琴晚睇波睇到成4 點先瞓 .. 仲話今朝去踢波 ?!
出面好猛太陽呀 ~ 痴線 .. 真係嫌命長咩 ....

下晝同阿豪過左去上水剪頭髮 , 今次剪到好短呀 ~ 爽 !
去左one2free 搞上台ｄ 野 ~ 不過住址證明竟然唔受喎 ..
頂 .... 又要後補再黎多次先開到 ...
搞掂晒後去左食野 , 同阿豪傾左好多關於阿榮既野 ..
講左好多不滿出黎 .. 不過都係講完就算啦 ~
之後o係石湖墟周圍睇下ｄ 電視機 , 行左好多間都搵唔到岩心水 ..
差唔多夠鐘去踢波喇 .. 都係下次先睇過啦 ~

踢完波o係元朗返到上水都9 點幾10 點喇 ~
連飯都冇食就返左屋企 .. 太攰喇 ~ 加上又唔夠瞓 ...
日記都唔想打喇 .. Zzzz ...

晨咁早就俾矮妹個電話嘈聲 .. 唉 ~
實在太攰太眼瞓喇 .. 所以冇落去接佢 , 等佢自己上黎 ...
等佢沖完涼搞掂晒諗住瞓啦 ~ 點知俾佢ｄ 電話係咁嘈住晒 !
岩響完隔一陣又響過 .. 煩到瞓到瞓唔到 ...
就係咁俾ｄ 電話煩到差唔多成11 點先瞓到 ~ 陰公 ..

3 點幾起左身 , 阿媽竟然仲o係屋企未出去 ~ 少可喎 ~
隔左陣阿賢打黎吹水 , 聽佢把聲死晒狗咁 ~ 有ｄ 野喎 !
問佢又唔講 .. 又話夜ｄ 出去一齊食飯 ~ 好啦 ..
到7 點幾 , 叫醒矮妹起身出去食飯 ~
淨係叫佢起身洗面換衫都唔知叫左幾耐 ....
搞到成9 點幾先出得門口 .. 次次都要搞到咁夜 ! 真係勞氣 !

同阿賢子健佢地食完野 , 矮妹又話返出九龍喇 ~
等我仲諗住去食糖水添 .. 咁我都返屋企喇 ... =.=
今日搞唔到上台ｄ 野添 ... 聽日一定要去整喇 ~ !!

今日12 點幾就收工喇 ~ 勁早呀 ~
最後送櫃o個間公司仲要有個好鬼靚又得意既女仔喎
唔知仲有冇機會再去呢 ~ 嘿嘿 !
收工又俾阿榮拉左去打波 ... 打埋俾阿豪叫埋佢出黎都好 ~
多個人同佢打唔洗咁嘥精神嘛 ~

到差唔多4 點 , 就去接埋佢個仔放學先返屋企 ~
返到黎又要執定衫褲鞋 , 準備夜晚去天水圍踢波 ~
今晚阿龍借到車 , 所以有免費車坐 ~ 不過添叔就好煩囉 ..
成程車都未停過口 .. 想話靜下都唔得 ...
去到球場就拿拿聲換衫熱身 , 望一望對方o個隊波 ..
竟然有邱健威o係隊中喎 ! 嘩 .. 個個都仲要大大隻隻咁 ..
今晚真係好難打囉 ... 大敗都預左架喇 ~
始終體能 , 經驗 , 身材我地都唔夠人咁強 ..
入到兩球都已經算唔錯喇 ~ 不過都吸受到ｄ 經驗既 ~

9 點幾同阿俊自己搭車返上水食飯 ~ 傾到差唔多成11 點先返屋企 ~
勁攰囉 .. 沖完涼諗住打陣機就瞓覺啦 ~ 點知嘉玲打黎
話阿婷返左黎喎 ~ 順便出黎見下面 .. 初頭仲想叫我去花都 ..
都傻既 ~ 咁遠梗係唔去啦 ! 點知佢地又話過黎樓下搵我 ...
既然係咁就是但啦 ~ 落去打聲招呼都要既 ~
同佢地o係公園坐左陣 , 1 點幾就走嚕 ~
我都要返屋企瞓覺喇 ~
打緊篇日記o個陣 , 嘉玲打番黎約13 號阿婷生日去唱ｋ ~
又話走左之後阿婷o係咁提起我 ~ 對我好似有ｄ 野咁 ..
下 .... 我咩都唔知呀 ~
唔諗咁多喇 ~ 眼瞓瞓覺先 ...

