我睇左《沖天救兵》啦!
今次都係睇3D，
估唔到上次果套睇完3D，
今次呢套又睇wo~
《沖天救兵》真係一套好睇既電影，
可惜我覺得許冠文配得好差，
浪費曬套電影(ˊˇˋ)
許冠文配左自己既風格出黎，
但我想講: 許冠文係許冠文，唔係卡叔。
除左風格問題，
我仲覺得佢配卡叔時講野太快，
睇佢滿頭白髮，
腰骨又麻麻，
應該有返咁上下年紀，
講野仲點會咁快?
好．怪．囉(=333=)
* * * * * * * * * * * * * * * * * * 以下內容會涉露故事內容 * * * * * * * * * * * * * * * * * * * *
故事一開始既男仔，我仲以為係小飛. . .
估唔到卡叔一生既夢想(承諾)就係帶佢老婆去仙境瀑布!
我仲以為係佢對自己既承諾天。
一開始講佢兩公婆，完全無對白，
靠動作表情劇情等等表達左出黎，
我覺得呢種效果同感覺都好好!
到佢老婆過左身果到，
我可以充分咁感覺到果種帶點哀傷的感覺!!!
我無諗過德仔會係咁樣講野法!好意外!我鍾意♥
另外果隻大鳥都廷不錯~佢好鍾意食chocolate*
果個" 敵人" 其實係佢放唔到世人到佢既誤解，
佢既執著導致到佢最終跌左落佢，
我覺得佢本性唔壞。
而故事既高潮位應該就係卡叔終於同佢老婆去到夢想既目的地，
然後佢思考自己應該如何做那部分。
佢最尾做左一個好好既選擇，
佢選擇左救隻雀。
雖然最尾間屋都係跌左落去，
不過最終都去返夢想既目的地。(我猜中了呢!)
我好鍾意呢套電影!♥
P. S.見到前面D觀眾走，
我明白到細路始終都係細路－－
「我都係覺得《冰河世紀》好睇D」
我唔係話《冰河世紀》唔好睇，
亦非唔尊重細路既意見，
我覺得兩套各有各好睇。
| 
