今日要做5分鐘短講
5年計劃~~非常kai!!!
(大家好!我係吳崇傑呀!! 坐山頂既同學仔 聽到嗎?!
今日我的題目係五年計劃 相信大家同我都一樣...
好!! 廢話唔多 而家同大家分享下我理想既五年後啦
跟據我而家讀呢個課程 都估到我既理想. 冇錯 應該就係投考紀律部隊
因為我學歷低 大個都唔知可以做D乜..而且我咁鬼懶呢!
聽聞呢! 消防一個月都係返九日嫁咋 咁正既野梗係考呢樣啦
啦我五年後就係一個消防員 不過係好普通好普通 做散仔個隻!唔洗升職架
亦都唔洗話要高級!! 哈 係咪覺得我好冇大志呢 梗係唔係啦 其實係因為呀
次次有消防員死都係隊長級以上的人馬 我寧願做捉貓任務 我唔想死啦
梗係有我原因啦 因為呢我五年後!! 上有高堂 下有妻房! 係五年之後我有個好似
陳法拉咁正既老婆 仲要一仔一女 養多隻番狗! 羨慕呢?! 哈哈 恨唔黎架啦呢啲野
有啲咁好既條件 當然到時就 我追住我老婆 我老婆追住我啊妹
啊妹追住啊哥 啊哥又追返BOBBY. BOBBY係邊個!? 佢咪係我五年後隻狗囉 咁跟住
BOBBY又追住我老豆 我老豆又追住個波 個波又追住我 係咪好正呢!? 都係個句啦 唔好羨慕我
以上就係我五年計劃啦
咁而家就要對比下現在既我 同五年後既我啦!!!
因為我份鐵飯碗令到我有錢左!! 仲有因為呢份工 我靚仔左悿! 點解?
你估下囉 冇錯.因為有錢左我就可以去整容架嘛哈哈!
呢啲其實都係表面既野 內心梗係成熟左啦
因為有份穩定收入既工作! 唔同而家既我 返幾日工就射波 唔做.....真係!唉!
而且我再唔係吊兒郎當 我有家庭有仔女!責任感比而家重!
身體機能方面就梗係強壯左啦! 人地五年後都只係廿三歲咋!!!
對人對事就當然成熟左啦 唔會再做埋哂啲幼稚野
就好似唔會而家咁 跟住地下啲磚既顏色黎行 唔會插隻手落米江 識得分輕重...
而家我可以定下既目標 就係多啲做操體能...去考救生章 考急救章 考車牌 讀好啲書
但係 我應該點樣去實現呢啲目標呢!?
好簡單姐, 考救生就日日去沙灘 一路游水一路"目及"女
考急救 就同多啲女仔做人工呼吸 講笑咋. 應該學好啲急救課程
考車牌仲簡單!日日落機鋪 練頭文字啲 仲有灣岸
仲有而家上堂既時候 唔好再同樂仔佢地光明正大上緊堂打PSP
用以上既四點 黎幫助我行近消防員呢條咁有前途既路.
正如我岩岩所講 我就用考救生章 考急救章 考車牌 黎裝備自己
仲有我要克服畏高 怕黑呢啲講就小毛病 但係足以致命架嘛
相信我達成以上既目標 五年大家就會係街邊見到我追住我老婆 老婆追住個啊妹
啊妹追住啊哥 啊哥又追返BOBBY 咁跟住 BOBBY又追住我老豆
我老豆又追住個波 個波又追住我. 不過都係個句啦 唔好羨慕我啊
多謝保貴既五分鐘 聽小弟講一啲 冇可能發生既事 多謝)
但係~~~~~~~~~~抽唔中我呀haha
唔洗做 不過要作文~我唔洗整 同冇心情作
因為打psp!! 死人willam 用老金 帶我升
超快~~哈哈
之後普通話堂~~ 好悶~
讀下野 咁就落堂了
之後~~~ 去左太子
剪頭髮~~ 本身我係想產頭嫁!!!
但係條粉樣...唔比我產!
之後就電頭啦....
搞左好耐~ 我頸都硬埋
終於整好~~ 用左$348!! 不過算啦...好似幾好睇...
好似咋~
之後返東涌~~~ 屋企人都大吃一驚
哈....... 今日成日都冇食過野~就暈啦!!!
訓先~88 |
