呢大半個月裡面 , 除左返工 , 我都將自己收埋左o係屋企
我知我既事已經全世界都知了 ... ( 多得幾個八卦之人同我宣揚 =.=)
間唔中都有人打黎叫我出去 , 我知你地有心 , 想同我去散下心
我都有諗過出去行下 , 但唔知點解我有種默默等代既感覺 ..
等咩 ? 我都唔知 .. 只係怕一行開就會錯過 ..

我仲以為我冇事添 , 不過 ... 連唔敢講o個句都講埋出黎 ...
好驚好驚好驚 ... 講左出黎就唔洗咁辛苦喇 ~
係呀 , 其實係因為我好想再見到你呀 !!

已經過左一個星期 .. 我仍然係對身邊既人同事不感興趣
不過我都好感激一直支持我安慰我既朋友們 ..
要你地為我擔心 , 我真係唔好意思喇 ..

我仍然在等 .. 等你一個電話 , 難道你又忘了嗎 ?? ...

bb , 好多謝你曾經帶俾我開心 .. 雖然時間係好短暫 ..
但始終同你一齊o個種愛既感覺 , 真係唔能夠用時間去衡量 ...
自從上次無意中見到你日記 , 知道你既心決定離開既時候 .. 其實我早有心理準備了 ..
我唔想你唔開心 , 唔想你夾o係中間咁辛苦 .. 所以我讓你走了 ...
有人知道我同你既故事 , 都說你既不是 ... 自己聽落個心非常唔舒服 ..
因為講到底 , 為了你 .. 我心甘命抵 ! 我知道自己其實仍然愛著你 ..
只可惜我地既相識實在唔岩時候啦 .. 不過 .. 只要你開心我就覺得足夠喇 ..

雖然而家我地已經分開左 .. 我都希望可以同你keep contact ..
可能你覺得冇咁既必要 , 又或者你唔想我影響到你啦 ..
不過只要你仲需要我 .. 我仍然會隨時隨地出現 .....

我同bb 始終都係完左 ... 佢揀既始終都唔係我 ..
假若佢琴晚冇打黎既話 , 我諗我仲可以強裝灑脫 ...
當佢講出佢既真心話o個陣 , 我先發覺原來我做幾多野 , 講幾多說話都係徒然 ..
我同自己講叫自己唔喊 .. 但係ｄ眼淚都係流左出黎 ...
同佢o係呢將近兩個鐘傾電話時間 , 由開始既執著 .. 到後來既讓愛 ...
我都覺得好難過 ... 亦係我地咁耐以黎傾得最耐既一次 ...
佢叫我鬧佢o個陣 , 或者佢想我鬧佢佢個心會好受ｄ啦 ..
不過我根本一句都鬧唔出口 ... 我唔想到最後都要傷害你 ..
可能因為咁令你更加內疚 , 所以你喊左出黎 ..
算啦 ... 結果都出左黎 ... 我唔想小氣到咁呀 ~
就由得我一個去承受啦 ...

不過無論係點都好 , 我都會等你 ..

今朝一早打俾bb 諗住叫佢起身 .. 點知佢電話已經cut 左 ..
轉左號碼都唔俾我 ... 唯有等佢打返黎啦 ...
等下一個鐘 .. 等下又一個鐘 ... 等到我開始有好多問題浮晒出黎喇 ...
點解你轉電話都唔打返俾我 .. 係你太忙還是你已經打算唔要我 ??
我好唔開心呀 .. 好想見到你 .. 好想聽下你把聲 ...
唔好對我咁殘忍啦 .. T.T