基于天气太差，所以呢排都冇出街行街嘅打算。亚妈今日一日都唔会喺屋企，所以买定咗西兰花同鱼俾我，食自己。一到11点几我就煮落饭，然后开始切西兰花，从冰箱攞条鱼出嚟解冻。发觉自己好有煮嘢食嘅天份，哈丷∼ 错，其实係一种本能先啱，因为好肚饿。 好在前一晚亚妈就教定我点煮点整，所以餐中午饭整起嚟好顺利，一个满意嘅"冷词"就食完了。

      之后继续好满意咁喺度睇综艺节目，娱乐百分百都好好睇，小G真係好爆笑!! 见好冻，所以打着咗个热水炉准备冲凉。4点钟啱冲完凉出嚟，就接到莎姊嘅电话急召我过红点。见有节目紧係去啦，我已经9秒9嘅速度搞掂好晒就出门啦。结果去到已经5点半啦，冇打算唱咩歌架，就饮下嘢倾下计咯。不过都俾我唱到首<爱才>同<我们相爱6年>， 啲歌确实新呀!!

      临走小鱼姊提议去打麻雀，听到都手痕啦。我哋谂咗下，又9秒9咁过咗文明路嗰边，食完个味然香就上咗间"泉林庄"开房打麻雀。特别提下我盘"杠爆"先，哈丷∼ 虽然最后唔算赢好多，不过最紧要好玩。

      最后就去咗百花饮糖水，结束咗个好匆忙嘅行程。

      好开心同莎姊分享下培训嘅过程，其实培训真係好开心。听日又约咗培训班人去唱K啦，真的发觉，"不可没友"呀。

      "没有友伴星光，内心总怯心慌"....

      近两日天气都好差，又湿又冻，真係请都唔想出街。

      所以今日冇出街，亦都冇上网，只係睇咗一日嘅电视。但唔知睇咗啲咩出嚟，净係记得不断转台。

      呢排中意听外语歌，中意佢哋嘅节奏，轻快的，听完个人都比较积极。

      今日冇咩好写，只係希望个天快啲好返，唔中意湿湿嘅感觉。阴霾的天，让我突然想起"天灰"呢首歌，好喜欢其中的某句歌词。

      如果你从没出现，我会不会觉得快乐一些?? 想念变成怀念，心动变成心碎；偏偏还会关切，你最后属于谁。

      今日培训好齐人。我迟到咗少少，返到去除咗班长之外，全部人都已经到齐。

      为咗迎接今日嘅考试，我哋呢班人已经苦练咗三个星期。亚张生话上午唔得闲，下午先开始考试。于是大家都争取时间加紧练习...到咗下午两点正，张生推住部点钞机入嚟，大家都变得好紧张。因为时间关系，所以要求点钞同计算器考试一齐进行。结果，因为少咗份计算器试题，真係刚刚遇着个咁啱，张生叫我等阵先考喎。当全班好紧张考紧试嘅时候，我净係好姿柔咁隔离坐住。点钞十分钟好快就过去，又俾亚张生又点咗我去帮大家验钞。呢个时候，个个都要卖人情，真係难做。不过大家都好叻，基本上都过晒关。后尾到我点嘅时候，情况多多，我仲要唔够钞点，拿拿声问张生攞，拖咗我少少时间，如果唔係我点止得18把咁少。哈丷∼ 点咗咁耐钞最叻呢次啦!!

      计算器都好顺利，就係OFP系统有少少差错，于是我抱住"搏一搏变摩托"嘅态度，用好快嘅速度做多咗次个系统。但始终都係错咗一题呀!! 走嘅时候睇下时间已经5点几。

      张生嘅安排係，下星期唔使再返去培训啦，不过要等通知，因为我哋嘅培训将会换地点。佢话新培训地点更专业，更适合我哋迟啲实习嘅操作。有悲有喜，悲嘅係，我还是要继续培训呀∼ 冇了期。喜嘅係，仲可以继续同呢班人一齐培训，好开心。

      其实今日觉得好似踩咗屎咁，乜都俾啲意外我。不过而家乜都算过晒啦，下星期就可以抖抖，要消遣消遣∼

      搭车嘅时候，胡思乱想咗一番。返到屋企俾电话斌少，居然冇接，不是生气了吧???

      今日十点半先返到去培训。

      不过讲起去培训搭236嘅一程车就扯火，shit !! 死捞头多到冚车都係，真係想妈妈差差佢哋呀!! 1袋2袋啲大包袱，塞住晒啲位，仲要个个都搭去总站，冇个落车，企到我脚仔都震。唉∼ 我拜佢求佢，唔该啲番邦捞头快啲离开GZ啦。点解我哋就唔可以好似HK咁，整个通行证，中意咪嚟玩几日咯，话唔定都同样促进GZ经济增长嘅。 真係好憎搭236呀!!

      今日好少人返去培训呀，有啲上午返咗，有啲就下午先返。中午就去咗中行个饭堂度食饭，饮咗个几好饮嘅木瓜汤。到咗下午，谂住早啲走会下斌少啦。点知应承咗人早啲出门口，又喺度姿姿整正，搞到4点几先去到洛溪，顶!! 唔好以为呢个世界会等人先得架...同个师兄仲有云姊佢哋玩咗轮锄大D，5点就散band啦。呢个时候先同我讲去到五羊喎，算啦，係咁!! 我听日仲要考试呀。之后就推咗斌少啦，反正冇时间观念嘅係佢!!

      临走前，亚张生先突然通知听日要考试啦。睇怕呢次可能玩真，真係几惊，虽然而家自己数钱已经大有进步，哈丷∼ 过埋呢个星期嘅培训，希望可以落网点真正实习啦。

      寻日终于睇晒出<转角遇到爱>，都几好睇嘅，大S真係好有气质，睇好佢同仔仔。

      戏入面又发现一句经典独白:记忆是一件奇怪的事，有时侯，越是想忘记，越是清晰；有时侯，你努力的要想起，却发现，像是空白的画纸，怎么样也找不出形状。

       今日当然继续培训啦。但其实随着培训接近尾声，真係唔多舍得。

       2个几3个星期以嚟，持续嘅培训，大家都觉得好疲倦。呢个星期开始，缺席嘅缺席，迟到嘅迟到，早退嘅早退，情况越嚟越多。但其实大家都知道培训好快就结束，亲密了不少。同第1个星期相比，大家都变成亲密的朋友了。同我同名嘅绮雯，每日都同佢孖公仔咁，毕竟也是培商嘅同班同学，所以特别多话题；仲有两个培商嘅师兄；公认靓女嘅班长；好活跃嘅亚wing；大我一年超级成熟嘅云姊；成日痴住云姊好搞笑嘅肖穗明；靓女亚珊；傻傻哋嘅亚瑾；一群话题成日都关于两性嘅婆仔，有亚lee、亚雯、亚鱼、亚薇、……真係好想将所有人都摆晒出嚟，记住佢哋!!

       呢个寒假，因为认识咗呢班人，觉得培训嘅时间过得好快，好好玩。

       只要培训结束，我哋呢班人就会各散东西，被分到不同嘅网点实习。

       希望呢个星期嘅考试大家都顺利通过，然后都被录用，到中国银行嘅网点实习∼

       今日冻咗好多，仿佛在告诉我，有些事情也是时候冷却了。