嘩...  終於等到d 相啦!!! yeah~

*8月23*

8月23 就係我地班既開心果萍萍一年一度既生日啊

約左9:00 係藍田MTR 等.. 結果遲到

一行16 人差唔多十點去到筲箕灣

之後分成兩批人馬... 我就去左霸爐果邊..

入到石澳得個等字就玩起牌黎

↑係到玩扲棉胎... 得番萍萍同啊盾 兩個遲鈍鬥遲鈍 = ="

之後買野既人都黎齊就起爐同換衫

當差唔多所有人都換晒  最後出場既theresa 先夠鬨動

佢換出黎果件衫簡直將在場既15 個人都笑到機乎訓左係到

↑睇唔睇到果件衫啊.. 個個望到傻晒咁係到狂笑

↑開頭以為係佢自己突登著上去.. 原來個設計係咁= ="

↑從另一角度睇真係另有一番風味.....
   順帶一提坐係格離既kenny 真係夠晒大隻夠晒黑 
   難怪溝死女 = ="

↑登登登... 我地班既開心"嗎"寶    萍萍同明明

↑睇下果兩個白痴係到做咩 = ="

↑估唔到我既倩影都會入埋鏡...  好努力咁係到幫人燒緊野食

↑影到我好難睇啊 (所以遮住) 
   嗱!!! 哩張相望兩眼好啦   唔好周圍望同望咁耐 = =+

今日唔知點解玩既時候d 男仔係到爭住除上衫

kenny 固然好有睇頭.. 但係俊俊同明明就.....

萍萍講得好搞笑 話俊俊平時個樣咁剎食 一除衫d 分數即刻大打節扣

簡單黎講成日過得好開心 萍萍生日快樂啊!!!

唔好為d 不知所謂既人影響晒成日既氣氛

同埋覺得內疚.... 

嘩... 終於睇完<血夜> 啦!!!

篇幅比一本漫畫厚小小既長度我都可以睇左成半個月

可能因為哩本真係一本好書呱

我將每一隻字都睇得清清楚楚

而且每次睇之前我都要做好心理準備= ="

如果唔係一定會比個內容搞到發癲

好.. 開始寫讀後感....

哩本書係一本關於 BL (boy's love ) 既書

作者係 風弄   

個背景係發生係古代 

主角有三個  分別係

驍勇善戰既國王..

溫柔而痴情既將軍..

美麗得由如神化身既外族王子..

個故仔一開始就好虐  睇到我心都酸埋
( 點虐法請自己想像 但係絕對無鞭打或者跪釘板哩類 場面 )

果時就係無做心理準備走去睇

結果睇完第一章就出事= ="

<血夜> 除左講愛情 重有講戰爭

點解我會咁佩服個作者..

佢心思真係好細密同文筆好勁..

除左愛情故事就連戰爭都可以寫到咁精彩

相擁既果種甜蜜..

被愛人背叛既心酸..

同時愛上兩個人既痛苦..

徹夜交纏既火辣..

都描述得怇世無遺而且刻骨銘心

真係一場幾值得睇既愛情~
(你叫果個什麼 張X閒 粱X峰 收儅啦= =" )

就連戰爭都可以描述到如斯浩瀚偉大..

場上運籌帷幄既氣勢..

勝利與情人間痛苦既選擇..

突如其來既軍情匯報..

衝鋒陷陣既打鬥場面...

搞到我有d 以為自己睇緊戰爭小說~

重有不得不提既就係 風弄 用既形容詞真係好靚

例如有一句

絕色、細喘、汗水和淚水夾雜著飄盪在痛苦和快感之中，能奪了人的魂，激散人的魄

重有一句

眼眸璀璨得能掩盖天上的星星，又迷茫得像第一次被親吻的孩童

因為d 字都幾密.. 所以淨係搵到哩兩句.....

遲d 有時間再去攻陷佢既其他作品

一定對我作文有幫助 ^﹏^

最後作者重要寫多場番外篇既３ｐ   都幾過隱!!