今日一收工就要趕返屋企拎衫去踢波 .. 原本仲諗住可以早ｄ做晒ｄ野收工添 , 點知都係要趕頭趕命 .. 今晚場波冇左熊仔守龍門 , 唯有搵阿龍頂上啦 ~ 初段就失左球波喇 .. 始終冇個正規龍門都係爭咁ｄ ... 不過踢定左就多番唔少攻勢 , 仲追成平手添 ~ 下半場我地已經控制番個節奏 , 加上對方前鋒俾我成功咁完全凍結 就係咁樣我地最後都贏埋二比一 ~ 不過唔可以太高興 ~ 因為星期五o個場應該會更難踢 .. 希望到時自己可以踢番本身既水準啦 ~
琴晚同阿賢講左好耐 , 到最尾都係冇出到街 .. 留左o係屋企睇波 ~ 都好 ! 玩少ｄ ~ 留番ｄ錢黎買野都好 !
今日瞓到成2 點幾先起身 , 冇幾耐阿賢打黎叫出去食野 同埋佢仲有子健去左上水食 , 仲諗住食完野睇下有咩玩 ~ 點知佢又話要踢波 ~ ! 咁就唔好成日問我有咩搞啦 ~ 得番我同子健兩個 , 佢又話唔想洗錢 ... 咁即係 ... 返屋企吧啦 ! 咁又嘥左兩日假期 ~ 燥底囉 !
今日國慶假期 , 唔洗返工瞓到成12 點先醒 ~ 一起身阿芝就打黎喇 .. 又會咁準既 ~ 到3 點幾佢仲要買埋飯上黎俾我食 .. 感動 孤男寡女共處一室 , 又唔知有咩做 .. 覺得有ｄ 唔知點咁 .. 你玩我我玩你咁都搞到成身汗 .. 佢仲話我唔夠膽攬佢 .. 唔係唔夠膽 , 只不過我覺得有ｄ 野唔需要同唔應該做o者 ~ 朋友間都應該有個底線既 , 或者係我思想守舊啦 ~ 哈哈哈 ..
今日ｄ工作比預期早完成 ~ 未夠3 點就已經搞掂晒嚕 ~
夜晚o係粉嶺有場練習賽 , 亦係阿賢加盟既第一日 ~ 不過都未能夠贏波而回 ... 成隊波都踢到唔知似乜 ! 個個都懶懶行 ! 扮晒球星咁 ! 都唔知自己跑得咁辛苦為乜 ! 咁既比賽都贏唔到 , 咁樣點出去踢聯賽呀 .....
踢完波同阿俊阿賢仲有熊仔一齊食飯 , 第4 晚喇 ~ 哈哈 ! 今個星期差唔多日日都出街食飯 , 不過同朋友一齊就冇所謂啦 ~
呢幾日都覺得好休閒 , 返工又冇乜野做 ~ 可能係放低左ｄ包袱啦 ~ 連瞓覺都瞓得好左 ~ 不過以後就辛苦鬼妹喇 ~ 唔好因為咁而誤左自己前途呀 ~
夜晚過左上水同阿賢阿豪仲有子健食飯 ~ 又係我地四個呀 ~ 嘿 ! 邊食飯邊吹水 , 聽子健講番琴晚飲醉酒ｄ野 ~ 笑爆肚 睇佢個樣仲係呆下呆下咁 , 哈哈哈哈 ... 食完野o係火車站等阿龍 , 俾埋ｄ野佢就返屋企嚕 ~ 咁樣又過一日 ..
