今日係培训之后第一日返工。好唔习惯咁早起身，唔习惯要等车逼车，唔习惯冇得同一班人上课讲笑……

      返到东风西觉得熟悉又陌生，离开咗7日，原来已经有人事调动。亚仔走咗，嚟咗个叫亚丸嘅姊姊，陌生。不过见到师傅，见到其他同事，大家都问你学咗咩嘢，好亲切。培训之后返到银行，对业务熟悉咗好多，今日师傅亦都俾我上柜台做咗好几笔交易。有实时汇划，有转账咁。一上手，又谂起培训7日重复又重复嘅呢啲交易。师傅仲赞话确实脱胎换骨咗，哈丷∼ 不好意思了。不过仲係比较谨慎了，毕竟係真枪实弹嘛!!

      培训嘅时候，所以操作都要自己一脚踢。自己填表、经办、复核，师傅仲话咁做法好似精神分裂。哈丷∼

      原本应该呢个星期开始跟师傅班休息，可惜上头通知，实习生要按正常班休息，所以以后都休星期6、日。

      今日落咗一日嘅雨蒙蒙，却没有情深深，净係觉得好冻。醒起寻日瞓晏觉发咗个梦，梦见殭师，谂起都毛管栋∼

      7日嘅中行培训之旅结束了。7日入面虽然上课好辛苦，好多嘢要学要记，仲冇乜好嘢食。不过好在住得几舒服，而且大家住埋一齐真係好颠好好玩。4个人一间房，有空调、有电视，单人床，好有度假感觉。除咗早上要8点上课，晚黑10点先落课比较痛苦外，其余时间都係开心、愉快、、刺激、招ed的...哈丷∼("招ed"係培训班嘅用词)。

      7日入面，全部柜员要学要识嘅我哋都已经掌握，好充实。而家终于明白点解要做交易码"0013"、"0090"，终于明白咩叫"出狗仔"，封包究竟要点排顺序……

      7日嘅生活，大家不离不弃，好感动。仲会谂返以前住宿嘅日子，好似学校嘅生活。差不多每个晚上，1004房同1005房都有活动，离唔开倾偈同潜乌龟，哈丷∼ (潜乌龟规则，边个输咗就要抽牌锡人)。晚晚都好夜先瞓，每朝又好早起身，不过一啲都唔觉得攰!!

      7日时间，唔想谂起唔想知道嘅事情，一切都离我很远。这样的实习，这样的培训，让人很难忘。唔知仲会唔会有下次呢??

      今日係培训嘅前一日。听日就要开始去培训7日，觉得好兴奋又好期待。

      今日我喺师傅嘅指导下做咗几笔侨汇嘅业务。坐上柜台真係好紧张，手都震震地。好惊自己做错咗，因为业务又要主管授权，要慎重认真。不过好好彩，做得好顺利，而且有啲上手了。

      又係同平时差唔多嘅时间放工，不过今日约咗斌少去食饭行街。所以直接过咗天河城。买咗啲带去培训嘅日用品之后，就去咗"绿亲脚"。始终都觉得绿茵阁气氛好好，我哋坐咗喺钢琴对住嘅位置，结果迷上了弹钢琴嘅靓仔哥哥，哈丷∼ 今晚食得好丰富，叫咗好多嘢，因为斌少成功办咗张招行嘅信用卡，屎重重要用一次咁!!

      食完嘢都已经成9点几，匆匆忙忙又去咗吉之岛买tempo。之后就各散东西，返屋企咯。

      听日就要去培训，下午1点喺长堤支行集合。好似去旅游咁，好似好好玩。呵呵...听日早上仲唔使返银行添，太好喇!! 希望有个愉快嘅培训周啦，不过要过7日先写到日记喇。

      今日係开例会嘅日子。我，6点就死咗起身啦...因为惊会迟到。

      点知早得滞，返到去净得华仔喺门口等芹姊返嚟开门。时间慢慢过去，淑仪同芳姊都陆续嚟到门口。之后就讲咗啲培训同班表嘅事宜。7点9芹姊先返到...

      可能早起，今日特别眼瞓。中午食完饭，就趴咗喺台面沉睡了。今晚其他同事要过长堤支行考兑汇计算，所以银行收得特别早。我同亚珊6点未够就走人。

      被分到网点实习已经有个几星期，同呢班陌生嘅面孔开始有了感情。虽然未係同声同气，不过一齐做嘢嘅时候培养咗啲默契出嚟。几乎每日中午都有同事请食糖水，大家都成日买嘢返嚟食，有水果、面包、饺子甚至红豆糕。不知不觉，自己好似又肥咗...肯定係喺屋企伙食太好，返到银行又太多食物引诱我所致。哈丷∼

      今日，又係一个星期嘅开始。点知晨早流流就唔知点解搭错车...原本停开嘅车站去咗第二度，结果要自己行咗一大截路先返到中行，邪爆!!

      尽管早上唔多愉快，不过完全冇影响到今日嘅工作心情。只係冇咩动力，懒洋洋，企喺后边跟师傅嘅时候，两眼放晒蚊。不过下午收到个好开心嘅消息，就係呢个星期29号开始，以前培训嘅一班人又可以聚埋一齐。接到上边嘅通知，07年临柜员工要进行为期7天嘅培训，地点喺机场路，虽然唔係好远，不过要包食包住宿。哈丷∼ 对于我哋嚟讲，就好似组织咗一次旅行咁开心。培训上课嘅时间好长，要到晚上10点半先会结束，不过真係好期待哦!!

      自从唔使返学校之后，都冇一班人住埋一齐嘅机会。呢次培训又可以同大家聚返埋一齐，好开心呀∼

      就因为呢个消息，我同亚珊兴奋咗一个下午，落班嘅时候已经讨论紧带咩去咁。哈丷∼∼∼

      孙燕姿只新碟<逆光>好得，真係hoo hoo ten呀。哈丷∼

      "我会碰好呢只东"...(我会做好呢份工)，寻日睇港台新闻见到架，哈丷∼ 另外自己加多句，我好中意呢份工呀!!