今日唔洗返工 , 留左o係屋企冇出到去 ~
起身o個陣依噓記得琴晚發左個夢 .. 仲有種好真實既感覺 ..
唔通係預言 ?! 真實係咪會好似個夢咁發展 ??
唔知 .. 或者現階段只有佢先知 ...

晏晝o係屋企冇咩做 , 同阿賢出大埔篤波 ~
食緊野o個陣鬼妹打黎 , 終於講左我等左好耐既答案 ..
果然同夢境一樣 .. 都好既 ~ 唔洗諗咁多煩咁多 ~
又可以繼續過自己既生活喇 ~
篤完波都7 點幾喇 , 順便約埋阿豪返上水食飯 ~

返到上水邊行街邊等阿豪 , 咁岩就見到高妹喇 ~
兩男兩女仲以為其中一個係佢條仔添 ~ 哈哈 ! 原來唔係 ~
之後同阿賢去左配眼鏡 , o個陣都9 點喇 ~
橫掂都係就等埋子健返黎一齊去打邊爐啦 ~
就係咁食下野吹下水搞到成12 點幾先返到屋企 ...
不過咁樣ｄ感覺都幾舒服丫 , 得閒係咁都唔錯既 ~

呢兩日打風既關係 , 都冇咩點出街 ~
係就係好鬼悶 .. 不過就算出都唔知去邊好 ...

漸漸地冷卻 .. 失去了耐性 ... 咁樣落去冇結果
唔係我想放棄 , 係形勢變成咁都冇辦法 ~
或者呢個就係答案呢 ....

成日都冇咩心情做野 .. 就好似遊緊魂咁樣 ~
死喇 ~ 又唔知o係度諗乜野喇 ...

夜晚同熊仔 , 趙倫仲有ivy 去左唱ｋ ~
呢排好似專揀我喉嚨唔舒服先唱ｋ 咁既 .... 頂 !
o係房門口同矮妹傾左陣電話 , 感覺好返冇事喇 ~
不過 .. 我心入面好似仲有好多個問號 ...
暫時未想去了解 , 唔想煩 ~ 只係想靜一靜可以俾我休息 ..

佢又話今晚返大陸喇 , 冇辦法 .. 管唔到亦都唔想動氣
聽到係唔開心又點 .. 係唔鍾意成日去玩成日high 野呀 ~
咁有咩辦法 ?? 無 ... 一ｄ 都無 ...

到左呢個地步已經唔知可以點 ..
就算再被誤會亦都唔想再去解釋 ... 要講既早就講晒
都慣左俾人誤會架喇 .. 無奈自己又鍾意收埋自己 ...
阿妹話得我岩 , 唔會表達自己 ..
唔會俾人知心裡面諗既係乜野 , 亦都唔會o係人面前顯得懦弱 ..

但係 .. 唉 ...

放完幾日假 , 今日開始返工喇 ~
我諗呢個中秋假期都算係咁多年以黎最悶最孤獨架喇 ..

今晚開始第一場比賽 , 所以都唔係咁想做野 ..
收左工返屋企開ｉｃｑ , 見到矮妹o係度 ...
原來佢o係鬼妹屋企 .. 唔怪之得啦 ~
咁多日以黎正正式式咁同佢傾計 , 但係估唔到原來佢咁睇我 ..
不過到最後 , 佢都係決定入黎搵我 ...
7 點幾佢同鬼妹仲有阿珊黎到聯和墟 .. 落左去接佢 ..
當第一眼見到佢 .. 除左心痛真係唔知仲可以點去形容o個刻既心情 ..
短短個幾星期點解會搞成咁 ... 仲要聽到佢講 ... 唉 ~
點解我講咁多次都唔聽丫 .....

就黎夠鐘開波喇 , 帶埋佢地過左球場
順便等埋阿賢出黎拎個電話俾佢 ....
雖然我叫佢今晚留低 , 但佢係都話要出去 ~ 我知我留佢唔住
所以都係俾佢走啦 ... 反過黎諗 ..
唔通佢真係為左個電話先入黎搵我 ?? 唉 .. 我都唔知 ..

呢場波到最後都係輸0:1 .. 簡直係錯撚晒 !! 垃圾 !!!
今日要承受既野真係太多喇 ...
冇心情 .. 咩都唔想講 ...