休左兩日息 , 身體好番ｄ喇 ~ 已經冇咩氣喘既情況出現 ~
我諗之前休息唔夠先會咁既o者 ~ 如果唔係又要去睇醫生嚕
今日俾預期之中晏左收工 , 成5 點幾先返到屋企 ~
又會連星期六都咁晏既 .. 仲要做到成身汗添=.=
成晚就o係屋企等電話 , 因為阿傑生日所以今晚會上去玩 ~
阿豪初頭又話打黎叫我出去飲野先 , 點知一個電話都冇 !
搞到我等到連飯都冇食 ! 我屌丫 ...
約就約左11 點幾 , ｄ時間唔上唔落咁 ~ 又要趕住出門口喇 ...

今日依然留左o係屋企休息 , 感覺上精神左 ~
而且氣喘既情況已經好左好多嚕 , 冇琴日咁辛苦 ~
仲可以一覺瞓到朝早添 ~  爽呀 ~ !

晏晝瞓醒冇咩做 , 上左陣網 ~ 見到邱邱online ~
佢冇啦啦同我講話唔開心 , 話咩俾人hurt喎 ~ 問佢咩事又話唔想講
講ｄ唔講ｄ ... 都唔知佢想點 !

唔知係咪琴日淋過雨既關係啦 , 好似有d病病地咁 ..
仲要成晚半夜都瞓唔到覺 , 係咁氣喘 ~ 幾鬼辛苦 !
想瞓又瞓唔到 ~ 簡直想死 ....
差唔多到朝早先瞓得著 , 但係開始發覺有ｄ發燒添 ...
今日都係不適宜開工架喇 , 好彩仲有個阿豪幫我返 ~
等我可以安心咁o係屋企休息下 ~

琴晚瞓得唔係咁好 , 搞到今朝又差ｄ唔知醒 ...
可能因為咁 , 所以條氣管有ｄ喘 ~
呼吸得唔係咁舒服 ... 抖極都係咁 ~ 唉 ... 好辛苦呀 ~
不過今日真係好多野做呀 ~ 全部都趕時間既 ~
想話慢ｄ手都唔得 ~ 仲要係咁落雨  .. 真係麻煩 !!

琴晚好夜先訓 ~ 搞到今朝唔知醒 .. 趕頭趕命  .....
好彩都唔係好多野做 , 1 點幾就收得工嚕 ~ 嘿 !

部ｍｐ３又ｓｈｏｒｔ左喇 ~ 睇唔到顯示ｄ字呀 !
又要拎番上匯聲換 ! 我頂 ...