琴晚我地都幾多人上去玩 , 一行十幾人 ~
我都係第一次星期五去玩咋 , ｄ 感覺都唔錯 ~
起碼唔洗好似星期六咁樣迫餐死先啦 ~
初頭上去唔見矮妹一齊去 , 仲以為佢唔上添 ~
原來佢去左cyber o個邊玩 ... 鬼妹仲帶多左個ｆｄ一齊去
都幾靚女 , 佢地話佢似李心潔 .. 不過好似啞咁囉 ! 十問十唔應 ~
到3 點幾 , 矮妹都o係cyber 過左黎一齊玩 ~
不過阿賢同子健都話佢未黎之前我勁燥 ... 我唔覺囉 ..

玩到朝早6 點幾先成班一齊走 , 去左" 陽光路上" 坐低飲野 ~
坐左陣孖仔佢地因為要返去返工 , 所以走先 ~
留低左矮妹跟我地 ~ 就係咁我地有機會帶佢睇醫生喇 ~
返黎上水 , 就同阿賢帶佢去彩園睇醫生 ~
掛左號但未有得睇住 .. 唯有去" 馬王" 食個早餐先啦 ~
咁岩又見到韓生 ~ 吹左兩句就走左嚕 ...
睇完醫生帶左佢返屋企食藥瞓覺 , 到我瞓o個陣都成12 點 ...

一瞓就瞓到6 點幾先起身 , 叫佢起身食藥叫左幾耐呀 !
拖下拖下成9 點先肯食 .. 真係有ｄ 嬲 .\"/. !
鬧左佢幾句 , 鬧到佢眼濕濕喎 ... 嚇得我即刻氹番佢 ..
不過都算佢聽話啦 , 話佢都仲肯聽我講 ~
夜ｄ 又話上去喇 , 又要帶埋佢去 ... 其實都唔係咁想
但係 .. 理唔到咁多喇 ~ 顧掂自己先啦 ....

呢兩日都搵左阿豪跟埋一齊開工 , 今日仲早收工添 ~
收工返屋企途中 , 架車條胎開始頂唔順啦 ... 局住落去大埔換胎 ..
換完諗住返屋企啦 ~ 點知阿豪竟然話想打波 .. 有ｄ出奇囉 ~
睇佢同阿榮打左兩局 , 玩$ 3/ 度 ~ 竟然輸成2 百幾蚊  ..
塊面當堂黑晒囉 ~ 哈哈 ~ 打到7 點幾就走嚕 ~
返到屋企沖完涼無幾耐 , 同阿堂o係icq 傾左陣 ..
原來今晚都有人上 , 而且仲好玩過星期六喎 ~
橫掂聽日搵左阿豪代我返工 , 今晚梗係上去玩下啦 ~ 嘻嘻 ..
阿俊就一早上左去喇 , 打埋俾阿賢叫埋佢返先 ~ ..

今朝趕住出門口 , 所以都係唔嘈醒矮妹 ~ 俾佢瞓多陣先 ..
岩岩今日係邱邱生日 , 約左夜晚出去旺角唱ｋ ~
初頭都有諗過唔去 , 留返o係屋企睇住矮妹 ...
不過唔去又好似好衰咁 .. 都係夜晚先算啦 ~

放左工返到屋企都6 點幾嚕 , 矮妹都起左身喇 ~
摸摸佢額頭都已經退左燒喇 , 又開始活躍起來啦 ~
我阿媽仲煲埋粥俾佢食 , 又會咁鍚佢都有既 ..
到8 點幾就換衫出去 , 順便送埋矮妹走 ~
出到去旺角 , 送佢去左搭車 , 之後就要去搵趙倫佢地喇 ~
不過o個陣都9 點幾 ... 俾佢地打黎係咁催 ...

去到ｋ房 , 唱左陣子健都黎埋 ~ 不過佢都係黎一黎就閃左 ..
玩左兩個幾鐘 , 11 點幾就走左嚕 ~
搭火車o個陣同低ｂ婷傾電話 , 原來頭先佢都o係旺角同佢條仔唱ｋ ...
佢仲諗住再約食飯 , 又未知幾時 .. 都係遲ｄ 先算啦 ~
返到屋企已經好眼瞓了 .. 早ｄ瞓啦 ~

今日唔係好多野做 , 到2 點幾就收得工嚕 ~
琴晚矮妹同我講話唔舒服 , 應承左今日接佢入黎等我可以睇住佢
所以收工就去左長沙灣接佢車埋佢返黎 ~
一見到佢就覺得佢無厘神氣 , 原來佢發緊燒 ...
返到屋企原本想同佢睇醫生 , 但係佢又話好攰想瞓陣先
咁咪俾佢休息下先囉 ... 咁樣拖下拖下到最後都係冇睇到 ...
成日留左o係屋企睇住佢瞓覺 , 又抹汗又蓋被 ..
到夜晚叫佢起身沖涼先再瞓 , o個陣都好返好多喇
辛苦左成日 , 我都要早ｄ休息先 ...

琴晚同阿堂 , 阿賢 , 子健同埋文嘉豪一齊上 ~ 聽佢地講話係小瑜生日喎 ~
咁悶既日子緊係要去玩下啦 ~ 阿俊都行左先嚕 ...
一上到去就同阿堂阿賢去左打波 , 嘉豪就同子健去左向西囉 ~ 嘰 !
打左一局又要行番去吸印先 , 番轉頭再打 ~
之後子健佢地又返左黎波樓 , 幾個都話要同我打 ~ 唔同我好打ｄ?
咁就同子健打先啦 ~ 順便我要報仇嘛 ~ !
唔知係咪同阿榮打得多 , 冇以前咁求其 ~ 仲進步左添 ~
最後當然報仇成功啦 ~ 再嬴埋阿賢先走 ~ 嘿嘿 !

返過838 , 勁多人呀 ~ 出面又要落雨喎 .... 麻鬼煩 ~
不過玩左冇幾耐就見到ｄ爆笑野喇 ~
子健爆左 , 唔知o係邊度攬左條女番黎 , 仲要打晒車輪添 ~ 哈哈哈 !
到子健醒番條女仲要纏住佢添 , 今次終於到佢做錯事喇 ~ 嘰嘰 ~
轉頭見到小瑜 , 嘩 ! 塊面瘦左幾多呀 ~ 差ｄ唔認得佢呀 ...
究竟用咩方法可以瘦咁多既呢 ..
到差唔多4 點 , 阿俊都過埋黎嚕 ~ 不過子健同嘉豪就走先
得返我地4 個 , 玩到6 點先走 ~ 去左"陽光路上" 坐低飲野 ..
玩左成晚勁攰囉 ~ 成個人散晒咁 ... 又眼瞓 
所以就決定去按摩 , 按完夜晚先走 ...