今日在妈妈嘅带领下，去咗睇病病。好彩身体健康，一切正常。年纪大，机器坏。确实!! 最近好多病痛，大病小病，从半年前就开始。suyi话我呢种叫心病，屈埋屈埋嘅。还好吧，边有咁夸张??

      又要开始一轮饮凉茶食药的日子...苦闷。

      寻晚又发咗个诡异嘅梦，受够了。

      命里有时终需有，命里冇时莫强求...要懂得做人的道理。

      前两日，又在师傅身上学到了东西，"一朝春尽红颜老，花落人亡两不知"...人生苦短，做人就是要懂得珍惜。

      所以我要珍惜拥有的就足够了，不属于我的，得到也不长久。

      今晚，係我哋中行培训班分网点实习后嘅第一次聚会，但係因为身体欠佳，缺席了。好可惜!! 希望下次还有机会。等∼

      今日如常上班。寻晚啪咗两粒感冒通，结果今日精神萎靡，痛苦到不行。师傅今日轮休，所以跟咗tracy学东东。佢同师傅唔同，有点鲁莽，但係係资历老手；比起师傅好肯教人，但冇师傅讲得利落。过咗啲日子，发觉自己开始崇拜师傅了。

      今日企喺柜台后面做跟班学嘢，却不停打乞嗤，频频要去茶水间包云吞。中午食完饭，同2、3个同事打下牙教，结果俾啲客喷，话我哋唔上岗，挂住倾计。唉∼ 亚姊，你係人我哋都係人，要食饭休息。点知俾人反弹，"你要食饭我都要!!"...呢句嘢连亚哥(亚珊跟嘅师傅)都招架唔到，厉害!! 每日学嘅嘢其实都大同小异，不过要上手又的确未够班。

      下午6点半钟就行出银行，原本可以早走应该高兴。结果挂住讲一通电话，搞到自己唔记得落车，辗转之下居然去咗冼村。我顶∼ 最后都係用咗十几鸡打的返屋企。不幸成日发生!!

      刚刚看了个年纪比自己细好多嘅妹妹嘅几篇日志，年纪轻轻，想法与行动却都震撼着我。不做拖泥带水的人，是今天从她身上学到的。从她身上，确实会找到放光点，也是吸引了我的地方。难怪某人也曾被吸引过去了...

      最近很喜欢听李宇春首<下雨>，感觉超级好。

      寻日嘅两个乞嗤，延续到今日。o7年嘅第二次病倒。

      痛苦嘅一日，头重重，流鼻水，真係好辛苦。可能柜台入面嘅空调够晒劲吧，冇力抵抗。今晚早啲食药上床瞓算了。捱埋听日就可以休息，好快可以抖下喇∼

      前日听到师傅讲过句经典嘢，佢话係人都偏心架啦，因为每个人嘅心脏都喺左边。当时嘅反应就係"咦，係喎"，恍然大悟嘅感觉。哈丷∼

      今日同平时一样，学嘢学嘢再学嘢...

      今日又学多咗好多嘢，好似实时汇款、汇款复核、仲有货币代码咁…… 又要塞好多嘢落个脑度。不过呢排好好学，哈丷~今日放工时间，见师傅仲要埋数，前日佢讲过话要教我兑汇嘅计算方法，但之后冇咗回事，抓紧时间，捉住师傅教埋我呢样。但係时间已经7点，比较夜，所以师傅净係打咗份外汇汇率同货币代码俾我返屋企背熟。培训嘅时候都有带过，不过真正用喺工作上真係唔简单。

      而家满脑充斥嘅就係要快啲上手，然后"开档"!! 哈丷∼ 喺柜台打滚，分分钟都係钱，今日俾主管点咗去清机，一下子数咗65W，咁大个女第一次见到咁多钱。但係今日一役，麻木了。

      寻晚发咗个寻常得嚟好唔寻常嘅梦，希望唔好係真嘅，不然我会笑死。哈丷∼∼∼∼

     呢两日，感受到咩叫得闲死唔得闲病!!

     早上要6点8就起身，主要係自己动作慢，预松啲时间比较稳镇。然后食埋早餐，姿姿柔柔可以7点9去到车站，如果顺车仲可以8点3就返到银行。换好成套行政装，扎埋头发，饮啖水就会一直忙到lunch时间。因为而家中午都带饭返去，所以到咗食饭嘅时间就宁舍多人"叮"饭。跟师傅过程辛苦，要记嘅嘢好多，但学到好多嘢，确实好充实。晚黑唔一定要等到大家埋晒数先走，不过落班嘅时候都差唔多6点先走得。今晚因为要开例会，所以拖到7点半先散。

     一日落嚟就係忙,忙,忙....虽然攰，但好开心，日子没有白过!!

     好眼瞓，听朝又要一早起身，...就寝。