呢兩日都係返工放工冇咩特別 .. 再唔係就俾人串 .. 勁無耐 
琴日係老豆同家姐既生日 , 不過都冇特別話一齊食飯之類 ..
甚至連o係電話講聲生日快樂都冇添 ... 反而同矮妹就有通電話 ..
佢話星期六入粉嶺 , 順便過黎搵下我喎 ~ 約就約住先啦 ~
到今日講左俾阿豪同阿榮知 , 點知咁岩佢地星期六諗住燒野食 ..
叫我帶埋佢一齊去 ... 人地肯跟我講啦 ~ 到時再算啦 ...

另一方面 , 經過呢幾日既反思 .. 我諗我要搞清楚一ｄ野先 ...
究竟我同佢既關係係到咩地步呢 ?? 拖左咁耐 .. 我覺得好辛苦 ..
每次當係認為係既時候 , 又變得若即若離 ..
想放棄o個陣你又好似知道咁 , 會走黎搵番我 .... 咁即係點o者 ..
當初真係傻 , 點解會同你有個咁既承諾 ... 而家都應該係時候去解決 ..

今日唔洗返工 , 不過朝早俾DAVID嘈醒左 ...
瞓又瞓唔返 , 都係起身打機先 ~
成個下晝o係屋企勁無聊 .. 偏偏就係今日放假先自己一個 ..

夜晚出左去粉嶺大球場踢波 , 完全唔夠體能囉 ...
又冇態 .. 加上又適應唔到ｄ踢法 .. 總之今晚係完全唔掂啦 !
踢完波去左粉嶺中心食飯 , 低ｂ婷打黎 , 原來又係八掛同矮妹ｄ野 ..
阿賢個死仔真係講左俾佢知添 .. 俾低ｂ婷串左陣就收左佢線喇 ..
死野丫 .. 有機會我一定報仇架 ... 嘿嘿嘿 !

今朝瞓到差唔多10 點 , 阿榮都冇打過黎 ~
仲諗住一早要出旺角順便車埋矮妹返屋企添 ..
到11 點幾阿榮先打黎話12 點過黎接我 ~
原來今日返晏 .. 等我仲以為唔洗返添 ....
起身換完衫再打返俾阿榮 , 問下一陣經邊度可以放低矮妹 ..
呢個時間順便叫醒埋矮妹先 ~ 死野又唔願起身 ...
到最後都要用益力多黎引佢先肯起身 ..
不過等佢起身沖埋涼就趕住行喇 , 連益力多都唔記得俾佢添 ..
落到樓下 , 離遠已經見到阿榮同佢老婆o係架車度望出黎 ..
ｄ表情樣衰衰咁 , 仲要陰陰嘴笑 .. 我頂丫 ~
送完佢老婆返工 , 就要返葵涌拎櫃 ~ 不過之前就o係地鐵站放低矮妹先 ~
唔知點解佢落車走o個陣 , 我反而有ｄ怪怪地既感覺 ...
好似有ｄ失落感 , 咁又係既 .. 話晒對左兩三日 .. 一時間係有ｄ唔慣既 ..
講真 .. 呢兩日對住佢 , 感覺上好似以前同條女一齊咁 ..
勾起左我好多既回憶同感覺 ... 好似返左去以前咁 , 種感覺好難形容 ..
會令人會心微笑咁 , 不過都已經係過去既事 .. 而家 .. 唔敢諗咁多喇 ..

返公司拎左兩個櫃送返去上水 , 之後諗住出去做口水佬ｄ野既 ~
不過又唔知要等到好夜 , 所以都係冇做到 , 咁就收左工嚕 ..
見咁早 , 又俾阿榮捉左去打波 ... 是但啦 ~
今日都算有態既 , 起過下Ｑ咁啦 ~ 最後都係打和 .. 到6 點先走 ~
返到屋企又回復自己既生活 , 打機玩電腦 ..
7 點幾阿賢打黎 , 又係打黎八掛 .. 咁樣都同佢傾左成個鐘 ..
收左線冇幾耐 , 電話又響 .. 原來係矮妹 ~ 打黎話出番個電話 ~
講左冇幾耐就收左線嚕 .. 但到11 點幾佢又打黎 ...
今次話星期六返粉嶺 , 過開黎會搵我 .. 到時先算啦 ~

今晚終於自己一個人瞓喇 ~ 舒舒服服咁瞓番覺 ..

