琴日係阿勤生日 , 所以夜晚上左大陸同佢去飲酒同慶祝 ~
呢個月真係多人生日架o者 ...
今次開左間大房黎玩 , 去咁多次都係第一次玩房咋 ~ 都唔錯 !
阿勤條女又帶左幾個fd 黎 , 不過同佢地唔係咁岩玩
始終都係覺得同平時玩開o個D 好玩D ~ 又多幾個新面孔一齊玩 ~
感覺都唔錯既 ~ !
玩到5 點幾 , 個個都醉醉地 ~ 跟住就過左838 hea左陣 ~
一入去就見到矮妹 ~ 好耐都冇見過佢喇 ~ 睇落冇之前咁難睇啦 ..
同佢玩左陣傾左陣計 , 知道佢近況都幾好 ~ 繼續努力啦 !!

返到粉嶺落車 , 竟然見返阿勤喎 ! 原來同我地同一班車 ~
又會咁岩既 ~ 仲諗住佢冇咁早返到黎添 ~ 哈哈 !
見佢仲係死下死下咁真係搞笑 ~ XDDDDD
買完個早餐返屋企食 , 越食越辛苦 ... 拿拿臨食晒即刻瞓死左嚕 ..

近排好鬼懶 ~ 懶到連日記都唔想打 ...
有ｄ心事 .. 不過唔想同人講啵 ~

今朝得一個櫃送 , 由開工出門口到收工返黎都唔洗兩個鐘 ~
嘿嘿 ~ 真係休閒得很 ...
下晝o係屋企打機 , 問阿榮借左隻 <榮譽輝章> 返黎玩
又真係幾好玩喎 ~ 等我下次拎俾趙倫燒返隻玩下先 ~

今朝一早揹埋個袋去上水踢波 ~ 原本都諗過唔去架 ~
不過又驚下晝比賽踢唔足全場 , 所以先去玩陣咋 ~
順便當熱下身都好丫 ~ !

上晝踢完同熊仔去食飯 , 條友仔好似飢民咁掃晒成個餐 ~ 勁 !
曬完一輪都唔知點解佢仲咁擦得 ~ XDDDDDDDDD
之後陪佢返屋企換衫同拎鞋 , 嘩 ! 原來條友仔買埋咁多書仔既 ..
搞到我掛住睇都唔捨得走添 ~

去到沙田仲要行九丈遠先到 ... 又搞到趕頭趕命 ..
呢場波我又要客串右閘 , 真係發覺後半場我咩位置都打過晒喇 ~
完全係通天老棺咁款啦 ~ 今日表現都唔錯添架 XDDD
可惜擴大唔到優勢 , 完場前仲要俾人追近一球 .. 真係驚險 ...
踢完波阿俊打黎吹左陣水 , 約埋今晚食飯 ~
原本都諗住等既 .. 不過真係好攰喇 ~ 仲要揹住個袋鬼死咁重 ..
都係返屋企沖個涼抖下好過 ...

休左成十幾日今日終於開工 ~ 唉 .. 又莫財喇 ~ !
新年ｄ利是都洗得七七八八嚕 .. 暫時唔可以去玩住喇 ~
冇計啦 ~ 鬼叫近排又返上去玩咩 ! 又學人去飲酒 @.@
哈 ! 唔知係咪飲得多左呢 , 而家去飲酒居然頂得順喎 ! 佩服 XDDD

琴晚同阿俊佢地幾個上左去838玩 ~ 今次都ｏｋ既 ~
ｄ感覺好過上次岩岩開返o個陣啦 ~ 冇咁畏首畏尾 ~
個場又冇乜女 , 有既都係豬扒 ~ 但係阿賢都 ...
今次有排講喇 ~ 仲唔到佢 ! XDDDDDDDDDDD

玩完朝早去左按摩 , 嘩 .. 成個人散晒咁 ! 老喇 ...
o係骨場諗住有覺好瞓啦 ~ 點知出面又係咁燒炮扙 .. 勉勉強強瞓到兩三個鐘
佢地幾個仲諗唔到添 ~ 咁我都算好彩喇 ...
後尾成班上左阿羊屋企坐 , 順便拜年收下利是先

食完野去左篤波 , 起初都有諗過行街既 ~ 不過見咁靜都係冇行到
個個都攰喇 ~ 早ｄ返黎瞓覺好過 ..