今日係大年初一 ~ 恭喜發財 ! 身體健康 ~

朝早10 點幾就要起身洗面換衫喇 ~ 等埋家姐返黎斟茶俾阿爸阿媽
之後就一如以往咁出去馬鞍山拜年 ~ 
去完阿女麻屋企 , 大人就繼續去親戚度拜年 , 細既就自由活動 ~
所以我地幾兄弟姐妹就去左唱ｋ喇 , 原來今日都唔係好貴咋喎 ~

唱完ｋ都6 點喇 ~ 見冇咩地方去 , 都係返屋企先 ~
等夜晚睇下佢地係咪去玩先 ~

又好耐冇上黎打日記喇 .. 不過真係好悶丫 ~ 都唔知有咩野好打 ..
呢幾日冇啦啦又凍左好鬼多 .. 我又要著4 , 5 件衫出街添 ~ XDDDDD

仲有幾日就過年喇 , 又有幾日長假期 ~ 不過未諗到去邊好 ~
但係唔知點解硬係冇以前o個ｄ興奮心情既 ... 反而有種失落感 ..
ｗｈａｔ　ｔｈｅ　ｈｅｌｌ　ｄｏ　ｕ　ｔｈｉｎｋ？？

今日唔洗返工 , 不過瞓到10 點幾就醒左嚕 ~
洗個面換件衫就落左樓去銀行入票喇 ...
行到半路見到有個女仔企o係對面馬路 , 好似都睇得下喎 ~
仲好似望過黎添 , 行過去睇真ｄ ... 原來係徐倩婷 =.=
又會o係呢度見到佢既 ~ 原來佢又係去銀行 ~ 咁岩既 ...

去完銀行同佢一齊食野 , 坐低冇幾耐阿羊打黎 .. 就叫埋佢一齊黎喇
今日咩日子呀 ~ 平時都未必約到 , 今日反而唔約都撞到 ~
食完野同阿羊過左上水陪佢行下街買下野 ~
起初真係諗住淨係陪佢 , 點知自己都買埋一份 =.=
買左條牛仔褲 .. 成八舊水呀 ... 想忍下手都唔得添 ~
行到6 點幾上左佢屋企坐左陣 , 之後叫埋阿俊一齊去食飯 ~
今餐又係阿羊埋單 ~ 哈 ! 真係冇乜幾可呀 ~

食完餐飯佢又要返上去喇 ~ 我地就入天水圍踢波 ~
呢場波 ... 真係 ... 唉 ! 俾隊咁既波迫和 ....
主力又黎唔齊 , 前面把握力又唔夠 , 正副選龍門都唔黎 ...
唉 .. 開始心灰意冷喇 ...

嘩 .. 又好耐冇打日記喇 ~
呢排唔知做乜好鬼懶呀 ~ 哈哈 !
最近踢波又踢得唔係幾好 , 06年仲未上力添 ...

琴日阿媽買o個部新電視終於送左黎喇 ~
講左成幾個月先買 .. 舊o個部係時候榮休了 ~

5 ! 4 ! 3 ! 2 ! 1 ! ... Happy New Year !!

琴晚出左尖咀落ｂａｒ兼倒數 ~
唔知點解好似冇我預期中咁熱鬧 .. 不過都好既 ~
太多人反而覺得好迫好辛苦 ~ 咁樣就岩岩好呢 !
玩玩下cherrie同佢個ｆｄ都黎左 ~ 自從o係838識左之後
今次都係第一次見面 ~ 嘿 ! 我諗識左都有成年喇 ...
不過佢地玩左一個鐘就走左嚕 ~ 阿恆接住黎 , 同埋李嘉迪一齊添 ~

玩到差唔多3 點就走喇 ~ 起初仲諗住有節目 ~
但係都已經眼瞓喇 .. 都係早ｄ返去瞓覺吧啦 ....

瞓左幾個鐘又俾佢地叫醒去踢波 ....
唔夠瞓搞到今日踢得唔係幾好 .. 仲有ｄ燥添 ...
相比起上星期真係差得很遠 ...
晏晝返到屋企好攰 .. 小睡左一陣就要出去喇 ~
阿榮個仔滿月 , 所以又要起身換衫行喇 ... 真係忙呢 ~