今日第二日放假 , o係屋企勁無聊 .. 仲要係星期六添=.=
阿爸又休息 , 成家人都o係晒度 .. 又會咁得閒既 ...
5 點幾過左上水去交電話費 , 自己一個周圍行 ~
自己一個真係唔知行咩 .. 咁岩阿豪打黎又返到上水就join埋佢喇
同佢去左ｍ記食野 , 吹水吹左成個鐘咁滯 ~ 無聊到咁都有 =.=
正想返屋企 , 佢竟然提議打邊爐 ! 又唔早ｄ講 ...
當然最後梗係冇睬佢啦 ~ 都係返屋企食飯啦 ~

今日瞓到成10 點先起身返工 ... 其實唔返都得既 ~
不過賺多日錢都好丫 ~

12 點幾失驚冇神收到大ｂ電話 , 同我講投資o個ｄ野 ..
我都冇興趣 .. 不過我覺得佢似打關係牌囉 ..
但係佢又點會有我電話既 ?! .. 肯定係阿龍條粉腸啦 !

晏晝返到屋企 , 玩左陣電腦走左去瞓覺 ~ 都好少可會瞓晏覺囉 ~
到6 點幾又俾邱淑敏打黎嘈醒左 =.= 吹脹 !
睇番手提見到有幾個未接來電 .. 大ｂ打過黎 ..
我諗聽日佢都會再打囉 .. 睇黎要直接拒絕佢先得喇 ..

琴晚睇完西班牙打比先瞓 ~ 巴塞真係好勁 ! 完全將皇馬比下去 ~

瞓左幾個鐘就起身去左踢波喇 , 出門口o個陣勁凍囉 ~ >.<
去到球場仲要唔見o個串燒三兄弟 ~ 又會三個都唔黎既 ..
食埋晏2 點幾返到屋企勁攰囉 ! 不過又瞓唔到 ~ 咪係咁玩電腦囉 ...

到7 點鐘就出左去馬鞍山食飯喇 ~ 因為係阿"女麻"生日 ~
所以我都選擇唔去踢波 , 做下乖孫丫嘛 ~ 哈哈 !
食完飯返到屋企又掛住玩電腦 .. 有target ~ XDDDDDDDDDD

成個星期返工放工都冇咩特別 .. 又未出糧 ~ 想出街都唔得啦 ..

夜晚約左鬼妹佢地打邊爐 , 由7 點等到9 點幾佢先入到黎上水=.=
搞到阿賢都話唔黎 , 得返我同鬼妹同阿豪三個 ...

成十點半先有位 , 已經餓死左喇 .. 等好耐ｄ野食先黎 ~
仲要俾錯晒 .. 換左兩次都係錯 ! 早知係咁去海港仲好啦 ...
後尾cindy都黎坐左陣 , 望真ｄ佢真係幾靚女既 ~ 不過都係細個 ..
食到12 點幾埋單走喇 , 鬼妹同cindy北上 ~
咁我都返屋企嚕 ~ 早ｄ返黎沖涼瞓覺先 ~

好野 ! 英格蘭贏左阿根廷3 比2 ~ 真係精彩 !

朝早起身去左踢波 , 出奇地咁早去到球場 ~ 自己都覺得有ｄ出奇 ~
今日都幾熱下 .. 出太陽 ~ 當練下波熱身玩下咁踢算喇 ~
狀態都唔錯 ~ 踢得都幾輕鬆 ~ 表現自己都幾滿意 !
雖然冇波入 , 不過都射左幾腳靚波 , 仲有幾個助攻添 ~
有少少打起番ｄ信心喇 ~

下晝同阿俊阿賢上左大陸篤波 , 好耐冇打喇 ~ 生疏左幾多呀 ..
打左成3 個鐘 , 差唔多9 點先走 ~ 返落黎都成10 點喇 ~
去左食飯飲酒吹水 ~ 12 點幾先返到屋企 ~
沖埋涼已經好眼瞓喇 .. 快ｄ瞓覺 ....