琴日一瞓就瞓到夜晚10 點幾 , 原本矮妹話10 點前走 ~
諗住叫醒佢啦 , 點知到最後佢都係唔願起身再瞓過唔理我 ..
上左陣網 , 同阿俊吹左陣水
話左俾佢知朝早佢地走左之後既事 , 同埋矮妹留左o係度 ~
講講下佢覺得矮妹有ｄ似某人 .. 其實都有ｄ似既 ~
動靜同埋ｄ小動作囉 ~ 又真係幾得意幾可愛架 ~
玩到11 點幾飲左碗湯又瞓過 .. 一直瞓到今朝早起身返工 ~

嘩 .. 矮妹真係成晚都未起過身囉 , 又唔洗食又唔洗去廁所 ...
有冇咁好瞓呀 ...  唔理喇 ~ 趕時間返工 , 由得佢繼續瞓啦 ~
不過又唔知點教佢走 .. 唯有等佢瞓醒起身打俾我先算啦 ~
一邊做野一邊諗 : 唔知佢瞓醒未呢 ? 點解咁耐都未打黎既 ?
到晏晝食飯打返屋企又冇人聽 .. 打俾阿媽問下先 ~
原來阿媽已經出左去 , 而且佢仲以為房入面o個個係我黎既添 ...
後尾講左俾佢知係個女仔 , 佢都叫我唔好亂黎 ~ 仲係咁笑我 ...
哈 ... 之後到5 點幾先收到矮妹電話 ~ 岩岩先起身 .....
足足瞓左成廿幾個鐘 .. 勁呀 ~ ! 呢個時間我都差唔多收工嚕 ~
佢一醒左就嗌肚餓喇 , 拿拿聲返去同佢食飯先 ...
都唔知係佢好彩定我好彩呢 , 今日阿媽竟然煮落飯俾我地先出去喎 ~
我諗唔多唔少都因為矮妹o係度掛 ...

返到屋企岩岩7 點 , 一見到佢又o係度整古做怪 ~ 冇佢收 ...
俾佢飲支益力多都可以氹到佢開心 ~ 哈哈 ~ 真係得意 ~
之後等佢沖涼 , 我就煮埋ｄ餸等開飯 ... 呢個情節勾起左一ｄ回憶添 ...
唔講唔知原來佢好耐冇食過煮家飯 , 咁又係既 .. 佢屋企又咁複雜 ..
相比之下我發覺自己幸福過佢好多 .. 多得佢有咁樂天既性格o者 ~
食完飯俾佢玩電腦 , 一邊玩一邊傾電話 ~ 呢個時間我都沖個涼先 ~

原本話今晚走既 , 點知又話可能夜晚返上去蒲就唔走住 ...
成日掛住玩 .. 冇辦法啦 ~ 理唔到咁多 ..
不過到最後佢都係冇上到去 , 但o係我屋企坐到越黎越夜 ~
話走話走最尾都係冇走到 .. 今晚又留o係度 ~ ...

琴晚同佢地幾個上左去玩 .. 唉 ~ 又high大左添 ...
都話唔好玩咁多架啦 ... 又出事喇 ! ..
玩完朝早同阿俊阿賢 , 仲有矮妹同阿珊一齊返落黎 ~
去到關口又見番尻毛佢地 .. 勁俾佢地串囉 ... 唉 ~
之後去到上水個個都落晒車 , 我就梗係自己返粉嶺啦 ~
點知矮妹突然衝返上車要我陪佢 ... 但係阿珊又冇上車 ..
去到粉嶺我諗住走 , 但矮妹係都要我陪佢 .. 仲要去番上水搵番阿珊
咁岩阿珊又搭埋過黎 , 唔洗走多轉 ~
初時我仲以為咩事添 , 原來係矮妹唔想返屋企 ~ 驚自己返去瞓死左 ..
加上又無電話o係身 , 勁麻煩囉 ... o係月台坐左幾個字係都唔俾我走 ~
唯有幫下佢睇下有冇人收留佢啦 ~ 打俾阿羊又o係大陸 ... shit !
阿賢又話岩岩屋企有人 , 唔上得佢屋企 ... 點算 !
阿珊張車飛係去九龍塘加上又唔等得耐 , 所以都係叫佢走先 ~
得番我同矮妹 .. 到最後都係決定帶佢返我屋企 ..
返到屋企樓下 , 都係去食 "利口福" 個早餐先 ~
o係 "利口福 "食完野 , 同佢坐到10 點幾 , 鬼妹打黎搵佢 ~
仲以為會黎接矮妹走添 , 點知唔係 ... =.=
之後上左我屋企坐 , 初頭叫佢瞓陣先但又掛住睇電視 ...
睇到差唔多1 點 , 先話想瞓覺 .. 嗌佢打埋俾佢阿媽先話唔見電話 ~
死都話瞓一陣先 .. 拖下拖下成3 點先打 ... 真係冇佢收 ~
我都超眼瞓喇 ... 瞓陣先