|
时间係12:14，踏入咗农历新年喇。感觉冇咩特别，唔会兴奋，但都唔会消沉...
只是啱先睇完出韩剧，觉得有啲体会。身边嘅人都觉得韩剧剧情慢，好闷。但我却觉得韩剧其实好写实，亦有启发。
睇嘅韩剧叫<sex-日记>，讲嘅係一个女人嘅四段感情。其实基本上同sex冇关，只係略略带过下。个女人嘅第四个男人同佢分手，原因係唔中意个女嘅将爱成日挂喺嘴边，要个男嘅表达究竟有几爱佢。最后个男嘅要求，叫个女嘅问下佢以前啲男朋友究竟有几爱佢，作比较。虽然个开头觉得好冇稽，但就带出咗一啲问题。个女开始攞返以前嘅日记睇，逐个回忆以前啲男朋友。
佢嘅第一个男朋友係佢高中帮佢补习嘅大哥哥，一次因为补习，夏天个女嘅着少啲，个哥哥仔受唔住诱惑而同个女嘅发生咗关系。之后个女嘅就认为咁係爱，视个男嘅係初恋。但係冇几耐，个男就出咗国读书，仲做咗神父。
佢嘅第二段感情发生喺大学，係个学长主动追求嘅。一齐咗之后，好快就发生咗关系。个女嘅成日去个学长屋企，帮佢做作业，用自己钱帮个学长买日用品，使费好大。但係个女嘅仍然甘愿付出，仲打算同佢结婚。结果个男嘅粒声唔出就走咗去同个有钱女结咗婚。
第三个男朋友係个小男生。一个中意画漫画，中意出去蒲嘅"kuai"仔。(好似係我自己中意嘅类型，嘻嘻) 个女好似姊姊咁好锡个男嘅，乜都帮佢做。久而久之，个男开始厌倦俾人管住嘅感觉，又开始出去蒲，玩女人。最后个女嘅自己顶唔顺提出分手。
总结三段感情，我觉得个女嘅都付出咗好多。然后个女决定揾佢哋问清楚。结果，每个男嘅答案都好过分。什么肉欲，身体之类嘅答案，连我都觉得好过分。个女好伤心，决定将以前用喺呢班男人身上嘅钱计清楚，攞返嚟。于是个女进行咗啲好无聊嘅恶作剧，最后三个男嘅都投降愿意俾钱。过程虽然好冇稽，不过几搞笑。
但当个女嘅攞到钱之后，却发现原来一切都係冇可能改变了。呢啲係佢同每一个男嘅回忆，钱唔可能买到或洗去的。于是佢又将啲钱还返晒俾每个男。故事嘅结尾，係会见到其实呢三个男嘅为咗追呢个女同样做过付出，只是係女唔知道罢了。
这才发现，其实每段感情只要有用过心，不可能没有不付出的一方，只是哪方付出的多还是少而已。然而感情已经发生咗，又或者已经发生过，又何必再计较是谁负了谁呢。只有回忆是两人曾经都有付出的证据，它只可能随时间的冲洗而变淡，却不能清楚地抹去。就像疤痕一样，看到了就记得受过伤的事实。既然不能忘记，不如把它珍惜吧.... | 
然后返房睇<花样少年少女>，吴尊真係帅呆了!! 好中意佢呀真係!!! 睇完一轮，觉得好似好返啲，见亚妈又出咗去，咪自己攞起条布开始执房咯。自己间房我都冇晒记忆几时搞过卫生啦。污糟到自己都嚇亲....丢咗好多嘢，亦揾返好多有纪念价值嘅嘢。执咗好耐，间房干净晒，自己都觉得舒服咗好多。
分两批人考，我係第二批。讲明弱项，成绩当然唔理想，10分钟先数咗13叠，而且得10叠係数啱嘅，有少少唔开心。之后就考计算器，因为接近午饭时间，所以张生决定第二批人下午再继续。