自从入咗西华，成个人都开心咗好多。虽然都有过唔开心嘅时候，不过都好似过去了...

      上星期四开始，我就过咗联合证券做驻点。日日都有行长请食嘢，又同坚少一个主管一个经办，他他调调咁。虽然做第三方存管都有好辛苦嘅时候，就係不停俾人问呢样问嗰样，又或者话你做得慢，催你快啲之类。不过已经习惯了，而且仲可以继续呢种工作方式多2个星期，兴奋...

      跟股市收市，我同坚少又要行4分钟路程返西华。之后，我通常会返去继续帮手入下账，虽然好忙，不过莫名咁开心。呢2个星期，日日都笑到傻咗咁。呢种真正发自内心嘅开心，以前喺东风西一直被压抑，而家想笑就笑，想讲就讲... 

      最特别係最中意某人成日叫我两蚊，哈哈∼俾佢笑我唔值钱居然会开心。

      原来放低晒啲心结，世界会跟住变得美好....

------------------------------------------------

等于结束的爱情

我和你

从两个窗口看出去

往事远远地

演着一场无声的电影

没人注意

躲着回忆的身体

带领我 和你的名字向前进

作废的曾经

留在离开你的那天 挥不去

因为太了解 所以很伤心

没有你

只好听着风的呼吸

却有种叫做时间的东西

说没问题

最后我们会痊愈

因为太了解 我无法坚定

这一次会要掉眼泪的决定

有些遗憾 只能一个听

很对不起

我还是珍惜

------------------------------------------------

      好懒，好耐都冇上嚟写过嘢。不过见到每日都有人入下嚟，好安慰...多谢嗰啲始终都关心我嘅人。

      呢个星期又係忙碌的。忙到究竟每日係点样过嘅，已经唔清楚。同好多人讲过要做咩，去边...结果唔记得嘅唔记得，唔想去嘅一律推晒。连少有嘅欣欣杯叫我落新冶都推埋...唔係唔俾面呀，真係唔好误会我。

      呢个星期终于出咗粮，好开心。份人工不失不过，不过仲未够养我...哈哈哈。我仲谂到要点样奖励自己，只係好种唔想使钱嘅感觉，原来用自己辛苦赚返嚟嘅钱係咁肉赤。难为养咗我咁耐嘅爸爸同妈妈...

      今日听到姊姊过咗6级嘅消息，好戥佢开心。因为佢嘅努力，终于有咗成果。

      呢排谂咗好多好多好多....因为太多嘢谂，所以觉得自己讲少咗好多嘢，同时都唔係太想讲。谂到嘅嘢太虚无缥缈、天马行空同埋不切实际，我唔知自己点解要谂呢啲嘢，一向坚信"船到桥头自然直"嘅我，开始动摇。

      到底自己最想要嘅係乜?边个又可以帮我实现?我净係想返返去我幼稚、单纯嘅时候...食粒朱古力都觉得满足嘅日子。

      忽然...好挂住一个人。

      星期五晚发咗个梦，梦见自己见到一只好得意嘅流浪狗，然后带咗佢返屋企。难得嘅係连屋企人都好中意佢...

      唔知点解，好似觉得个梦有咩预示咁，但又讲唔出咩所以然。瞓醒之后，阿妈撩我去街，于是答应咗。因为好耐冇同阿妈出过街了...去咗天河城，去咗大禾食寿司，去咗吉之岛买嘢食，之后返屋企...太耐冇同阿妈好好咁倾下计，今日终于讲咗好多，同时感觉到阿妈对我嘅期望有几高。佢好满意我而家份工...我惟有顺住佢老人家，要做得更好∼

      两日嘅假期，一般我都唔中意排满，甚至净係想深归唔出门。可能平时已经觉得太少时间喺屋企...寻日除咗同阿妈出去买咗好多嘢食，晚黑冇食饭，净係食咗阿妈整嘅沙律，同埋晚黑同斌少倾电话时食咗条芝士条...

      今日都冇做过啲乜，讲咗好多次话要去睇电影，不过仍然冇实行。因为太忙，得闲嘅时候又太懒....想down啲嘢睇，但又冇我想要的。

      都唔知係咪年纪大，成日冇拉拉就睇啲写实得嚟又几夸张嘅韩片，我一向都好捧韩片场...哈哈哈。今日睇嘅係<外遇的好日子>，讲2个女人因为婚姻生活嘅枯燥，分别同喺网上识嘅2个男人搞外遇嘅经历。一个外遇对象係靓仔有钱呃女人嘅工薪族，一个係先21岁读大学嘅纯情学生。过程都几搞笑，但每次睇完韩片心情都好沉重，因为佢都揭发出男人同女人、社会同人类嘅丑陋。

      静静的...

      个脑好似停咗咁，醒起阿yan话睇完我篇"意外"，话我大个女...哈哈哈。我反而觉得自己老了，如果我仲未接触到呢个社会，或者我仲会奋不顾身去错第3次；如果我冇咁爱自己嘅话，或者我会再去追求所谓嘅爱情；如果我唔係知道得太多，我可能仍然愿意上多次当...        

      一错再错，我都烦死了。

      为自己嘅可悲作咗句格言，"以每天犯差错为前提，每天叫客户返嚟签名为目的，以冇发生重大差错为基础"...对自己都冇言了。又俾咗个理由自己，就係黑框成日色诱我∼哈哈哈哈...因为佢成日喺人哋食饭嘅时候入嚟瞓觉，今日仲要趴喺我隔离。抵死!!好好奇咁闻咗下佢头发嘅味道，乜味都闻唔到。我一边听歌食饭，佢一边趴住瞓觉，good∼哈哈...

      今日唔係签名出错，而係手续费出错。仲发生令自己"鱼"爆嘅嘢...烦呀烦呀烦呀∼结果仲要去个客嘅屋企攞返张回单，好在好近。先发现原来西华都几多嘢行下，得闲要抽时间行下。哈哈...

      虽然唔多开心，但又有种莫名嘅兴奋...郁闷。