今天是15/9(星期六)，要返去舊公司取糧!!
上午照舊，要在葵涌返印刷廠。好在今天只係返半日(放1:30pm)
唔知點解臨返去舊公司前，自己的身份覺得好怪........
但係始終一定要返去取番份糧，如果唔係我點夠自己生活呢??
(師父問我做乜返舊公司兩次?? 因為人事部星期六休息，而會計部一至五6:00pm後已收工
會計部要星期六(15/9)出糧。)
師父突然叫我要裝版及洗版 (臨收工1½前)，做到自己好像好趕!!
好在1:30pm準時收工，然後立即搭MTR往荔枝角取番份糧。
自己唔知點解由離職開始，次次往荔枝角時一定會有點壓力......
(可能自己在荔枝角區做咗成3年半野，怕撞到熟人!! )
終於返回舊公司la~~~~
其他d舊同事都有問我最近點?? 我又問其他同事最近又點呢??
我答的是：好好!! 跟着到會計部取糧。
我又同會計部傾咗一陣，會計部覺得我做事好認真及肯負責。
但我自己覺得，做番本份已經足夠，其他野已經不重要la~~~~~
取完糧後，d主管同我講取完糧後立即離開公司!!
我咪立即回家休息，準備晚上往元朗同阿姨食晚飯。
今晚約咗6:45pm。我到咗元朗後，立即到酒樓找阿姨!!
順便幫我翻譯張工作証明講乜野?? (因為是講英文，而且自己唔識睇  )
翻咗譯後，內容是講：我在舊公司做咗兩年及職位、今次令我好意外.......
因為張証明紙寫埋我工作好細心及盡責。
(P.S. 我很多謝舊公司寫我評語好好，現在我覺得好光榮及驕傲!!)
大家傾咗大約2小時後，大家都要各自回家去la~~~~~
(這個阿姨對我好好)
回到家後，打完個blog後立即要睡覺!! (因為成1星期都未睡個好)
趁明天放假，一定要睡得好好~~~~~~ |
