琴晚臨瞓之前 , 出面忽然間刮起好大風 ~ 連窗都吹開晒 ...
之後仲落大雨添 ~ 天氣又會突然咁反覆既 ?

今日冇咩野做 , 中午就收得工嚕 ~
不過又俾阿榮捉左去打波 , 係咁o係度話要報仇 ~ 煩死人 !
有時都覺得佢幾無賴 , 唔係好鍾意呢樣野 ~
不過話晒佢都係我老細 , 有ｄ野過左就算啦 ....
同佢打幾局都未嬴過 , 唉 ~ 好憎呢種感覺呀 !!
我諗或者係我都算幾好勝啦 , 所以好討厭輸既感覺 ... !
無論係幾咁無關痛癢既野 , 我都要嬴 ~ !

朝早8 點幾就要返工嚕 ~ 又唔夠瞓添 ... 一上車就係咁釣魚  ~
不過架車又冇冷氣喎 ! 搞到成日都要開窗 ~ 鬼死咁熱 ....
又餓又口乾 , 捱到成1 點先食飯 ~ 練仙咩 ~

原本下晏有單要去觀塘 , 不過ｄ貨又未返 , 唔洗做 ~
但係仲有一單要成夜晚7 點後先做 , 呵 ! 我要去踢波 所以又唔洗我做 ~
即係收得工啦 ~ 不過阿榮就慘ｄ, 要等成兩個鐘 ~
橫掂咁早 ~ 返去又未夠鐘開波 , 見帊搥e就同吤握U波先走啦 ~
哈哈 ! 撞岩今日有心情 , 打得特別輕鬆 ~
打左兩局就夠鐘走喇 ~ 咁都俾我嬴左成舊水 ~ 嘰嘰嘰
之後就搭火車返黎粉嶺踢波嚕 ~

又係同o個ｄ人一齊踢 , 都唔係咁鍾意 ~ 可能未夾慣啦 ....
上半場都叫做守得住既 , 同o個個阿叔都夾到 ~
但下半場換左人之後就出事喇 ~ 成隊波踢到散晒咁 ~
前面又攻唔到 , 後面又成日誤會 ... 唉 ! 踢到我都冇咩心機喇
雖然係友誼賽o者 , 但都應該認真ｄ嘛 ! 仲話入隊喎 ~ 都係諗下先啦 ..

成日都有ｄ好似幻得幻失既感覺 .... 冇乜方向感了

今朝瞓到6 點幾熱得滯醒左 .. 起身開著把風扇又瞓過 ~
再醒o個陣已經10 點幾喇 , 仲以為唔洗返工添 ~
點知轉頭阿榮打黎話返1 點 ~ 都好 ! 唔洗o係屋企悶 ~
不過都唔係好多野做 , 得3 個櫃要送 ~ 所以都係好快就收工 !
返到屋企又冇野做 , 機又冇得打 ~ 上網又悶 ~ 唉 !


最衰阿邊個又唔o係度 .. 搞到冇人陪我傾計 ~
幾時先返黎呀 ~ 有ｄ掛住佢添 ....

琴晚睇波睇到成3 點幾先訓 ~ 巴塞又嬴波 , 捱眼訓都值呀 !
今日又係假期 ~ 訓到2 點幾先起身 ,
唔係俾電視聲嘈醒左 , 我諗仲可以訓晏ｄ~
之後同阿爸阿媽落街食野 , 阿豪打黎話想黎入歌
是但啦 ~ 順便過上水行一陣都好 ~
行下行下o係龍豐見到高妹同suki , 佢地都係無聊所以周圍行 ~
高妹仲ｓｅｔ左電話俾我叫晏ｄ打俾佢 , 唔打啦 ~ 都唔知打俾佢做乜 ..
同黃志豪行多陣就番左我屋企入ｍｐ3 , 等佢自己慢慢搞啦 ~
點知條友真係慢慢咁整 ~ 成9 點先搞掂 ! 足足兩個幾鐘呀  ...
痴線架 ! 下次真係唔鬼睬佢呀 ~ 整咁鬼耐 !

佢去左旅行 .. 冇人陪我傾計添 ...

琴晚o係火車站等到差唔多尾班車先上車 , 都唔知約咁早做乜 ..
呢次真係多人喇 ~ 夾夾埋埋有成三十個 , 幾咁大堆頭呀 ~
不過咁多人一齊都幾麻煩下 , 成日都要等齊先行 ~ 唉 ..
去到838又係鬼死咁多人 , 又熱又迫 , 仲要開得一張卡位 !
都係出去打下波先喇 ~ 廢事迫埋去 ~
去打波又無檯喎 ! 要等幾張先到我地 ~ 唉 ! 落番去玩好過 !
落去之前都係去食左野先 ~ 未食過野 , 勁肚餓 ~

成晚行止行落 ~ 好似個個都唔見人咁 ~ 見一見又走左去 ...
不過平時都係咁玩架喇 ~ 見怪不怪 ~
到差唔多走o個陣 , 阿傑個女仔ｆｄ唔知做咩無啦啦望我
仲要係一望我就即刻迴避 , 連續幾次都係咁 ~  連阿豪都見到添 ~
完全唔知佢想點 ~ 糙 ! 又會咁都有既 ~

玩完得番阿豪阿堂阿俊同我留o係大陸 ~ 其他人都番香港嚕 ~
阿俊就去搵佢師兄 , 我地三個就去左按摩 ~ 打算按完先返香港 ~
不過唔經唔覺都搞到夜晚成12 點先返黎 , 哈 !
拿拿聲沖埋涼睇波先 ~ 今晚有巴塞羅拿睇 ~ 正 !