☺Bab1`be Happiiiiii;]

 今日約左我表姐去旺角買鞋同書包

行左7個鐘...攰死我喇！！隻腳好痛

講番今日嘅行程先啦！

．．．．．．．．．．．．．．．．．．．．．．．．．．．．．．．．．．．．．

本來約左１１點３０分喺美孚站嘅君蘭等．．．

但我輕鐵同西鐵都走左一班車，所以１１點５０分先到．．．

之後又要表姐同我一齊行去美孚地鐵站（因為我表姐係搭地鐵的）

喺搭車去旺角期間先知道佢男朋友都係住天水圍
（但我唔明點解佢要去荃灣做野囉）

去到旺角，好多鋪頭都未開．．．

１２點幾都未開．．．唔洗做咩！！

之後我地行左好耐都無收穫．．．因為ｄ袋太？喇

（希望你地明啦∼）

所以去左味千拉麵，之後先再睇

我食左個蝦餅拉麵，正！

之後表姐狂叫我嗌野食．．．．

又係咁話：飲野啦！

最後．．．．果然係食唔哂嘅∼

行行下．．．唔記得左喺邊個商場

買左一個掛喺ＮＤＳＬ嗰ｄ野．．．

好得意架！

再喺信和度買左個ＫＵＲＯＭＩ嘅ＮＤＳＬ袋

我會開多一個日記ｐｏｓｔ　ｄ相相．．．

．．．．．．．．．．．．．．．．．．．．．．．．．．．．．．．．．．．．．

之後我地去左兆萬中心度睇野

見到一間超多貼紙相機同好大嘅貼紙相鋪

同表姐影左部機．．．

覺得ｄ動作好白痴（兩個都係咁講）

不過都ｏｋ啦∼

間野真係大到呀！

個收銀處已經係青春無限間野嘅１／２喇

即係差唔多３個兆萬嗰間野嘅收銀處就係一間屯市的青春無限喇

仲有好多部機都未見過！

超靚呀！！

．．．．．．．．．．．．．．．．．．．．．．．．．．．．．．．．．．．．．

影完貼紙相行去波鞋街睇鞋．．．

睇睇睇．．．

試試試．．．

最後終於買左一對平底鞋

因為我嗰對都爛爛地嘛！！

之後又行番去朗豪坊睇書包（即係斜揹袋）

睇睇下我已經超眼訓．．．

最後買左個ｐｌａｙｂｏｙ袋

再去滿記甜品食楊枝甘露（好味！）

等左唔知幾耐．．．

同表姐個男友一齊食飯！就搭車走人喇

．．．．．．．．．．．．．．．．．．．．．．．．．．．．．．．．．．．

番到屋企．．．對腳超痛

簡直行左我１個星期嘅街．．．

７個鐘．．．

唉！

聽日開學喇！！

大家都要＋ｕ呀

☺Bab1`be Happiiiiii;]

 琴日唔小心按錯制.....

del左隻應援團，搞到要重新玩過．．．

不過都唔係大問題（雖然就打爆）

．．．．．．．．．．．．．．．．．．．．．．．．．．．．．．．．．．．．

呀媽今日打麻雀．．．

得我自己一個食飯，打左電話比呀媽之後

講左好耐佢先比我自己煮飯！！

上次蒸水蛋搞到我好想煮野食呀！

所以決定學左整一ｄ蛋嘅野先．．．

（由於我太鐘意食蛋喇）

所以頭先整左火腿奄列同一ｄ菜喇！

不過整完之後發覺唔係火腿奄列，係火腿炒蛋先啱

差唔多散哂．．．都包唔住ｇｅ∼

不過如果當佢係火腿炒蛋都幾好味架！！

所以我今日整嘅係火腿炒蛋唔係奄列．．．．

因為太樣衰喇

所以今日無相睇．．．唔好睇但好食

算係咁啦！！

．．．．．．．．．．．．．．．．．．．．．．．．．．．．．．．．．．．

上次覆ｍａｉｂｏ嗰陣話上次食左膏蟹！

所以今日比你地睇下啦∼

呢一幅相係上次再上次架∼

超好味呢∼

但我今次食嗰ｄ仲正．．．

可能係因為呢排係ｄ蟹最靚！！

ｄ膏全部都係紅色同橙色

得百分之０．５係綠綠地色咋

但我唔識點把相機ｄ相放上電腦度

所以等呀哥番黎我會比你地睇睇

☺Bab1`be Happiiiiii;]

屋企部腦終於整番好喇！！

真係要多謝哂呀哥個同學呀！！

個顯示卡太費喇∼

好彩樓下間野有啱我地部腦用嘅卡啫！

呀哥ｄ同學真勁！

但點解我呀哥唔識整架？唉！

．．．．．．．．．．．．．．．．．．．．．．．．．．．．．．．．．．．．

個日記唔同左喇！！

要換下新形象嘛！

頭先用左半個鐘嚟＜維修＞佢呀

多左好多鬼同丫頭呀！

永遠都咁愛黑澀會美眉同棒棒堂呀！

．．．．．．．．．．．．．．．．．．．．．．．．．．．．．．．

終於約左表姐喇！！

ｐｓ：呢個表姐係我咁多個之中鐘意嘅表姐＞＜佢超靚呀

因為佢之前話同我行街

但一時我唔得閒．．一時佢唔得嘛

所以，而家先約到呀！

約左９月２號（即係最後一日放暑假）

由於第二日就番學．．．我地喺旺角嗰ｄ地方行

所以之前講定嘅節目要下次先ｌｕ！

最重要嘅野係要買到書包呀！！

琴日同呀媽睇過ｄ袋

有個ＰＵＭＡ都幾好．．．

但如果放哂ｄ書會超大舊，所以唔買呢個

行去idc睇，見到個ｐｌａｙｂｏｙ袋

靚呀！本來呀媽話無所謂．．．

但我諗諗下∼

白色一定好容易整到好骯髒啦！

所以都係算喇．．

（好挑剔呀！！）

雖然我真係想買嗰個ｐｌａｙｂｏｙ嘅袋

但算啦！橫掂旺角大把．．．

雖然買唔成書包．．．

但呀媽買左對ｐｕｍａ嘅波鞋比我∼

體育堂用架！舊嗰對喺「巴士事件」入面已經再用唔到喇

比你地睇睇啦∼我睇左一陣已經揀中佢喇！

我覺得幾好呀對鞋．．．去街都襯到架！

就係咁喇！！

希望買到個書包啦！

呢排好開心呀！

連續兩期（拎）到Ｂlackie同lollipop嘅yescard!!

已經好開心喇！！（算係容易滿足的人嘛？！）