今日架車轉波方面有問題 ~ 差ｄ o係紅隧跪低 ..
雖然好慢 , 但好彩都出到隧道 ~ 唔洗拖車 ~
之後阿榮拎左架車去整 , 仲諗住唔洗做啦 ~
點知要我跟阿開架車 .. 算啦 ~ 呢ｄ 野都係要做架喇 ~
o拿o拿臨早ｄ 搞掂就早ｄ 收工嘛 ~

返到屋企5 點幾 , 冇乜野做又掛住o係度打機 ~
7 點幾矮妹打黎話唔舒服 , 想睇醫生 ..
我諗左陣都係決定出去啦 , 難得佢自己肯話去睇 ~
打俾阿豪叫埋佢一齊出都好 ~ 唔洗自己一個咁悶 ~

出到去都成9 點幾喇 ~ 仲要周圍同佢睇下有咩診所未閂門 ..
到搵到診所有夜診 , 打俾佢仲未肯落樓 .. 反而叫我地上去佢屋企先 ..
原來呢度既套房係咁架 .. 我都係第一次見 ...
等佢換完衫 , 行返去間診所 ~ 竟然閂左門 ?!
打去另一間好彩未閂 ~ 就行快兩步同佢去睇 ~
費時一陣又閂左門咪仆直 ...

睇完之後話下星期又要返黎覆診 , 要驗血 ..
醫生唔知話佢有咩淋巴又話咩可能有cancer .... 聽到一頭霧水@.@
之後去左食野 , 仲叫埋鬼妹一齊出黎食 ~
聽到佢地講ｄ 野勁難入耳囉 ! 即場black 面 ...
不過阿豪都睇得出 , 所以都冇點出聲 ~
食完野都成11 點半喇 , 仲o係度話好早諗下去邊唔返屋企
我梗係唔撚理佢地啦 ! 第日仲要返工架 ! 咪拉埋阿豪走人囉 ~
o個一刻真係嬲到想屌鬼囉 ! 不過 .. 唉 ~
返到黎屋企都12 點幾喇 .. 早ｄ 沖涼瞓覺啦 ~

今朝唔記得打俾矮妹叫佢起身返學添 .. 唔知佢知唔知醒呢 ..
send 左個ｓｍｓ 俾佢 , 好彩佢都知醒有返到學 ~

今日都唔多野做 , 2 點幾就搞掂晒做晒ｄ 野 ~
不過又要陪阿榮幫佢個仔買書 , 之後仲要接埋放學添 ..
返到屋企都5 點幾喇 , 夜晚要去天水圍踢波 ~
見咁早就打陣機先啦 ~
臨出門口之前收到阿堂電話 , 話嘉豪佢地琴晚上去玩衰左 ..
嘩 .. 乜搞ｄ 咁既野呀 ~ 明知呢排嚴打都仲要去玩 ...
唉 ~ 上次避過一劫都唔知驚 .. 咁就要十五日喇 ..

去到球場換埋衫就要開波喇 , 想話熱身都唔夠時間添 =.=
對住班阿叔都唔野少 , 踢左半場都係亙有攻守 ~
到下半場終於打開悶局 , 我一次助攻成功做就一個入波 ~
可惜轉頭又被追和喇 ... 臨完場前再一輪狂攻都攻唔入 ~
就係咁打成一比一平手 .. 都好 ~ 今日有一個助攻 ~
踢完都成10 點幾差唔多11 點喇 ~ 攰到死 ..
早ｄ 返歸沖涼瞓覺先 ...