Ａ.1o⒚ - QOOZA 網上日誌

★、塔羅迷．

今日一早就同亚妈闹交，嬲嬲地咪同咗莎姊出去咯。跟住就去咗恒宝玩塔罗牌!! 真係好紧张架，第一次玩，乜都唔识，傻傻下咁问咗三个问题：⒈银行份工有咩前景⒉我同佢仲有冇可能⒊有冇新恋情会出现.就係呢三个问题，搞到我而家仲耿耿于怀。个塔罗牌俾我嘅答案係：⑴银行份好有进步空间，可以卖下口乖，尤其对上司，不过切忌锋芒太露，行事要低调.⑵我同佢係冇可能，一嚟我哋之间有第三者，二嚟我同佢价值观唔同，好难沟通，二人外界一直看好，但其实係存在问题的，我同佢对呢段感情都有付出，不过大家都睇唔见对方嘅付出，分手后大家都有怀念对方，最近可能会有联络，但止于朋友关系.⑶最近有新恋情，对方认为你係个好女仔，不过对方唔係我中意嘅类型，只係解闷嘅感情对象。

听完佢嘅解释，有悲有喜，希望好嘅灵就丑嘅唔灵啦。因为对于佢，我坚信自己仍然未放低。如果个新对象仲要唔係我中意嘅类型，咁我会觉得好无奈架!!

玩完塔罗牌就同莎姊、小鱼仲有姜*莎、陈*云去咗红菲饮嘢打pair。其实成班都係莎姊啲死党，自己有啲闷，但好过藕喺屋企无聊嘅。但係太夜先走啦，搞到冇车返屋企，要打的。好肉赤呀!!

前两日都冇写日记，因为每日嘅培训生活开始有啲乏味，日日如是，天天如此。不过可以解决颓废嘅寒假生活，值得。好耐未试过咁夜瞓啦，早抖

發表時間：2007-02-04 12:34 AM [ 訪客留言(0) ] [ 編輯日誌 ] [ 分享至FACEBOOK ]

實習:第六天

今日同往常一样返工，不过做咗件好事，就係让咗个位俾个亚婆坐，哈哈哈... 其实自己都好挣扎，因为自己都係个懒人，要我企喺度确实好痛苦，不过见到亚婆冇位企之余，仲要冇一个肯让个位出嚟，于是自己睇唔过眼就让咗个位出嚟喇。而且寻晚睇星座运程话今日要对长者好啲架，哈哈，迷信d' !!

今日早上要听课，闷死人啦!! 仲闷过刘玉玲讲课呀，个个都放晒蚊&玩game，所以我都冇晒心机。开头就好认真喺度背交易码嘅，但后尾确实眼瞓到不行，咁就玩咗半堂扫雷喇...嘻嘻!!

中午去咗中银个饭堂食饭，虽然唔係咩靓装修，都冇话好好餸，不过又有苹果，又有椰子煲鸡汤饮，所以都算係满足嘅一餐。而且发现自己正在逐日暴肥状态中，点算好呀?! 我唔要做肥妹仔!! 打后嘅日子真係要节制下食欲先得啦，唔可以继续肥落去架，尤其只脚。

下午因为培训个室有活动，所以4点就放人走得，谂住可以早啲返屋企睇<转角遇到爱>架，点知有啲塞车，返到屋企都唔早得好多。扫兴咧...

另外特别提下，今日31号係梁生嘅生日呀，我仲好记得数年前佢生日发生嘅事，呢世都难忘架!! 虽然你而家喺HK，帮唔到你庆祝，不过喺度都讲声happy birthday。希望你喺HK顺顺利利啦!!

發表時間：2007-01-31 09:05 PM [ 訪客留言(0) ] [ 編輯日誌 ] [ 分享至FACEBOOK ]

實習:第五天

今日嘅实习冇讲师，就得我哋自己喺度练习点钞、计算器同OFP系统，乏味得嚟又有啲充实，哈哈...

