連續兩日返工都好辛苦呀 .. 雖然睇落好似冇乜難度 ~
但做落就真係想死咁款 .. 今日搬到手又振腳又振 ... 痴線架咩 ...
返到屋企發現隻腳瘀左一撻 , 仲腫腫地添 ... 幾時整到都唔知添 .. 

成晚留左o係屋企都冇出過街 .. 都唔知去邊好 , 加上又未出糧 ~
聽日晏晝仲有場比賽添 ~ 今日都係o係屋企打下機休息下算啦 ...

今日好鬼多野做呀 .. 初頭仲以為可以早收工添 ..
點知做到成6 點幾先返到屋企 ...
食埋飯執埋ｄ 野就差唔多要行喇 , 我話過今晚比賽唔可以再遲到架 !
8 點幾去到球場 , 好彩今次都唔算遲o者 ~
拿拿聲換完衫就熱身喇 ...

開波前有一分鐘默哀 , 因為元老隊有個阿叔過左身 ~
跟住就開波喇 ... 踢左冇幾耐 , 都唔知做乜好快就攰 ...
可能係因為返完工既原故啦 .. 硬係好似爭咁ｄ ~
不過場波都贏到 , 連續兩場聯賽都贏 ~ 要保持連勝落去呀 !!

下半場其實自己係有做隊長既機會 .. 可惜自己俾左人 ..
唔係個臂章難帶既話我一定會帶起佢 ...
希望下次再有機會啦 ...

朝早8 點幾俾阿榮打黎叫醒起身返工 ..
點知轉頭又打黎話唔洗返 ... 玩野咩 =.=
見唔洗返又再瞓過啦 , 但係又瞓唔死喎 ~ 12 點幾就醒左 ...
成個下晝都留左o係屋企打機 , 應該係話俾部機操控住先岩 ~ 哈哈 !

夜晚同矮妹傾左陣電話 , 又俾我話到喊 ..
佢阿媽又要走唔要佢 .. 真係戥佢難過咯 ....
好無耐 .. 唔知可以點喇 , 或者最好既辦法就係返入去啦 ..

今日瞓到12 點幾就醒左喇 ... 想再瞓耐ｄ都瞓唔到 ~
阿賢佢地又未起身 .. 咁又係既 ~ 琴晚又飲到咁醉 ..
晏晝o係ｉｃｑ見到矮妹 , 同佢傾左陣 ~ 佢就話黎搵我食飯 ~
無所謂啦 ~ 橫掂我都未食野o者 ~ 叫佢上左黎屋企先啦 ~
差唔多5 點先過到黎 , 見到佢個樣真係越黎越殘 ... 又瘦又多傷痕 ..
聽佢講仲話兩日冇瞓過添 , 坐坐下都瞓著左 ..
一陣又要出去踢波 , 見佢咁樣都係留左佢o係度瞓陣先喇
等我踢完波返黎先再算啦 ...

夜晚去左天水圍踢波 , 唔知係咪唔夠瞓既關係啦 , 硬係覺得好攰咁 ..
踢到有ｄ力不從心咁既感覺 ... 到最後呢場波明明贏緊都係要輸 ...
真係發覺次次著親件螢光波衫唔係和就係輸既 ~ 好鬼邪呀 !!
踢完波返到屋企都11 點幾喇 .. 見佢仲瞓緊覺都係唔嘈佢喇 ~
今晚都係由佢留o係度瞓覺啦 ...

今日好早就做晒ｄ野 , 點幾鐘就收工喇 ~
返到屋企又無咩做 , o係咁打機 .. 悶到發癲 ~
到6 點幾 , 換衫出去旺角 ~ 約左yuko 食飯
點知奶仔出到一半又話返屋企 .. 都唔知佢搞乜 !
自己一個出又悶 .. 就叫埋阿豪一齊出黎喇 ~
見返yuko佢都好似冇咩點變過 , 係大個左少少咁啦 ~
之後上左cafe 坐左陣 , 間野都係麻麻地 ~ 一定唔會再去 !

9 點幾阿賢佢地都出到黎喇 , 同yuko傾多兩句就去搵佢地唱ｋ喇
又係去返九龍行Neway , 上年除夕都係黎呢度玩 ~
上到去 , 原來小霸王子健仲有tracy小瑜已經黎左 ~
計埋我地都已經成十個人喇 , 個個一黎都係咁食野先 ~ 睇黎好肚餓咁款
食完野之後佢地就話開戰喇 ~ 嘿嘿 ! 不過分開左兩邊黎玩囉 ..
一邊就係838 之友 , 而另一邊就係阿賢佢地既舊書友仔 ~
個個都係玩一陣又唱下歌咁 , 都幾開心架 ~
冇幾耐陳家志黎左 , 後尾連阿芷都黎埋添 ~ 有ｄ意外 ~
不過阿豪成晚等住既人等極都未到 , 佢就o係度睇住個電話唔知搞乜 ~
到3 點幾 , 有一半人都要走先 ~ 淨低我地6 個未走 ~
阿賢又醉左 , 要俾ｄ時間佢清醒下先 ~
睇佢挨落阿兒度搞到阿兒好唔知點咁 ~ 個畫面都幾笑 XDDD
呢個時間見冇咩野玩 , 最岩就係唱歌架喇 ~
阿豪就仲係諗緊佢究竟會唔會黎 .. 我諗就唔會啦 ~

4 點幾阿賢都醒喇 , 不過又唔知發咩神經啦 ~ 突然燥底都有既 ..
埋左單順便叫佢去廁所洗下塊面先啦 , 等到清醒下 ~
之後就行去搭小巴返屋企喇 ..

今晚都玩得幾開心 , 而且同佢地都幾岩傾 ~
換轉係以前o係ｄ咁既場合我一定會收埋自己 , 不過而家唔會喇 ~
話晒大家都叫做熟左ｄ , 下次有機會再玩過啦 ~ ^^