今日又唔洗返工喇 ... 唉 ! 再咁落去唔掂喇 ...
個天又落鬼死咁大雨喎 ~ 想出去行下都唔得 ...
諗住安安定定留o係屋企啦 , 點知行轉背就俾阿媽整爛左部ｍｐ3 ...
嬲撚到爆囉 !! 好地地擺o係書檯都俾佢整爛 ..
唉 ... 又要拎去整喇 ! 麻鬼煩 !
谷住谷住 .. 都係瞓陣先 ~

5 點幾趙倫打黎話取消今晚場波 ~ 都好 ! 唔洗踢爛地 ..
留o係屋企打機好過 ~~~~

今朝起身周身骨痛 .. 嘩 ~ 頂丫 !
出面又落鬼死咁大雨喎 ! 痴線架 ...
晏晝打俾阿豪諗住問佢拎番個電話號碼 ~
點知佢仲係未返 .. 哈哈 ! 唔通佢俾條女食左 ?!
唔理咁多住啦 ~ 收工先算啦 ...

到5 點幾收工返到屋企 , 打俾佢竟然通喎 !
返左黎喇 ? 佢就開心啦 ~ 嘰嘰嘰 ..
終於取代左我個位置喇 ~ 我可以退位讓賢喇 ~
哈哈哈哈 .....

琴日唔洗返工 , 成日番o係屋企打機 ~
到夜晚佢地話上去玩 , 都好既 ~ 悶左成日 ...
上到去11 點 , 去打左陣波 ~ 到差唔多12 點就過去838嚕 ~
未行到門口都已經見到好多人嚕 .. 個個企晒出黎 ..
似乎係查牌喎 ! 聽其他人講仲話琴晚大查 , 驗尿驗到朝早7 點幾 ..
嘩 .. 咁搞法即係唔洗玩啦 .... 企左陣連閘都落埋 ~
跟住就過左去cyber同凱悅都係收兩點 ... 睇黎係成個深圳都掃囉 ..
o係茶餐廳坐左陣 , 再過去水都睇下咩環境 ~
初時又係咁 , 出面企晒人o係門口 ..
之後阿堂佢地入去睇過話熄左音樂 , 應該冇得玩 ...
唉 ~ 坐左o係出面勁攰勁眼瞓啦 ~ 我都唔想玩喇 ~
諗住去埋廁所就走啦 , 點知再入去又開番喎 !
不過我都係唔想玩喇 .. 最衰係冇電話卡用o者 ~
唔係既話我都走左啦 .....

等佢地玩到差唔多6 點 , 我同阿俊阿賢就一齊走左喇 ~
過左去湖貝阿俊個師兄度瞓 ~ 阿堂佢地未玩完 ~
而阿豪就跟左條女走囉 ~ 哈哈哈 XDDDDDDDD
佢咁都食得落 ... 玩得開心ｄ啦 ~ 嘰嘰嘰嘰 ....

o係湖貝 , 我瞓到點幾差唔多兩點先起身 ~ 冇計啦 , 太眼瞓嘛
一起身就肚餓喇 , 落街去左飲茶 ~ 好耐冇去嚕 ~
不過呢間野好似冇咩食咁既 =.= 麻麻地o者 ...
食完野過左去東門出番張卡先 ~ ( 今次上黎最大原因 )
而家整卡要過去隔離街間便利店度整 ~ 方便好多喎 !
整完行左陣買game買碟 ~ 再過左去打波 ~
又係輸囉=.= 無計啦 ~ 新黎左個服務生幾靚女 , 搞到我成日分心
一邊打波一邊係咁望 ~ 哈哈哈 !
打完都成7 點嚕 ~ 阿俊佢地就約左人去按摩 , 我就同阿賢走嚕 ~

到夜ｄ返到上水諗住去食埋野先返屋企 ~ 仲打俾低Ｂ婷吹水
哈哈 ~ 同佢傾電話真係好鬼搞笑囉 ~ 都好耐冇見過佢喇 ~
下次出開街搵埋佢先 ~

今日都ｏｋ多野做啦 ~ 不過好快就搞掂晒 ~
冇咩手尾跟 , 4 點幾就收工返左屋企嚕 ...
返到黎打機打到7 點幾就換衫 , 出去同ｄ小學同學唱ｋ嚕 ~
臨出門口之前又落雨 ... 焗住要帶把遮 =.=
搞到都有ｄ唔想出去 ...

出到旺角 , 同謝志傑同羅薇去左食野先 ~
佢地就仲未到 , 要差唔多9 點幾先黎 ...
問一問先知原來今晚得我地幾個 .. 之前仲吹到成十幾人 ...
唱左陣徐漪又叫左幾個ｆｄ一齊黎玩 , 不過係全仔班 .. =.=
早知係咁今晚唔出黎啦 , 勁無奈 ....
佢地就飲酒玩骰中 , 我又唔岩玩 .. 成晚淨係唱歌 !

玩到3 點幾 , 徐漪ｄ ｆｄ要走先 , 放低左錢就走喇 ~
跟住我地都叫埋單 , 計一計每人都淨十幾蚊 ..
鄧啟文就想衝出去追佢地 , 不過都係俾多少少o者 .. 唔洗咁緊張下話 ?!
仲要佢今日都係問我借錢俾佢 , 我都未出聲啦 !
唔知點解講講下佢又同徐漪講左ｄ咩 ~ 搞到佢喊 ...
之後聽番先知咩事 .. 原來係佢個ｆｄ同徐漪ｄ感情事 ...
呢ｄ野都唔關佢事啦 ~ 又講到話打人斬人 .. 都唔知佢理黎仲乜 !
到後尾走o個陣o係出面佢又同人嘈 , 叫我地走先 ...
佢走左去吹雞 ... 唉 ~ 又搞事 !
行到小巴站 , 打番黎話等埋佢 .. 其實我地幾個都唔想等架 ..
不過 ... 廢事啦 ~ 唔爭左o個一陣 ...
轉頭佢番到黎 , 上左車先同我講話岩做完野 ..
唉 ~ 佢都唔知衰 ! 成日都咁衝動 !
同佢傾左成程車 , 希望佢自己知以後點做啦 !

返到屋企都5 點喇 .. 沖個涼快ｄ瞓番陣先 ....

朝早起身返工 , 見出面個天陰陰地 .. 睇黎都應該會落雨 ..
一出到九龍o個邊已經開始落喇 ~ 仲越黎越大添 ...
痴線架 ! 好似倒水咁 ... 今日仲要好多野做呀 ~
一落車就要淋雨 .. 唉 ~ 成日都未停過雨 ....

到收工返到上水都7 點喇 , 仲要去拎埋個差電痤先 ~
好彩o個陣冇咩雨o者 .. 拿拿臨拎完就返屋企喇 ~
食完飯打左陣機 , 一打就打到12 點幾 ...
仲諗住上網睇陣漫畫添 =.= 都係沖埋涼瞓嚕 ..