因为唔用计算器都唔知原来自己打得好快，搞到隔离左右都哗哗声咁，搞到自己都唔意思，

今日感觉特别好，可能寻晚又瞓得好嘅原因啦。不过寻晚听到个好不幸嘅消息，就係许玮伦(台湾艺人)因为车祸过咗生，突然觉得人生唔化都唔得。得28岁嘅佢，咁就俾场无情嘅车祸夺取生命。生命好脆弱，好渺小，忽然有种要更加珍惜生命嘅动力。人生成日都俾人们搞到好复杂，其实一场简单嘅车祸就已经失去生命了。做人何必执着吖!!

其实简单就可以好快乐，今日返工放工搭车都有位坐，好开心!! 放工返到屋企亚妈准备煮饭俾我食，好幸福!!

希望每天都可以咁简单，可以咁易满足。

發表時間：2007-01-30 08:13 PM [ 訪客留言(0) ] [ 編輯日誌 ] [ 分享至FACEBOOK ]

實習:第四天

痛苦 !! 早上真係争啲起唔到身呀.. 天气又冻喎，难捱程度极点呀 !! 上到车又係人逼人，讨厌 !!

如果唔係真係对份工有兴趣，我会放弃咯。

今日终于学技能培训，有点钞、计算器使用同OFP系统使用，真係好有挑战性。教我哋嘅係两个一级能手嘅银行职员，一个教点钞，一个教计算器，两个都已经係偶像咁滞。因为真係好劲，好有实力呀 !! 不过今日真係几攰，因为全部都要不停练习，只手真係抽筋架。仲要记住啲交易码，虽然时间感觉过得比前几日都快，但係都係最辛苦嘅一日。

中午食完饭，上返16楼，我已经眼皮都抹唔开，趴咗喺台面就瞓咗个中午了...

放工时候，又人山人海，等咗好几部车都上唔到。点解可以咁多人架 ?! 结果等到5点9，终于上到部有位坐嘅车，舒舒服服坐低咗。有段插曲，红绿灯期间，居然停喺我位置隔离部的士度，坐嘅係nega同佢个妹亚sa，真係比较巧合架..

听日又要早起啦，补眠啦 !!

發表時間：2007-01-29 09:26 PM [ 訪客留言(0) ] [ 編輯日誌 ] [ 分享至FACEBOOK ]

實習:第三天

其實<實習:第二天>係啱啱先寫嘅，一切都係因為隔離屋，憎死佢!!

今日返全日，又係晨七咁早起身，同人逼車仔上班去，痛苦。不過今日唔錯，因為個講師好有水平，講嘅內容係網點業務操作製度，介紹咗好多做櫃臺要註意嘅同要熟悉嘅規定。仲講咗頗多案例，有櫃員岀錯被罰錢，有櫃員故意犯案判刑，同埋銀行被打劫時櫃員會有生命危險。原來做銀行眞係好唔簡單!! 不過又充實咗我啦。

到下午臨走嘅時候，亞張生眞係好帶擕，發咗成曡資料落嚟，仲有張公共交易常用交易碼咁，話下星期三要攷試喎!! 呢個weekend冇得歡下啦。唔止呢個weekend，未來嘅都唔慌開心，因為好不幸嘅消息，居然要人哋情人節攷培訓過關試，玩嘢咩?! 不過有搞笑嘅點，係臨走時仲一人發咗曡"練功券"，咪即係假銀紙咯，俾我哋自己返屋企練數錢呀。不過亞張生居然同我哋講要袋好啲，因為曾經試過俾人偸咗。完全理解唔到點解會偸啲咁嘅嘢呢?! 其實仲發咗部計算機架，不過因為計算機唔夠數，所以唔係每個人都有，我係冇嘅嗰個，有少少失望。

又陀住疲憊嘅自己，搭車返屋企喇。始終都係人逼人，幾時先可以擺脫呢種命運?!

返到屋企又自己一個食飯，好耐同亞媽食飯，同老豆食飯。老豆，我兩個星期冇見過袮喇!!

發表時間：2007-01-26 07:32 PM [ 訪客留言(0) ] [ 編輯日誌 ] [ 分享至FACEBOOK ]

« | 26 | 27 | 28 | 29 | 30 | 31 | 32 | 33 | 34 | 35 | »