生日快樂 ~ happy birthday ~ ^^

轉眼間又過左一年喇 ~ 時間過得真係快 ...
咁就22個年頭喇 ~ 日子仲有好長 , 希望將來做到自己想做既野啦 !

今日係05 年最後一日開工 , 諗住好頭好尾啦 ~ 點知都要衰多次 ..
仲要成日落住雨粉都未停過 ... 搞到周圍都塞車 ~
收工返屋企都塞左成個鐘呀 !! 返到粉嶺都差唔多7 點嚕 ..
落車o個陣阿榮俾左一舊水我 , 話當生日利是俾我 ~ 嘿 ! 多謝 ~

之後阿賢打黎問我出唔出去食飯 ~ 出就幫我約埋佢地一齊出 ~
都好既 ~ 當提早一日慶祝左食飯先啦 ~ 費時聽晚除夕唔得閒嘛 !
沖個涼同佢地係上水打邊爐 , 雖然未齊人 ~ 不過都有十個人 ~
連阿芷 , 阿恆都有黎 ~ 鬼妹仲專登o係九龍走入黎陪我食呢一餐 ~
真係多謝俾面喇 ~ ^^ 呢晚食得真係開心喇 ~

食完野同鬼妹行返過火車站送佢走 , 之後我都搭車返屋企嚕 ~
上左車冇幾耐就電話響喇 ~ 原來係子健同我講生日快樂 ~
收左佢線之後 , 落車就到第二個喇 --- toby
我有ｄ意外既係佢專登較埋鬧鐘打黎同我講 ~ ^^
不過上個星期(聖誕節) 佢已經擺烏龍提早左同我講架喇 ~ XDDD
點都好啦 , 多謝晒咁有我心 ~ 我都好耐冇見過佢喇 ...
返到屋企我都收到好幾個ｓｍｓ ~ 真係開心喇

朝早瞓到9 點就起身去左踢波喇 ~ 唔夠瞓都仲要去 .. 傻傻地 !
不過今日ｄ狀態都唔錯呀 ~ 感覺一流呀 ! 仲用頭膇入波添呀 ~
據我所記得 .. 今次係正式第一次用頭黎入波呀 ~ 開心死啦 !!
接應角球一頂 ! 入得幾清脆 ~ XDDDDD

夜晚同阿賢佢地出左ｍｋ睇戲 --- Harry Potter !
嘩 ... 做成兩個半鐘 ~ 真係坐到腰都赤呀 !!
不過套戲都幾好睇 , 衰係衰左坐得近啦 ... 睇得幾辛苦 =.=
返到屋企都成點鐘喇 .. 打埋呢幾日ｄ日記都攰死喇 ..
聽日仲要返工添 ... 唉 ~

今日瞓到1 點就瞓左喇 ~ 唔知點解瞓得唔係咁好 ~
可能係琴晚飲左酒啦 .. 所以搞成咁囉 ~
成個下晝都o係屋企玩電腦冇出過去 , 等待晚上既來臨 ..

琴晚聽佢地講今晚再去玩 , 不過今晚係北上囉 ~
838 開返咁耐都未上過去 , 梗係要去睇下咩環境啦 ~

變就冇乜點變呀 , 不過我就覺得唔係咁安全囉 ~
而且ｄ人都唔同晒嚕 ~ 好似唔見晒以前838 之友囉 ~
到2 點幾都覺得眼瞓喇 .. 況且又唔係咁想蒲ｄ~ 都係跟" 3 點幫" 走吧啦 ~
玩咁耐都係第一次半夜走返屋企 , 嘿 ! 自己都覺得怪呀 ~

今朝一早俾阿榮個電話嘈醒左 .. 打黎問我拎戶口號碼 ..
收完線又瞓過 .. 之前o個晚踢完波搞到好攰 , 所以特別好瞓 ~

夜晚成班一齊出左去旺角鋸扒 ~ 好耐都冇專登咁樣去鋸扒喇 ~
不過都唔覺得飽 , 淨係頂肚 ~ too bad .....
仲要收咁貴 ! 完唔錯晒啦 ~ 俾我都唔會再去呀 !

食完野拿拿聲搭車過中環 ~ 去左一間似party 場既地方 ~
因為低ｂ婷之前一晚去過 , 話唔錯喎 ~ 所以就叫我地今晚去玩下
點知吨S唔記得點去喎 .. 係咁俾奀a遊花園 ~ @.@
後尾去到先知行左好得多冤枉路 ... ｓｈｉｔ~
呢間野我覺得普普通通啦 , 或者係我唔慣啦 ~ 完全冇咩feel 囉 ..
都唔明有咩咁好玩 ... 到3 點幾就話要散場走喇 ~
個個都話返屋企 ~ 咁就過左假期第一日喇 .. 唉 ..........