今日係母親節 , 一朝早就走左去踢波喇 .. 鬼叫瞓唔到咩 ..
出面又九個太陽喇 ... 曬到跑唔郁 .. 完全係攞苦黎辛 ~

成個下晝又匿o係屋企 , 每隔一陣就打一次電話 ...
不過始終都係搵唔到BB .. 唉 ...
夜晚同阿媽去上水食飯 , 打俾家姐好多次都係去左留言 ..
唉 ... 點解今日打親電話都係去留言架 ... 我就黎黐線喇 ..
後尾差唔多食晒先黎 .. 當然又俾阿媽丙佢地啦 ~
到8 點幾我又趕住去踢波喇 ~ 今次個個都放飛機 ...
踢到我都好無奈 .. 輸都係正常啦 ...

返到屋企攰到爆 .. 沖完個涼再打電話 ...
都係搵唔到 .. 已經48 小時喇 ... 究竟BB 去左邊呀 ...

連續幾日都係咁做做做 .. 就黎黐線架喇 ...
日日都唔夠瞓 ... 個人都有ｄ散散地 ... 仲有ｄ燥底 !
唉 ~ 糧又未出 .. 聽日又話母親節喇 ~ 又要洗錢同阿媽食飯 ..
o係呢時間先黎母親節 .. 真係黎得唔岩時侯喇 ..

去左邊呀 .. 成日唔見人 .. 電話又冇個 ...
難得我今日收咁早 .... 唉 ...

好耐好耐冇上黎打日記喇 .. 成個月都懶過鬼 ~
呢排都過得好平淡 ... 皆因冇咩錢 .. 幾時先出糧呀 ...
想話出街都冇咩銀兩o係身 .. 真係陰公 ..

最近又同返班阿叔佢地踢波喇 , 曬到黑炆炆咁 ..
不過又o係時候收下身喇 ~ 冬天食到咁鬼肥 ~
而家走左個肚腩出黎添 ! 腹肌呀 ~ 你地快d返黎啦 ~
再係咁人地唔要我架喇 ~ XDDDDDDDDDD

今日休息唔洗返工 , 咁岩今晚又有場比賽踢 ~ 心諗梗係正啦 ~
成個下晝o係屋企執定野等夠鐘出發 ... 勁無聊 ..
因為今晚踢8 點 , 所以ｄ時間真係好難過咁 ..

到7 點幾去到大埔 , 一去到球場見到咁多人都心知不妙啦 ..
換晒衫坐o係度 , 廢柴領隊冇叫我熱身都估到正選冇我份架喇 ..
咪坐下同熊仔佢地吹下水睇下波先囉 ~
睇左冇幾耐都覺得個排陣係有問題啦 ! 俾人係咁砌 .. 仲要輸緊波添
到下半場形勢都冇變 ~ 但都唔換我落場 !
呢個時候我都換番衫啦 , 就算話換我都唔踢呀 !!
等左成埸波都冇份 , 都唔知黎做乜撚野 !!! 輸波都抵死呀 ~
個心不知幾涼 ! 踢埋呢個4 月再係咁就唔踢啦 !

呢兩個星期都比較忙呀 .. 但又冇咩特別野發生 ~
諗起早幾日出去踢o個場波 , 真係覺得好戇尻囉 !
雖然朝早同班阿叔嘈左兩句 , 但仲踢得開心o個夜晚o個場 ...
我諗踢埋今年都未必再踢落去喇 ~ 跟著個咁既領隊 , 不踢也罷啦 !
偶然星期日落去同班老鬼踢下玩下佢地仲過癮 ~

今個月好多人生日呀 ~ 好彩唔係個個都有function o者 ~
同大家講聲生日快樂先啦 ~ ^^