早兩日先踢完一場 , 今日又要踢第二場比賽喇 ...
隻腳又有傷 , 所以今日都係就住黎踢啦 ~
賽程咁密想踢死人咩 .. 不過都贏到波 ~
除左第一場輸 , 其他都贏晒 ~ 都唔記得係幾多場連勝嚕 ~
ｋｅｅｐ住係咁既話我諗冠軍都有機會添呀 !

休左咁多日息今日終於返工喇 ..
成日咁休息都唔係辦法 , 都有個決定 .. 再係咁落去會走 ~
可能阿榮知道我意思啦 ~ 所以今日佢都同我商量薪酬既問題 ..
都叫做有個辦法既 , 加大我既收入但變相會辛苦少少囉 ...
不過都好既 , 睇下咁樣會唔會有幫助啦 ~

今日係阿may既生日 , 雖然而家同佢聯絡唔上 ..
不過我都仲記得佢既生日 ~ 咁耐冇見 , 唔知佢而家點呢 ..

好耐都冇打日記添 ~ 呢排唔知做乜好鬼懶 ...
夜晚同矮妹阿賢阿豪去左上水打邊爐 , 當同佢補番生日餐飯囉 ~
今次見佢冇上次咁殘 , 但係仲係冇咩精神咁 ..
感覺都算好睇過之前架喇 ~

食完野原本諗住送佢走 , 不過佢又冇地方落腳 ,
都係帶左佢返屋企 .. 有咩都係瞓醒先算啦 ~

呢幾日返工都係做o個ｄ野 , 但係都覺得好攰 ..
近排ｄ賽程又咁密 .. 都唔夠時間回復體力 .. 仲慘過踢職業呀 ~
好想好好咁休息下 .....

話咁快又秋天喇 ... 又踏入愛的季節喇 ~
唔知點解每年一到呢個時間都好想拍拖 ..
不過都係o個句 ~ 隨緣啦 ...

今日瞓到成12 點先起身 , 一陣又話要去踢波喇 ~
都係快ｄ執定野出去食飯先 ~ 諗住伸下擰下腰 , 點知又唔小心撞到門框 ..
當場痛到o係張床度轆黎轆去 ... 嘩 ! 他媽的丫 ...

今日場波因為係盃賽關係 , 所以係淘汰制 ~
呢ｄ咁既盃賽其實我都唔太睇重 , 不過都會照踢既 ~
開段同對方頭撼頭 .. 搞到暈暈地 ... 冇辦法啦 , 唔頂就輸架喇 ..
不過後防始終都未夾到 .. 要係咁幫佢地包位 ~
可惜到最後都係要輸 ... 好彩呢個係盃賽黎架o者 ~

夜晚過去趙倫屋企 , 順便買埋飯上去食 ~
行過彩園o個陣 , 好似多左女仔望我咁既 .. 可能係我著得太斯文啦 ~
著恤衫仲帶埋眼鏡 ~ 哈哈 ! 連佢地見到都笑我咁斯文 ~
我諗呢排我都會咁樣著出街架喇 ~