琴晚又成大班人一齊上 , 因為係阿俊生日既關係 ~
所以都仲有咁多人去 , 連趙倫同久違了既阿勤都有出現添 ~ 嘿嘿 !
可能之前o個晚我地都有咁多人上啦 ~ 阿俊就以為今晚冇咩人黎
不過佢都有過黎現一現身先去飲酒 ...
一如以往吸完印去左篤波先 ~ 打到差唔多2 點先入去838 玩 ~
但係入面勁多人囉 .. 同之前o個晚相比真係迫到唔想玩 ...
o係入面行左一個圈都已經頂唔順要出番黎喇 ! 出左門口坐 ..
出左7 仔o個邊同阿豪坐埋一邊吹水 , 傾下計好過 ~
不過隔左一陣 , 3 點都未夠就有異樣喇 ...
突然間成大批人o係838 o個邊衝出黎 , 初時仲以為有人打架 ~
點知越黎越大群人跑出黎 , 係咁叫人走 .. 先知原來入面查牌 ~
仲聽到話見人就捉 .. 有ｄ 人仲嚇到跑左唔知去邊添 ~ 嘿嘿 ..
打電話同阿堂佢地會合返 , 知大家都冇事先安心ｄ ~
但係數數下先發覺唔見左矮妹同鬼妹喎 ?! 心諗 : 唔咪走唔甩下嘛 ..
同嘉豪佢地分頭搵都唔見佢兩個 .. o係附近行左陣都唔見 ...
諗住返去搵左阿堂佢地先啦 ~ 咁岩過去對面馬路就見到佢地兩個喇 ~
嘩 ... 嚇得我地丫 ~ 仲以為佢地真係o係入面走唔甩添呀 ..
之後o係茶餐廳坐低食野先 , 順便睇下咩環境 ~
不過聽返黎既消息都係話入面要驗尿 , 同埋都幾混亂下 ...
既然係咁就去天之高玩啦 , 雖然唔好玩 .. 但總好過冇啦 ...
到4 點幾子健佢地打黎話可以返落838 拎袋 , 咁咪返去拎左先啦 ~
等佢地可以拎返ｄ 証件走先嘛 ~
拎完袋返過黎玩多陣 , 到6 點幾就走左喇 ~
仲諗住返屋企瞓覺 , 點知又話去飲茶 ... 周圍ｄ 茶樓又未開 ..
行完一間又一間 .. 卒之都係要去返新都酒店o個邊先有茶飲 ~
返到屋企攰到死咁滯 .. 下晝仲要踢波添架 .. 拿拿聲沖埋涼就瞓覺喇 ~
瞓左4 個鐘 , 到3 點幾就要起身出去踢波喇 ~
唉 ~ 攰到死下死下仲要去踢波 .. 未踢都已經腳軟 ...
今日仲要少左阿俊同其他人 , 辛苦左幾多呀 ...
踢完去左 "吉野家 " 食野 , 食左一半都已經食唔落喇 ~
咁鬼死攰 .. 都係早ｄ 返屋企沖涼瞓覺啦 ~ |
