呢幾日朝早都好鬼凍 .. o係屋企樓下真係大風到企都企唔穩 !
今日做冬仲要得10 度 ~ 真係冬Q 死 >﹏<

仲有唔夠9 日就到生日喇 ~ 仆街仲未出糧 ! 點搞呀 !
好彩今日都出到少少錢 ~ X'Mas都唔洗匿o係屋企咁慘 ~
不過仲未諗到去邊喎 .. 唉 ~ 到時先算啦 !

今日唔洗返工 , o係屋企睇碟睇到差唔多4 點 ~
打左陣機就去左元朗踢波 ~ 最衰搭o個架77 ｋ啦 ~
鬼死咁慢 ~ 搞到去到ｄ時間勁趕 ...

今場波踢得勁辛苦 .. 場地又差 ! 主力又冇黎 ~ 加埋ｄ後備又怯 ..
唉 ~ 前面得我地四個係咁跑 ~ 斷氣咁滯 !
後面又咁弱 .. 所以輸都係預左架喇 ...

踢完波返左上水約埋阿恆去搵阿賢佢地打邊爐 ~
一邊食一邊睇新聞 , o係電視見ｄ人係咁衝擊世貿會議 ~ 場面幾咁震撼 !
估唔到ｄ人真係咁激進 ~ 哈 ! 聽日肯定仲勁 !!
食完野同阿俊阿賢仲有阿豪一齊落Ｂａｒ , 都係正試咁第一次落去玩咋 ~
以前落過都係坐低傾下計咋 ~ 不過呢間野我真係唔會再去第二次囉 !!
個場得幾檯客 ~ 又冇咩拳手 , 又冇波睇 ~ 幾無癮 @@
飲左兩ｒｏｕｎｄ都走喇 ~ 返到黎打埋篇日記都攰喇 ~ 要瞓覺嚕 ..
有左呢次經驗 , 我諗下次都可以同佢地出去玩喇 ~ 嘰嘰 ^^

呢排都冇咩點去玩喇 ~ 連假期都冇地方去 ..
成日匿o係屋企都唔知有咩做 ...
唉 .. 好悶呀 ! 雖然冇講出口 , 但心底裡滿不是味兒 ....

遲ｄ聖誕同生日都唔知點算 .. 唔通又係咁悶 ?? 唔甘心喎 ..

懶左成個星期到而家先黎打日記 ~ 好多野都唔記得左囉 ..
上星期五 , 阿榮第3 個仔終於出世喇 ~
又係一個新生命既開始 ~
遲ｄ擺滿月酒o個陣睇下佢個ｂｂ先 ~

呢個星期ｄ天氣突然凍左好多 .. 咁先有番少少冬季氣紛 ~
不過就要著多幾件衫喇 , 自己條氣管咁弱 .. 吹下都話會氣喘 ...
淨係早幾日都試過搞到瞓唔到覺 ~ 再冷親就麻煩喇 ..

今朝瞓到9 點幾差唔多10 點先起身 ..
死熊仔又話叫醒我踢波 , 點知連佢都唔知醒
去到球場成10 點幾喇 .. 不過竟然連大輝佢地幾個都有落黎 ~
後尾連成禧都黎埋 ~ 今日又會咁齊人既 ~ 

踢完波同熊仔食埋晏 , 返到屋企2 點幾嚕 ~
諗住瞓陣留力夜晚再踢 , 點知又眼光光瞓唔到喎 !
到5 點幾又要出門口去元朗踢喇 ...
早左成個鐘去到 , 都唔知阿龍做乜約咁早 !!
仲要岩岩好夠人 .. 心知不妙啦 .. 冇人換 ~
踢到尾段都已經抽筋喇 , 跑唔郁 .. 焗住頂埋佢 ....
都已經好耐未試過攰到咁喇  , 好彩最後都係打和 ~

返到上水同阿俊去左食野 , 吹左陣水11 點先返到屋企
拿拿臨沖埋涼睇波 ~ 睇埋先去瞓 ~ 嘿 !