今日係呢期实习嘅最后一日，听日就要考试喇。

      今日搭车就好不幸，遇着两个晕车嘅女人，呕到成车都係.. 真係顶佢唔顺咯，捱咗好耐先可以落车。返到去，已经迟到咗十几分钟，点知好多人都未到，结果班长返都唔返添。今日仍然好认真练点钞，好似开始有少少成绩啦，不过仲未达标，都要继续努力喇。

      今日冇咩讲，想快啲冲凉洗头然后背交易码。不过post一篇喺网上睇到嘅一段散文，觉得几有感觉。

水對魚說:如果沒有魚.那水里還會剩下什么?
魚說:如果没有妳.那又怎么會有莪?
莪不是魚.妳也不是水.没有妳的爱.莪依然會好好的活.
可是.好好的活並不代錶莪可以把妳忘記.

魚對水說:一輩子不能絀去看看外麵的世界.是莪最大的遺憾
水說:一輩子不能打消妳的這個唸頭.是莪最大的失敗
莪不是魚.妳也不是水.現在的莪只想要一個一輩子的承诺
可是.妳负担得起嗎?

魚對水說:在妳的一生中.莪是第幾條魚?
水說:妳不是在水中的第一條魚.可却是莪心中的第一條.
莪不是魚.妳也不是水.莪們都不是彼此生命中的第一個.
可是.知道嗎?妳是第一個莪想要嫁的人.

       今日返工好痛苦，因为寻晚就开始有少少作感冒，于是俾亚妈嘅劝喻下pa咗两粒感冒药。今朝一起身就知来嘢啦，头晕晕咁，全身冇力。但係顶住个病依然撑到返银行。好在部车好快就有位坐。

       返到去冇晒精神，于是趴咗喺台面瞓咗好耐。接近中午，个肚就饿了，开始药力散咗，个人精神返少少。中午又係落咗去M记楼下间鱼旦粉度食，食得特别多。到咗下午，个个都好认真喺度点钞，仲进行咗几个人一组嘅比赛，10分钟之内数银纸。我数到13叠，话多唔多话少唔少咯。最多嘅居然数咗21叠... 成个下午好精神，除咗包咗几粒"云吞"之外。

       到咗放工时间，今晚约咗斌少行北京路。于是放工就直接过北京路汇合。结果狂等斌少大半个钟，真係嬲到有啲想走人，不过见佢喺HK买咗嘢俾我就算啦，哈丷∼。而且后尾因为斌少买new balance对鞋，仲额外买多咗只袋仔俾我，顺便佢又办埋VIP，所以佢迟到嘅事就原谅佢啦。一见面，就冲咗去2%，买咗件加减乘除嘅冷衫，好得!! 哈丷∼。仲见到个传说中嘅"186"，佢係斌少嘅fd，而家仲一齐做嘢添。之后斌少就同我继续去行街街，"186"就同佢个契妹去食"一级棒"，各行各路喇。

       到咗五月花斌少就买咗对new balance啦，打咗折仲要成¥800呢，好贵!! 不过几好睇的，我都睇中咗对，不过考虑中...^^ 买晒想买嘅，就又去咗豌屋食饭。今晚要咗个香烧猪颈肉意粉，又係好yummy呀，诚意推荐啦!! 哈丷∼∼ 餐饭食到超级饱，之后又上返五月花行下，见到条心仪嘅粳链，折咗都要¥240，真係要谂谂。如果有人送俾我就好喇...

