今日又唔洗返工嚕 ~ 預料到既事 ..
不過出面又落鬼死咁大雨 ~ 已經成個星期都係咁落喇 ....
搞到今日都冇咩心情出街 , o係屋企悶到痴左線 ! ..
晏晝阿賢打黎吹水 , 講起琴日同子健 . 阿婷出左旺角諗住買電話
點知掛住影貼紙相 , 阿婷就俾人偷左個袋 ~ 噢 ! 真可憐咯 ..
之後又要報警備案 , 到最後都搞到阿賢買唔到電話 ~ 嘿嘿 !
阿婷又會咁黑仔既 .. ~ 希望佢唔好咁唔開心啦 ~

今日唔洗返工 , 又可以連放兩日嚕 ~
不過出面又落雨 ... 想出街行下都嫌麻煩啦 ..
都係留番o係屋企打下winning 9 好過 ~

到5 點幾 , 低ｂ婷冇啦啦打黎 ~ 嗌悶想今晚一齊出去打邊爐
痴線 ~ 出去旺角食梗係唔出啦 ! 入黎上水食就差唔多 ~
收左佢線無幾耐就到阿賢打黎問 , 最後都係決定食既話就要佢地入黎
嘿 ~ ! 估唔到低ｂ婷同阿欣真係入黎喎 ~
既然係咁咪去上水食囉 , 不過硬係覺得阿賢好似唔想應酬佢地咁 ...
到8 點幾去到海港 , 都幾多人喎 !
我地4 個人 .. 橫掂都係咪順便叫埋黃志豪出黎食囉 ~
一邊食 , ｄ電話就係咁響過不停 ... 都係約今晚上去玩既 ..
食左一個鐘多ｄ就已經飽喇 , 仲要食唔晒添 ...
坐多陣差唔多11 點就埋單走嚕 , 成7 百幾呀 ... 咁貴既=.=
算啦 , 都冇乜幾可 ~ 一次半次冇所謂啦 ~
約左阿俊佢地11 : 15 , 望下鐘都差唔多時間喇 ~
送左低ｂ婷同阿欣走我地就上路嚕 ....

咁耐以黎收o係心入面既問題終於得到解決 ..
琴晚我決定同穎儀講 , 取消我地之間既承諾 ...
唔知幾時開始 , 我發覺對住佢已經無左以前岩岩識o個種感覺
或者要等既時間真係太長啦 , 反而可以俾我諗清諗楚 ..
如果當初唔係因為有呢個承諾 , 我諗都唔洗搞到頭都大埋
不過而家總算解決左 .. 唔洗再背負住呢個包袱 ~
要一齊早就一齊左啦 , 我諗 .. 我地始終做朋友會好ｄ既 ~

琴晚同佢地上去玩 , 一見面就已經俾人串 ... 提及某人 ...
算 ~ 我都預左架喇 ... 由佢地講啦 ~
o係838 見到雯雯 , 雖然佢認得我 ~ 但唔記得左我個名囉 ..
之後又同batman佢地玩 , 文嘉豪實開心死啦 ~ 嘿嘿 !
差唔多到2 點散場o個陣 , 我識到個女仔同佢兩個朋友 ...
超人佢地又黎望住我 .. 頂 ~ 玩野 !
出到門口同文嘉豪失散左 .. 望兩望先搵返佢地 ~
點知超人同孖仔佢地竟然走去搵返我岩岩識o個三條女返黎 ..
仲加埋文嘉豪一齊係咁撩人地 , 又話約去沙灘去遊船河 ...
o個個場面幾似一班豺狗搶野食咁 ... 哈哈哈 ...
之後又同batman , sugar坐左o係出面 ~
佢兩個又未散 , 超人佢地幾個又好似o係度玩人咁 ~
唔理啦 ~ 同阿堂坐埋一邊諗下去邊度好過 ~
坐到3 點幾 , 成班話返香港 ~ 我同阿堂都係去按摩按完先走 ~

朝早返到香港 , 諗住等矮妹睇下係咪搵我食早餐啦 ~ 點知一個電話都冇 ..
算啦 , 都預左啦 !! 琴晚都放得一次飛機唔爭在多一次 ~
返到屋企瞓到12 點幾 , 俾阿魚佢地打黎嘈醒左 ....
原來佢地打黎想問我拎超人個電話 , 不過我冇丫 ~
所以俾左文嘉豪個電話佢地 , 等佢地自己打去問 ~
俾佢地嘈醒之後瞓唔返添 .. 打俾矮妹終於有人聽喇 ~
不過又係瞓緊覺 .. 成日都掛住瞓 ! 豬黎架咩 ....

夜晚出左去鑽石山o個邊同妮姨 , 舅父佢地食飯 ~
咁多年冇見 ~ ｄ表弟表妹都大個左好多嚕 ~
我呢個大表哥想唔認老都唔得喇 ~ 哈哈哈哈 ...
食完飯返到屋企 , 都成11 點喇 .. 再打俾矮妹都係冇人聽 ..
算啦 ! 唔打喇 ~ 攰到死都係早ｄ瞓吧啦 ...

今日休息 , 留左o係屋企冇出去 ~
因為矮妹話今日入黎搵我 , 所以咪留o係屋企費事周圍去囉 ~
連晏晝阿俊叫我上去打波都冇去到 ...
一邊打機一邊等 , 等下又晏ｄ .. 等下又晏ｄ ...
到5 點幾 , 佢瞓醒打黎 .. 話一陣間入黎搵我 ~
咁岩阿媽又煮落飯俾我 , 一於等埋佢入黎先開飯啦 ~
點知等到成7 點幾都未黎 .. 轉頭仲收到佢電話 .. 話黎唔到 ....
唉 ~ 等我仲等左成日 .. 都最後都係等唔到 ...
算啦 .. 都預左架喇 ~ 諗下今晚有咩節目好過啦 !

食完飯阿賢打黎 , 話今晚佢地上去玩喎 ~ 問我去唔去 ..
是但啦 .. 橫掂又悶悶地 ~ 上去玩下都好既 ..
到差唔多出門口 , 矮妹又打黎 ... 話約我聽朝食早餐 ...
聽住先啦 ~ 到時玩完返黎再算啦 ...