今日做野做到連早餐都冇時間食 ... 仲要周圍都塞車 !
又落雨又肚餓 .. 唉 ~ 到成4 點幾先收工去食野 ...
去左大圍食麵 , 順便買左張六合彩 ~
之後返左上水搵左阿羊出黎 , 同我去買鞋 ~
行左去金時代睇下ｄ converse , 睇岩邊對唔係冇碼就係冇貨 ..
我頂丫 ... 等我仲睇左咁耐 !
跟住行去第二間睇 ~ 見到有我想要o個對 , 就梗係第一時間試下啦 ~
都ｏｋ喎 ~ 一於買左佢啦 ~ 我諗呢對鞋都算係我最平既一對喇 ..
買完鞋諗住一齊食飯 , 點知阿羊又要返屋企食 ...
算 ~ ! 我自己返屋企整野食 ~

呢兩三日都係返到放工 , 冇咩特別 ..
今日收工過左上水 , 初頭諗住搵阿賢食飯既 ~
不過佢又唔出 , 算 ! 我自己再搵人陪我食 !
之後打左俾阿羊睇佢出唔出 , 不過佢又就食飯 ~
但係子健就o係佢度 , 可以同我食 ~
自己o係上水行左陣 , 行左去石湖墟 , 有ｄ想買對鞋添 ~
都係諗諗先 ... 轉頭點知又落雨 .. 我頂 ! =.=

上左去阿羊度坐左陣 , 等子健打埋日記就出去食飯 ~
到差唔多十點半先返到屋企 .. ｄ雨又越落越大 ...
呢排成日都落雨 .. 天氣又咁唔穩定 .. 簡直同我既心情一樣 .....
唉 ~ 最近多左時間自己一個人 , 感覺 ... 唔開心 ....

琴晚o係屋企冇出到去玩 ~ 勁悶 ...
所以今朝就起身去踢波啦 ~ 又好耐冇踢喇 ~
個天時晴時雨 , 踢一陣又落雨, 一陣又猛太陽 .. 玩咩 !
不過今日都有波入 ~ 叫做有返ｄ安慰啦 ~ 哈哈 ...
佢地踢到成12 點幾先肯走 ... 痴線架咩 =.=
之後阿賢收工打黎話返到上水 , 諗住去食飯 ~
是但啦 ~ 橫掂連早餐都冇食 , 餓到死 ....
一路食野一邊諗下晝有咩地方去 ~ 諗左好耐都係冇結果 !
唉 ~ 算吧啦 .. 都係返屋企打機算喇 ....

琴晚差唔多兩點o個陣大眼妹打過俾我 , 起初我都唔聽架 ~
不過 .. 都係打番俾佢睇下咩事啦 ~
聽佢把聲就知想喊啦 , 問佢咩事又唔講 ~ 淨係叫我去瞓覺 ..
問多兩問先肯話俾我知 , 佢唔想自己一個人 ...
我聽完真係唔知俾咩反應佢 .. 對住個電話啞口無言 ...
咁既情況都係收線先啦 , 有咩遲ｄ先講 ..
其實我真係唔知佢想點囉 ... 唉 ! 我又可以做ｄ乜呀 ....

今朝返工又落起雨上黎 .. 仲要紅色暴雨警告添 ~
搞到做咩都遲晒 .. 勁趕時間 ~
做做下野阿賢打黎約今晚去睇戲 , 睇頭文字Ｄ喎 ~
梗係去啦 ~ ! 之後到大眼妹打返黎同我講 , 話琴晚飲左酒亂講野 ..
不過人地話酒後吐真言 , 我會信囉 ! 既然係咁就叫埋佢一齊出去睇戲啦 ~
到收工返到屋企沖個涼 , 換過件衫 ~ 再約埋阿賢同大眼妹就出去喇
早ｄ出廢事要低ｂ婷等咁耐啦 ~ 順便去食埋飯先丫嘛 ~
搭緊火車o個陣子健打黎臨時話去唔到 .. 噢 ~ 不過買左飛喇 ~
既然係咁就搵下有冇人去啦 ~ 打俾阿豪又話唔去 .. 阿賢又搵唔到人去
之後打俾熊仔 , 佢話去喎 ! 有ｄ意外囉 ~ 最緊要唔好嘥左張飛o者 !
差唔多入場o個陣子健竟然黎左喎 ! 不過都冇用啦 ~
熊仔都頂左佢個位喇 ~ 等佢自己再約人去睇囉 ~

睇完戲都11 點幾喇 , 大眼妹又約左人 .. 唔阻佢啦 !!
低ｂ婷又同佢個fd落ｂａｒ喇 .. 得番我地三個 .....
聽日又要返工 , 都係時候歸家嚕 ~

ps : 頭文字Ｄ都唔錯 ! 絕對要睇 !

今日係阿媽出發過加拿大既日子 ~ 亦都係大眼妹既生日 ~
不過我既心情都係覺得冇咩特別 ... 仲有ｄ唔知點既感覺添 ...
個天又落住好大雨喇 .. 唉 ~ 成日都落雨架 ....
放工返到屋企 , 阿媽已經出左發了 ~
得番自己一個 =.= 初時都有諗過約大眼妹出黎食飯既 ~
不過諗諗下都係唔好喇 ... 冇咩心情呀 ....