今日上午唔使返，所以舒舒服服瞓到10点先起身。食完亚妈煮嘅中午饭，准备出去嘅时候Grass就俾电话嚟，仲耍我话公司打嚟，真係争啲俾佢嚇亲。不过佢係捞仔手机打俾我嘅，话顺便交换手机num等我哋交流喎...- -。原来嗰日打边炉捞仔係见到我的，居然话我发福?! 丰满咗少少之嘛，人哋高咗添呀!! 哈哈哈，Grass讲嘅。

      出到车站，都唔明架!! 早上八点钟又咁多人搭车，下午点几钟依然咁多人搭。唉，唔想逼车吖!! 企到脚仔软嘅期间有段小插曲，我见到高中嘅级婆(级长)，真係好耐冇见。企咗一程车终于返到公司，继续培训。今日讲咗零售业务同产品介绍呀，原来分储蓄、理财、外汇同银行卡四大部分。足足坐咗两个半钟，5点先走得人，个讲师闷到呕呀，就照住个power point读，我都识啦!!

      好简单咁就过咗1日，不过上课嘅内容原来同以前学嘅会计学原理、商业银行、金融市场学同国际结算都有关系，好后悔嗰时冇认真听课，仲要成日逃课，为咗啲无聊人同无聊事!! 以后真係要认认真真啦。 

     返工眞係唔簡單..

      其實篇日記應該昨天寫的，可以因為時間太趕啦。昨天早上7點就起身孒，摸下摸下摸到10個字先岀門口。去到車站先知原來禁摩好大影響架!!個車站企滿曬人，逼車逼到好似運豬仔咁...   等咗10分鍾蔠於俾我等到，卻完全逼唔上去，又等多咗15分鍾先再等到第二部，不過都係冇位坐，企咗我全程。

      好在冇遲到，不過上到去啲人都到咗七七八八... 過咗陣，有個叫張生嘅點咗下名就開始介紹個講師，上課孒....戇居居坐咗個半鍾，個講師先話休息。   不過意外咁發現，居然有金融1班嘅同學喎!!! 好開心，然後就行咗過去吹水孒。快楽的時間過得特別快，15分鍾吹水時間過去，又坐喺度繼續聽無聊嘅課，期間凍到震呀，

      蔠於捱到落課，去咗15樓個餐廳lunch，環境免談。勉強食飽咗自己，就決定同個同學仔去行下街，因為下午2點半要繼續上課。實習嘅地點位於長堤，前靣係babyface，対靣馬路有間feelnet，再落啲就係426... 一個滴汗嘅位置，因為係中午，一路都好冷清。行下傾下又到返去實習孒。

      下午嘅課程比較有興趣，因為係假鈔識別，我哋識別咗外幣，有美金、歐元同港紙，攞住啲銀紙又摸又望，啲時間眨下眼就過。其實實習都幾好玩，幾充實嘅。係返工放工辛苦啲，人逼人，好痛苦。

      今日返咗培商攷埋最後一科西方經濟學，捱咗一個寒冷嘅夜晚，嘥咗26蚊，為咗攷試嗰一個鍾。不過係呢個學期嘅最後一日，臨走嘅時候都特別望多兩眼，因為太多回憶孒!! 下午同聽日上午都唔使實習，偸得餘生半日閑，緊係他調下，睇埋岀《雪之女王》先啦。佢係我呢期追緊嘅韓劇，玄斌喺入靣好型仔!!! 試諗下原來男人著長摟襯牛仔褲加cons可以咁型，原來男人打拳嘅時候可以咁型，原來男人留須一啲都唔猥瑣。哈哈哈哈∼∼∼

      近排生活好簡單，亦都充實咗好多，anyway... 過去的總會過去，要來的也擋不住。