Ａ.1o⒚ - QOOZA 網上日誌

「⒑分愛」,、

今日係星期六，一般冇咩特别，休息嘅日子我都宁愿选择留喺屋企。辛苦咗一个星期，今日将成个星期嘅衫洗晒，点知落雨...原本谂住好好咁食个晚饭，结果冇胃口。

寻日冇啦啦发咗斌少脾气，倾咗两句就cup咗电话。虽然我知唔会冷战好耐，不过硬係觉得唔舒服...

今日终于睇咗出<十分爱>，一直以为可以到电影院睇的...

睇到个结局，不由地又想问啲人究竟将爱情当咩呀??唔知点解，我将佢睇成好神圣嘅嘢，所以有任何人亵渎咗佢我都会好激气。两个人有缘先可以做得成情侣，点解到最后都唔好好珍惜呢...到底係爱情玩你，定你冇尊重爱情呢??

一直都唔会轻易相信爱情，大概就係因为自己太珍惜，唔想俾机会人哋亵渎吧～

希望身边嘅人都可以咁谂，轻视爱情同糟蹋自己有咩分别...

發表時間：2007-06-02 10:05 PM [ 訪客留言(0) ] [ 編輯日誌 ] [ 分享至FACEBOOK ]

没有6.1。

今日係6.1儿童节，不过已经冇过好多年。今年嘅6.1更特别，因为係喺我第一次工作嘅地方度过。中午，周行请大家食糖水，话係6.1特别饭后甜品喎～好无聊。

今日继续上柜，上咗几日，由咩叫充实、到忙碌、再到虚脱...寻日就开始，喉咙讲嘢沙晒。鬼咩，啲客个个都蠢到"目嘴"咁，解释完呢样又第样，仲要讲到鬼咁大声先听到喎。边个都顶唔顺啦～结果今日完全沙晒啦把声。

其实一日落嚟都冇咩特别，尤其今日亚哥休息，冇佢返工就觉得好无聊。

求先睇完<溏心风暴>大结局，虽然前20集冇点睇到。不过还是迷上了～迷上嘅point当然係林峯啦。佢又得咗喇!!佢做程亮真係好入型入格，俾着仲係读紧培商嘅我，我一定支持常在心拣程亮。但係人大了，毕竟会想到未来、以后...对背叛过自己一次嘅男人，点可以原谅。我记得"一次不忠，百次不容"嘅道理。而且程亮都死咗啦，就好似叫常在心死心咁。而家嘅我，反而更会珍惜"得得地"～珍惜眼前人嘛，嗰个咩时候都陪住自己嘅人先叫真心，嗰个唔计较一切为你好嘅先叫好男人。

"得得地"...对你嚟讲，希望我係特别的。

發表時間：2007-06-01 11:19 PM [ 訪客留言(0) ] [ 編輯日誌 ] [ 分享至FACEBOOK ]

(05)櫃員。

虽然间唔中都上下柜咁，不过寻日开始，我正式上柜啦。

呢两日，简直虚脱了。上柜嘅日子好忙好忙，面对啲难搞嘅人，真係细声啲都唔掂。不过上咗柜两日，都冇出过差错，係值得高兴嘅事情。日日都要同啲鬼打交道，发现学好英文好重要!!因为成日俾人问到口哑哑。

寻晚陪咗莎姊去剪咗个短头发。点解当初嘅我冇呢种勇气呢...反思之后发觉，我冇呢种需要。

感觉特别容易对天蝎座嘅人有好感...点算，好似又迷上天蝎了～

發表時間：2007-05-30 09:00 PM [ 訪客留言(0) ] [ 編輯日誌 ] [ 分享至FACEBOOK ]

、,痲木！

今日，冇发生咩令我唔开心嘅事，好似话紧俾我知，其实係习惯咗咁嘅环境罢了。

算啦～我已经觉得自己好幸福。今日放工，约咗斌少，去咗岗顶间意粉餐厅食饭。食咗好好食意粉，饮咗好好饮嘅香草虾肉忌廉汤，仲有鸡翼、培根焗包...又过咗个幸福嘅晚上。

中午嘅时候，一落台就打电话俾莎姊，知道有食饭，放心了。但心情不怎么好，觉得还是有隐忧。惟有靠时间这东西了～　

發表時間：2007-05-28 11:25 PM [ 訪客留言(0) ] [ 編輯日誌 ] [ 分享至FACEBOOK ]

(＜祝福>＞

天气很反常，好似人嘅心一样。

今日都未瞓醒，就有人喊住口打电话俾我。结果，足足安慰咗佢2个几钟。我明白是痛苦的，前一晚讲话冇事係呃紧自己吧～记得几个月前，我亦同样痛苦嘅时候，你一样留喺学校陪过我度过难捱嘅日子。而今日，我忠心希望喺我陪伴下你都会好过啲。

喺恒宝一直行，一直讲，原本以为你已经放开少少。但喺一级棒嘅时候，讲讲下你居然喊咗。虽然唔係第一次见你喊，不过呢次真係好戥你激气。接受唔到事实嘅唔止得你，连我局外人都难以置信。才发现，人嘅心係变得快嘅生物。恐怖得令人生畏～

讲咩都好，识咗你10几年，净係希望你下次下次真係得到真正嘅幸福吧～

發表時間：2007-05-27 11:39 PM [ 訪客留言(0) ] [ 編輯日誌 ] [ 分享至FACEBOOK ]

« | 16 | 17 | 18 | 19 | 20 | 21 | 22 | 23 | 24 | 25 | ... | 35 | »