今日瞓到9 點先起身返工 , 都仲係好眼瞓 ..
出面仲要好鬼熱添 ~ 嘩 ! 陽光普照呀 ~
不過今日都唔係好多野做 ~ 1 點就收工 ..
之後去左土瓜灣篤波 ~ 唉 .. 成日都夾硬要人打 ... 冇晒心機

3 點幾返黎上水諗住去佩眼鏡 , 打俾阿羊咁岩佢又o係香港 ~
就出埋黎陪我一齊去喇 .. 佩左成八百幾蚊呀 ... 咁貴架
佩完眼鏡去左食野 , 行過上水名都見到道友 ( 文嘉豪個老表 )
原來佢o係o個間salon返工 .. 食完野上左阿羊屋企諗住坐陣
點知佢ｄ屋企人落左黎 ... 拎左幾隻game都係走喇 ~
返到屋企又係咁打機, 打機, 打機 ... 勁悶 ~

到12 點幾 , 大眼妹打黎 ~ 點知一打黎就喊 ... 仲喊到好悽涼 ..
究竟發生咩事呀 .. 佢一邊喊一邊講 , 根本聽唔到佢講乜 ....
係咁話咩冇人理佢 , 條仔又唔理佢 .. 好辛苦 ... 好想死 ..
後尾仲講咩流左好多血佢都唔返黎 , 佢唔係做咩傻事呀  ?!
聽佢咁講完我都幾驚下 ... 都唔知點算好 ~ 後尾仲收左我線 ...
希望佢唔好亂諗野啦 .. 都係俾ｄ時間佢冷靜下啦 ....

今日失驚無神俾人叫左去青衣做野 , 唉 ~ 非常之唔願意呀 !
點解成日都要我去做埋呢ｄ野喎 ! 咁搞法 .. 越黎越唔想做喇 ....
突然間好想放下假 , 係悠長假期呀 ~ !
暫時工作既心有ｄ攰 .. 我驚再係咁落去遲早會唔做呀 ~
可以既話放一放假叉下電就最好喇 ...

今朝都唔係咁想起身 , 鬼叫自己琴晚睇波睇到兩點幾先瞓咩 ..
成日都唔夠瞓 , 搞到個眼袋同黑眼圈越黎越大 ~ 成隻熊貓咁 !
照下塊鏡自己都覺 , 行出街想嚇死人咩 ....

到12 點幾天氣又轉到好壞好壞喇 , ｄ雨大到好似倒水咁 !
痴線架咩 ... 好彩去親既地方都有停車場o者 , 唔係就麻煩喇 ~
睇黎呢幾日既天氣都係咁唔穩定架喇 , 小心ｄ先得喇 ...

琴晚都係麻麻地好玩 , 因為好鬼熱 ! 個個都滿頭大汗 ..
見到都唔敢走咁近添呀 !! 都係去左篤波先啦 ~

篤到2 點幾就返過838 玩 , 打左俾佢 , 原來真係有出黎
一聽到我電話就即刻行上黎搵我 , 呵呵 ! 有ｄ意外添 ~
不過同我坐左一陣佢就走喇 , 見佢個樣已經好攰咁 !
雖然我都想同佢傾多陣 , 話晒咁耐無見 .. 但係我都無留佢 ~
希望下次時間可以長ｄ啦 ~ 丫 ... 唔知佢有咩感覺呢 ??
之後又見到肥仔同佢條女 , 原來文嘉豪佢地都有上黎 ~
不過都預左佢地早走啦 , 唔理喇 ~

到朝早玩到差唔多走 , 阿俊竟然會打黎既 ?!
原來佢過左黎 , 仲見到肥仔所以先知我上左黎 ~
望一望ｄ時間關口都夠鐘開閘喇 , 返屋企抖陣去踢波 ~
返到屋企岩岩好7 點 , 沖完涼諗住瞓一陣
點知阿賢真係打黎話去踢波 , 不過時間尚早 ~ 都係瞓一陣先 !
到9 點幾醒一醒 , 望下出面原來落緊雨 ~ 唔洗踢啦 ~
再瞓過  .... 到下晝醒左 , 又無聊地渡過 =.=
成個下晝一邊打機一邊等佢online , 好彩最後都俾我等到 ..
不過o個陣都已經係夜晚喇 , 算啦 ~ 起碼見到先啦 ~

終於又到左星期六喇 ~ 哈哈 ! 又放假嚕 ~
ｄ時間過得真係快 , 眨下眼又一個星期喇 !
今日都唔係好多野做 , 12 點幾就收工 , 食埋飯就返左屋企嚕 ~
成個下晝自己一個o係屋企打機 , 勁無聊  ...
想出街又冇咩錢 ~ 未出糧 ... 冇計 !
到夜晚就出左沙田成家人食飯 ~ 好似好耐無出過黎咁 ~ 哈 !
不過唔知點解每次黎沙田都會諗起思敏 , 可能係因為呇磼O邊啦 ~
跟住就打左俾呇P妎犮炊@陣 , 阿賢就打黎喇 ~
話今晚上去玩喎 ~ 是但啦 ! 我都想去搵"?quot; ...