       饮饱食醉，要买嘅都买咗，就咁返屋企了。

       每天都过得好丰富，心灵却还是很空白。

      o⒍越接近尾聲，覺得越精綵。

       今日一早，就同姊姊去咗光孝寺還神。記得今年年頭同埋姊姊、斌少去拜嘅神，今日因為斌少去咗HK嘅原因，所以得我同姊姊去咗，不過斌少交帶落要幫佢還埋。好神心嘅我哋，一人買咗份寶同香，行咗一轉光孝寺，仲特別拜咗棵姻緣樹。

       之後就去咗行五月花，仲喺k.a.t度買咗條一直好想要嘅嗰種圍巾，好開心。之後就落咗去豌屋食飯，yummy呀!! 有食咗石窩飯，唔錯唔錯。然後行咗去北京路，姊姊買咗件2%嘅摟，幾好睇架。兩條傻婆行到吽曬呀，實在太多人啦，最後仲去埋廣百。一日嘅行程就快結束。Daddy俾電話我，話約我喺東站等，然後一齊食飯。跟住就同姊姊行返去五月花坐地鐵，眞係攰到頂點!!

       去到東站，上咗Daddy架車，就過咗天河嗰邊食飯孒。食飯過程好愉快，同Daddy好多嘢講，尤其而傢培訓嘅情況，以後嘅岀路，哈丷∼∼

       一個愉快嘅週末就咁結束，聽日雖然又要培訓，但係喜歡咗呢種忙碌、充實嘅生活。

      今日好开心，因为困扰咗我两个星期嘅心结终于解开咗，原来一直係自己大头虾，误会晒!! 真係要对俾我误会咗嘅爸爸讲声"对唔住"... 件事係点就冇谓讲喇，点都係过咗去，希望以后自己搞清楚事情嘅来龙去脉再去怪任何人啦。

      因为将件事解决咗，今日心情也很好，尽管个天很阴霾。过多几日培训就要结束，即将迎嚟嘅考试，自己都几重视，今日一边睇<转角*遇到爱>，一边喺度练点钞。好想自己可以顺利通过考试，快啲实习，做好俾对我有期望嘅人睇。

      今日听Gigi首<不理时间的人>，有几句歌词好想写低：「我努力了很久，也已经能习惯了这样的生活，又孤单又快乐，而有些人不需要联络」。生命中经过了那么一些事情，一些人，好似已经习惯了某种生活模式。喜欢看韩剧，一嚟佢好虚幻，因为佢嘅剧情都好童话，係我梦寐以求而又不可能实现的；二嚟剧中复杂人物嘅关系，至死不逾嘅感情，实在令人感动。有时觉得哭也是一种享受，眼泪流落嚟嘅感觉，觉得好凄美。现在，心还是很抽离，还在惦记着那个人，他的一切仍然很想知道，很想知道他是否过得好，是否忙碌，是否有想起我... 就快到情人节，虽然同佢未试过过乜嘢有纪念价值嘅节日，但仲係会谂下佢会点样过，会同乜人过...

       无论点都好，希望14号嗰日自己嘅考试会pass，爱情都可以pass。

       返工嘅日子天天如此，不过今日开始觉得份工有挑战，亦都有压力了。 今日准备食午饭时间，亚张生突然嚟咗，话要检查我哋呢段日子点钞嘅进度。突如其来嘅检查，真係有啲束手无策，担心得紧要。眼见好几个同事点钞得好有水准，自己却始终不怎么样。很懊恼....我会好俾心机练好佢的。

      下午好几个人都冇嚟到，可能知道亚张生唔会再嚟突击啦，搞到我都想再啲走。所以唔够5点钟我都执好嘢走人喇。去到车站见到部236冇位坐，所以冇上到车，又见到部219，心谂会有人落车有位坐，所以选择咗上车。点知，一企就企到返屋企!! 真係好憎人多嘅落班时间。

      返到屋，食完饭，谂住听日off，我即刻睇埋down咗好耐，但一直未有时间睇晒嘅<雪之女王>。知道係悲剧，所以睇到死咁喺度喊。好中意玄斌咁深情呀!! 都好中意成宥利，佢好靓呀... 自己一向都好中意睇韩剧，呢出係今年第一出睇完嘅，好中意。

      可能睇完啲哀伤嘅情节仲未还神，装糖水嘅时候居然打烂咗个煲盖...- - 结果俾亚妈闹"食嘅唔做嘢，做嘢打烂嘢"。

      俾人闹完心情唔多好，但后尾同斌少倾完电话，又开心返晒喇。^^