今日仍然要培训。但係真係已经觉得太攰喇，所以中午食完饭就返咗屋企了。

      坐紧车返屋企嘅时候，望住窗外，听住首<心甘命抵>，个心真係乸住乸住咁痛!!

      再会，真係只会更加心碎?? 原来係呀。一整个寒假让自己忙碌、充实，结果俾寻日注册匆匆的一面彻底打败。是自己太冇能，还是被他伤害得太深了...也不太想知道答案，让时间证明吧。

      今日发现了有趣的事情，想讲讲朋友的定义。在我的字典里，朋友广义只分为普通朋友与好朋友。但係做得朋友嘅，就唔会有时间之别。什么曾经的好朋友、现在的好朋友、还是将来的好朋友∼对我而言，做得朋友的，就是一辈子的事，如果不是朋友了，就是敌人。就咁简单∼

      结束咗学校嘅生活，虽然生活节奏变快咗，但欢乐却变得好少。笑，对现在的我而言，好可贵。学校的笑，让我会怀念一个好朋友，同佢一齐，一切好笑的都会发生。联络少唔代表疏离，毕竟那份友情是确确切切地存在∼

      生命里再值得我珍惜的除了亲情外，就是友情了。珍惜吧∼

      今日要回校注册。其实早就知有不祥嘅预感，点知中晒!!

      约咗亚yan，10点半喺广源客运站等。波折咗一轮终于上到车，结果又等到11点先开车。返到去，谂住去注册先，点知又话2点先开始...然后我哋又行返出学校，去咗沙县食咗个云吞面咁大把。见够钟，再入返学校，路途实在遥远。我哋两个好唔容易去到行政楼，又见到一轮人群。隙咗好耐位先行到埋去签个名，交体检表。呢个时候又要见到我超唔想见到但又想见到嘅人，不过我一直冇转身去望佢。因为唔见得会有好事发生。喺办公室度，尴尴尬尬咁，好在Grass嚟咗。屎重重咁打咗轮牙教，等某人走咗，我哋问完辅导员关于GPA值嘅嘢，就踏上归途。点知等车又嘥咗啲时间。

      后尾亚妈俾电话我，话今晚元宵唔煮饭出去食。点知又受咗下啲老人家嘅气，餐饭好唔愉快。返到屋企，发现门口把锁坏咗，7点几等到差唔多9点先入到屋企!!

      你话今日唔係运滞仲係乜喎?!

      唔想再讲，讲落去，只会觉得自己黑到冇底线...

      返咗两日工，真係忙到亚妈姓乜都唔记得呀!! 莫讲话写下日记咁啦。

      星期四晚同亚妈又闹咗场交咁，已经好"孟憎"。寻日要去体检，去到中山二院先记得冇带相去，仲俾只八婆中年护士串!! 顶...行咩衰运啫?! 之后又去到广医二院先体到个检咁。然后又係因为冇带相，逼住我今日先可以攞到份结果。基本上过咗去嘅都算啦。原本今日要返学，又谂住斌少今日休息，趁住仲有听日一日再返学都未迟，咪打算去行个街咁咯。点知人哋又唔领情，话好多日冇喺屋企食饭，要做返个孝顺仔喎。

      屌∼而家乜事啫，个个都好似同你作对咁。下午又要频频扑扑过去长堤攞份体检报告。好攰呀!! 你哋就唔可以就下我嘅咩...算啦，完全可以明白"我过去那死党早晚共对，各也扎职以后没法畅聚"呀。

      变了变了，什么也改变了。自己也只好跟着改变，不然受伤的永远只有自己。

      今日，係2月嘅最后一日，都係假期嘅最后一日。听日又要开始返银行培训啦∼

      今日又行咗一日嘅街，虽然冇买到嘢，不过明白到自己心态唔再好似妹妹仔咁，以前睇啱嘅嘢都好弱智、唔等使。但係而家行街，睇啱嘅都比较成熟，仲会谂下适唔适合返工。变化从不知不觉间发生...

      今日陪姊姊去返我买袋嗰度买我只袋，因为佢都好中意，不过等到今日先有货。一日好平淡嘅行街街，不过姊姊就讲咗好多嗰日佢同梁生发生嘅事。佢真係自拨唔到架喇，呢世都会俾呢个男人食住∼

      今晚开始收拾心情，准备听日又忙碌嘅生活。加油∼ 相册有更新。

      寻晚失眠了。12点就关灯上床瞓觉，点知喺床度"典"咗好耐都瞓唔着，啰啰挛咁。

      个脑好似停唔落嚟咁，谂咗好多嘢。虽然而家已经唔记得七七八八，最有印象嘅就係居然好挂住培商，想起宿舍张床、我间房、阳台，好挂住A302...好挂住A栋楼下嘅糖水铺，Grass间铺头，学校入面嘅篮球场、图书馆、教学楼，以前住过嘅新区宿舍，培商嘅饭堂... 下学期开始唔使再返去，喺培商嘅日子就快划上句号。然而，对培商又或者係某些人嚟讲，选择"相见不如怀念"係最适合不过。失眠嘅感觉真係好差，试过数绵羊都唔得。之后自己不停喺度祈祷，如果时光可以倒退，我希望去返到培商第一日报到嗰日，又或者俾我重新过多次呢两年半嘅大学生活，可能会有唔同嘅发现同经历...乜嘢"如果"、"或者"、"可能"，以后都唔会再发生!!

      越谂就越瞓唔着，决定唔瞓啦。所以出咗厅睇电视。时间好似係01:53，我唔知仲可以有咩睇，净係死咁转台。突然!! 手机响喎居然。听到电话响我就係好惊，脑入面第一个反应係"唔通係佢"?? 不过好快就俾咗个答案我係唔係架，但係仍然有啲嚇亲。因为係莎姊条仔佛山仔揾我喎...真係成头问号呀。一接电话，又冇拉拉问人一个滴汗嘅问题:如果你条仔盲咗，你会点?? 听完咁嘅问题，原本就失眠嘅我仲精神。不过我答佢唔知。跟住佢又问咁如果係你盲呢?? 第一反应，紧係选择分手啦。我咁理智嘅人边会想连累人哋喎。答完之后好快就俾佛山仔cup咗我电话。

      之后越谂越唔妥，咪发个轮俾莎姊问究竟咩事咯。原来两口子闹别扭..- -。听到莎姊沮丧嘅语气，知道自己俾错咗答案佛山仔，又要发返sms补锅。搞咗一轮，同莎姊倾到3点先收线。

      仍然冇乜睡意嘅我，转咗去mtv台听下歌，点知听埋晒咩<过敏>、<原来爱情这么伤>...唉，唔知搞乜鬼，自己睇住个mv就喊咗喇。真係唔想喊架，不过又忍唔住喎...喊咗一轮，先舍得返上床，可能自己都喊到攰..

         就咁冇拉拉捱咗晚夜，好离奇...