢呢 .. ?
其實我講左咁多野究竟佢明唔明架呢 ...
不過點都好啦 , 再唔識諗既話邊個都唔會再幫佢 ~

今日瞓到點幾鐘就俾阿賢嘈醒喇 ...
痴線架咩 .. 佢地琴晚打牌打到咁夜今日都咁早起身架 ...
換埋衫過去上水搵佢兩兄弟食野 , 去到先同我講話食左 ..
仲話過粉嶺火車站等埋阿寶 , 咁叫我過上水做乜o者 !!
等完阿寶o係大埔join埋阿賢個fd - anna , 上年聖誕BBQ見過喇 ~
一行5 人去左沙田UA買飛睇童夢奇緣 , 勁多人排隊囉 ~
好彩都買到飛 ~ 見未夠鐘就去食野先 , 好彩阿寶又未食有人陪我o者 ~

食完野o係UA門口食埋支煙就夠鐘入場喇 ~
套戲都唔錯 , 幾感動 ~ 比我預期中更加好睇 ~
戲當中帶出既意思真係值得再睇 ~ 我諗矮妹應該要睇下喇 !
睇完戲先8 點鐘 , 見咁早就去富豪打保齡喇 ~
我同阿賢都未玩過 , 即管試下啦 ~
不過玩落又覺得幾好玩咁喎 ~ 哈哈 ! 玩左3 局都有ｄ攰 ~
可能琴晚玩夜左啦 , 個個都有疲態喇 ~ 死下死下咁 ~
之後搭車返新城市又話食埋飯先走 , 行下行下行番去禾輋o個邊食 ~
食到成12 點先搭火車走 .. 勁眼瞓喇 ~
雖然今日個組合怪怪地同洗多左 , 不過都玩得幾開心丫 ^^

突然多左鋪打保齡隱添 ~ 下次返大陸玩下先 ~

今日返工勁眼瞓 , 一合埋眼就瞓得著喇 ~
早知星期六玩完就返屋企瞓啦 .. 搞到唔夠瞓 ...
夜晚返到屋企 , 阿賢打黎話去打邊爐 ~ 都好丫 , 橫掂我都想 ~
搵左阿豪同子健 , 佢地仲話叫多左個女仔一齊去 ~
原來係佢地既中學同學 ~ 無記錯我都見過 , 好似叫阿寶 ~
5 個人去食 , 食左都係3 百蚊度 ~ 抵丫 ~ 不過佢地好似傾計多過食野囉 ..

食完上左去子健家姐屋企 , 佢地開枱打麻雀我又唔識 ~
諗住坐一陣就返去 , 不過見佢地打牌都幾搞笑 ~
子健又掛住傾電話 , 仲要同ｄ女o係度傾 ~ 搞到個個都起晒雞皮 ~ 哈哈 ..
後尾坐到3 點幾就走喇 , 仲話聽日瞓醒去睇戲 ~ 聽日先算啦 ...

琴晚同阿俊佢地上左去 , 成個幾月都冇去過玩喇 ~
自從838 閂左門之後都未上過去 , 難得大家都想去就去左囉 ~
成晚周圍去 , 度度都咁多人 ~ 又唔好玩 ... o係度捱時間 .. 勁無耐 ~
去到凱悅仲要入唔到場添 .. 諗住轉場o個陣又o係樓下見到矮妹 ..
起初諗住同佢傾幾句就走架喇 , 點知越傾越耐 ~ 見咁樣我都叫佢地過場先喇
費時要佢地等我而悶親啦 ~ 留低左阿賢同我一齊 , 繼續同矮妹傾佢ｄ野 ~
講講下都講到佢眼濕濕 , 仲拉左我埋一邊攬住我喊 ......
o係o個一刻我已經唔知可以點去安慰佢 , 淨係知佢已經完全崩潰喇 ...
喊啦 .. 盡情咁喊啦 ! ... 或者我可以做既就係咁 ...
見到佢喊到咁淒涼 .. 心裡都有種酸酸地既感覺 ..
等佢平伏過後 , 我都繼續去玩喇 ~ 有咩玩完再算啦 !!

夜晚返到屋企都已經差唔多9 點喇 , 突然間好掛住屋企添 ..

點解身邊咁多人都唔開心咁既 ... 我都覺得好攰喇 ..
每每聽到人地既事都好想去幫 , 奈何能力所限 .. 唉 ...

今日休息 , 可以o係屋企抖足精神準備夜晚既比賽 ~
原本都想出去行下既 , 不過都係冇出到 ~

到夜晚等車去球場 , 預到ｄ時間好抆 .. 搞到俾人"鵝" 左兩句 ..
咁又係自己唔岩既 .. ~ 下次唔會啦 ~
換完衫就即刻出場喇 , 仲諗住咁遲先黎到要踢後備添 ~
好似成日都係正選份子咁既 ~ 哈 ! 仲唔洗踢最後o個個添 ~ so good !
今晚多左兩三個人黎 , 都幾勁 ~ 我踢得都算幾舒服 , 可以專注做中場掃蕩
成場波都係壓住人地黎踢 , 贏到3 比0 都已經放慢黎踢嚕 ~
點知俾人踢左腳 , o係地下轆左個圈諗住會有罰球 .. 點知球証俾得益就算 ..
痛就係痛架喇 ~ 見冇吹都要起番身繼續既 .. 費時被換出啦 ~
完左場之後先發覺原來趙倫都未落過場踢 , 見佢個樣都好唔高興咁 ~
不過場波贏左就算啦 ~ 下次實有機會落場既 ~

返到屋企沖完涼 , 隻腳都幾痛 .. 有少少瘀同埋腫 ...
過兩日應該冇事既 ~ 早ｄ瞓啦聽日仲要返工 ~