唔知係咪自己太緊張呢 ... 我覺得自己好似令到ｂｂ好煩咁 ..
係佢呢幾日心情唔好 ? 還是我真係太煩呢 ?? 唉 ....

唉 .. 今日都唔知咩事 .. 瞓到成9 點先起身 ~
返工遲晒大到啦 ... 好彩冇俾人鬧咋 ~
晏晝見到出太陽 , 仲諗住今日應該會冇咩特別野啦 ~
點知轉頭又做錯野喎 .. 太懵到漏左ｄ貨o係人地架車到 ..
搞到要第二日補送返 ... 唉 .. 咩事呀 ....
後尾o個單個客又話ｄ貨唔岩
又話退又話唔退 .. 大佬 ! 又搬黎搬去架 ! 玩尻我咩 !!
今日心情真係差到爆呀 .. 燥底囉 !

我沒有標緻既面孔 , 也沒有動人既聲線 , 有既 .. 只係一顆真心 !

今日返工公司既冇聊 ~ 冇乜野做 .. 悶到瞓著咁滯 ~
到11 點幾突然收到電話 , bb打黎話唔舒服 ... 擔心到我坐立不安 ..
仲話下晝要去見工 .. 真係擔心佢會暈低 ... 都係陪埋佢一齊啦 ~
橫掂下晝又冇野做 ~ 自己又想見下佢 ~

3 點幾去到cwb 見 , 見左都唔夠十分鐘就話見完喇 ~ 睇黎都唔好得去邊 ~
食完野原本諗住去睇戲既 ~ 不過佢又唔舒服 .. 都係唔好喇 ..
早ｄ送佢返屋企休息下啦 ... 下次先去街啦 ~
同佢返去o個陣 , 慢慢行慢慢行 ... 
或者係我以前好少同自己既女朋友出街啦 , 有種特別既感覺 ~
到佢樓下o個陣有種依依不捨既感覺 ... /.".\

琴日飲完酒返黎攰到想死 .. 不過又想等bb過黎喎 ...
等下等下都係瞓著左 ... Zzzzz ....

瞓到5 點幾終於bb喇 ~ 開心死 ~
不過佢又好似好眼瞓咁 , 所以都係俾佢瞓下先啦 ~
自己一個打下機上下網先啦 ...
不過 ...

好唔開心 ... 無意中俾我知道左一ｄ我估都估唔到既野 ...
一邊睇 , 個心一直沉 .. 好似有個槌不斷向我個心揼下去咁 ..
我望住佢o係我身邊 , 但原來我仲未占據到佢個心 ...
o個種酸溜溜既感覺 .. 真係比死更難受 ...
原本我好想咩都唔問咩都唔講 , 扮唔知就算 ...
不過我真係好想知 .. 好想知你個心係點諗 .. 但又怕 ..
怕知道左一個唔想得到既結果 ... 矛盾左好耐 .. 呢個時間你醒喇 ..
始終都係忍唔住開左口 .. 個心嚇到差ｄ跌左出黎 ....
其實我唔想令你難堪 , 亦都唔想你受到傷害 , 我只係想你知 ..
雖然我地一齊左都係岩岩一個月 , 但係同你一齊既時間我先覺得係最開心
每次見到你 , 其他野都變得唔重要喇 ~ 只要你o係我身邊就足夠 ..
你同我講話自己一時放唔低 , 需要ｄ時間 .. 我亦都明白 ...
要霋時間忘記一個人係難 , 要忘記一個深愛過既人更難 , 希望你真係做得到啦
而且我從來冇諗過要放棄你 ~ 因為我真係好愛你 !! 你明唔明丫 ... ??

呢兩日冇啦啦打風喎 ~ ! 不過冇咩影響丫 ~ 咪又係要返工 ...
去邊都要帶住把遮 .. 反而更加麻煩 !
仲要自己衰多手整斷埋把遮添 .. holy shit !! =.=

o個日聽佢話唔敢同我講返左上去玩 , 我諗返起以前寶怡又係咁偷跳 ..
其實係咪我自己有問題呢 .. 點解個個都唔同我講既 ??
如果我蠢ｄ你話幾好呢 .... 我嫌我未夠笨 ...