呢幾日都係同埋黃志豪一齊開工 .. 見到佢做野有時真係火都黎埋呀 !
成日都好似軟皮蛇咁 ... 頂佢唔順 ...
琴日架大陸車又落唔切黎 .. 搞到今日鬼死咁多野做喎 ~
又落雨又做到成身汗 .. 攰到爆 =.=
返到屋企都成6 點幾喇 , 拿拿臨沖完個涼休息下先 ..
今晚佢地可能上去玩 , 都係今晚先算啦 ~

今日又唔洗開工 .. 連續4 日休息 ....
不過都好 , 琴日曬到死 .. 又攰 ... 休息下都好既 ~

夜晚阿榮打黎問我去唔去燒硯 , 原來佢同黃志豪買左成4斤硯 ..
痴線 ... 唔去啦 ~ 等佢地自己慢慢燒好過 ....

今朝趙倫打黎叫我起身踢波 , 雖然琴晚踢完有ｄ傷 ~
不過唔緊要啦 , 當鬆下練習一下啦 ~
琴晚冇去玩 , 但係都差唔多成4 點先瞓得著 ....
死啦 .. 呢排都瞓得唔係幾好 ... 係咩原因呢 ??

去到球場連阿俊都番左黎踢波 ~ 咁猛太陽仲諗住佢唔黎添 , 有ｄ出奇 ..
嘩 ... 今日九個太陽呀 ..... 曬到面都燶埋 ....
成12 點先走 .. 感覺好似中暑咁 ...
初時仲諗住食埋野先返屋企 , 後尾個個都頂唔順話唔食 ..
唯有自己買野返屋企食啦 ....
返到黎沖涼 , 勁想嘔咁 .. 但又唔係真係嘔 ...
沖完出黎見到盒飯都食唔落 .. 坐左陣先冇咩事咋 ~
幾經辛苦食完盒飯 , 趙倫同熊仔話出mk喎 ~
痴線架咩 ~ 唔去喇 ! o係屋企抖下好過 ....
就係咁成日都o係屋企渡過 ....

好耐冇打日記添 ... 呢排懶左好多 , 加上又冇咩心情打 ...
連續放兩日假 , o係屋企勁無聊 ... 今日都好ｄ~ 起碼電視有波睇 ~
睇曼聯對香港 ~ 仲諗住會好好睇添 .. 不過都係普普通通o者 ~
睇完波就要出門口喇 , 今晚要練波嘛 ~
出左門口先記得今晚都有波睇 .. 皇馬對北京 .. 唔記得預錄添 ...
算啦 , 由得佢 ~ 等遲ｄ睇精華片段好過 ~
今晚既對手唔係好勁 , 踢得都唔算辛苦 ~ 不過硬係入唔到波 ...
成場波壓住黎踢 , 到最後都係小勝一球 ~
踢完之後先感覺到腳痛 .. 原來剛才踢o個陣拉傷左 ..
咁咪同碧咸一樣囉 ?! 哈哈 ... 唉 ~ 又要好好咁休息下喇 ..

病左差唔多成個幾星期 , 食足個幾星期藥 ... 真係慘 !
睇左兩次醫生 ... ｄ藥好彩食埋今日就食晒o者 ~ 仲可以食到飯添 ~
咁岩今晚阿媽同家姐o係加拿大返黎 , 都叫做病好有人照顧既 ..
收工7 點幾返到屋企 .. 做野做到成身汗 .. 沖個涼先 ~
到8 點幾老豆打黎叫我落去巴士站接阿媽幫手拎行理 ..
嘩 .. ｄ行理幾鬼死重呀 .. 由帝庭軒返屋企段路都行到我身水身汗 ..
痴線架 ... 返到黎又要沖多次涼喇 ~ 岩岩先叫做好返就要咁辛苦 ....
真係仲辛苦過返工 =.=