早已知道愛情是難舍難離
早已知道愛一個人不該死心踏地
早已不再相信所謂天長地久的結局
所以我習慣了一個人的孤寂
所以我習慣在人來人去中保持清醒
所以我習慣帶上面具
不再為誰付出真心
但為何還是把你藏在心里
為什么還是等著你的消息
我怎能告訴自己
說我一點都不在意
你是如此的難以忘記
浮浮沉沉的在我心里
你的笑容你的一動一舉
都是我所有記憶
你是如此的難以忘記
浮浮沉沉的在我心里
改變自己需要多少勇氣
翻騰的心情該如何平靜

    金牌出咗只翻唱旧歌嘅碟，好中意千嬅唱嘅<你是如此难以忘记>。

      寻日心情极度唔好，不过今日又再次谂得清清楚楚了。

      咩事唔开心就唔想再提啦，不过仍然係为咗某人居多。觉得一直可笑嘅係自己，其实一直中意某人，只係有种唔服输嘅感觉啫。因为某人俾我一种好难驯服嘅感觉，永远都唔属于任何一个女人。或者係自己好胜吧，想好好控制某人，得到某人嘅心。结果让自己输到一败涂地...

      呢次嘅教训，令到自己对爱恐惧了。

      今日你话有嘢问我，其实我想知，不过始终立下毒誓...老死不相往来。我问咗师兄意见，多谢师兄都俾咗个好好嘅决心我。

      虽然做柜台真係好辛苦，不过而家却好享受忙碌嘅生活，因为唔使喺空闲嘅时间入面乱谂嘢。对某人乱七八糟嘅感情生活，再冇过问嘅余地，更冇必要了。再过些日子吧∼

    今日，係自己独立上柜台嘅日子。好难忘∼6笔冲账...

    虽然做错咗，仲自己贴咗3个几出嚟埋数。不过庆幸嘅係，冇发生咩重大业务差错。基本上顺利完成今日嘅所有流程。

    晚上约咗斌少过天河城，佢6点落班，结果我7点先放工，佢等咗我个几钟。仲屈咗我餐饭...

    冲完凉，接咗个好意外嘅电话，真係好惊讶。估唔到打电话嚟嘅居然係亚宏...

    时间太唔够用了，希望一日有48小时。 基金呢两日升得好生性，希望维持呢种状态啦，于愿足矣呀∼

      今日上咗一日嘅柜台，已经适应咗呢种忙碌做嘢嘅生活。

      有个客唔记得留身份证复印件，等到佢传真返俾我再整埋个封包已经7点几，全行得返3个人。第一次觉得好似有种责任感叫冇论几夜几肚饿几攰都好，都要将呢件事完成嘅决心。做嘢之后确实有磨练到我∼

      最近，真係好中意kary只碟，每首慢歌都好好听。首<爱过一场>，同样听唔厌。

      "你是我心中惟一;最初到最後,忘了告訴你;離開早已千里又萬里,為何還翩翩飛著那回憶"...呢句真係好想同某人讲嘅说话，不过某人永远都认为佢唔係唯一的，因为我都唔係佢嘅唯一∼

      晚上上Q嘅习惯，觉得好痛苦。今日好不幸，当我正在上紧某人Q嘅时候，某人居然隐身。当出现"帐号在别处登陆"嘅信息时，真係好惊。可见，其实仍然好在乎某人...

      今日真係返咗宿舍执晒啲嘢走喇...喺返培商嘅一程车上，我冇停过咁讲嘢。唔知係兴奋定係掩饰紧自己嘅忐忑∼

      返到宿舍楼下，登记之后，就搭life，到咗302门口。一个既熟悉顿时又觉得好陌生嘅地方...打开门后，就同个题目一样，係一个墟。地上嘅尘成层厚，入到自己间房稍微好啲。七手八脚，三个人一下子就执咗4,5袋嘢，加个箱同个gife...一边执一边揾返好多嘢。原来衣柜入面仲放住件佢嘅衫，灰色带绿色边...我谂都冇谂就订咗落垃圾桶。老窦问点解唔要件衫，我冇理由话佢知係男装衫吧∼于是答"冇用架"。不过仍然望住件喺垃圾桶嘅衫好耐...

      结束咗宿舍嘅嘢之后，好快就开车离开。但係喺呢程车上，我冇出过声...

      之后，就去咗坑口咩南围村食私房菜，虽然环境麻麻，不过出奇咁好食!!正∼

      今日返到学校，人好少，感觉上空空的，连个脑都觉得空空的。空空的...